SIAHA (Eihrino) : Atamy dawh 1am rachhoh ta F. Beihropahnei laipino LC.Ungpa(Ano) cha Siaha collage vaih liata a hropa khochhih kawpa ano sasyh ta a la.
Ano he Puhpa L.C Tohu (Collage vaih) saw chano uhtheipa cha ta, Ko 23 a cha.
A vahpa F.Beihropahnei he ko 28 cha ta, EMC Missionary cha pata Tripura Mission Field liata chakaona a hneinga haipa a cha.
Atano Dawh 1:30pm ra chhoh ta a ri cha Siaha collage vaih thlasu liata pabu pa a cha.
Ano he hawhta ano khota a pa-aosao thlahpa he a chhohkha a siesaipa zy dei cha leita, a viasa rihchah, a lohkhy zy ta a ma tao khei hmeiseih pata Siaha correspondent ta a reih.
Ano a pa-aosao chhana pangiasapa nata thatih tlahpipa:
A vahpa F.Beihropahnei he zahko November 10-18, 2008 ta Tripura Mission Field tawhta Maraland Gospel Centenary Main Celebration a kaw hma awpa cha ta, satliapa zy cha ta lapino a hnei mah lei va ta Pastor thokha nata Awnano Hotuhpa zy ta akaw tlo chho no ta Lapino pahneisa a ma vaw chhuahpa a cha. Arrangement tao pata Laihsa Ano cha a siana nata kho a chhihna zie lyma hawhta Missinary lapino cha ta a ma vaw tlyh papua.
Ano cha Ano nata Apaw, Pastor nawh zy nata Awnano Hotuhpa zy riah a chi kaw va ta a kho lei kawna chota avahpa cha ta hnei awpata Collage Vaih Achhyna O liata November 2007 lia khata chhazaw cha ta a vahpa cha awpata zawpi nata Khazohpa hnota bie a vaw taihpa a cha.
Lapino nata Avahpa cha na kyh liata rairuna tlo lyma ta, kyhpacha hmeiseihpa y lei khata, Ano cha a hro rai a vaw ly vei. Kachhie lei kawna chota nata noza lei kawna chota Awnano Hohtu penawh hnohta "Achhaih thlah ei sila, eihro aly hmeiseih hlei leina chota avahpa he hawhpa hnei pa he Nopi, Novah chana kyh liata sie parei thei aw mapi" a vaw tatyhpa hawhta pahnopa a cha. Chahrasala Awnano hotuhpa zy ta "Missionary lapino zy cha chita, cha hawhta a chhaih thlah pacha chyhsa mohmo nata Khazohpa mohmo ta cha thai aw vei" a ma vaw tah tyh hrapa hawhta bie daopa a cha.
He hawhta Ano, a hrona i lei kawna chota ano sasyh ta liah-ny a vaw chei thlahna kyh liata Marasaw zy ta achu awpa hluhpi a-y pata Maraland.NET staff zy ta eima pahno. Kahlano, eima Mano nata Mapaw chha nata daihti lia cha saw chano zy ama khoh leina chota avahpa arrangement taopa ta a ma pahneisa thlah tyh. Tahma chha nata daihti asie haipa lia deikua pakha tata amo pasia abyuh kawpata a la.
Maraland.NET ta Ano he hawhta a daihti leipi liata avaw paha thlahpa he pei ta kaw ta, a tao khei hmeiseihpa a cha.
|
Written by Guest on 2008-05-17 03:40:43
Avaw peihmeisei na, Pupa F.Beihropahnei thlachha eima chawbao lyma aw..!! | Written by Guest on 2008-05-17 04:47:07
LC.Ungta cha leipa ta L.C.Ungpa | Written by Guest on 2008-05-17 09:30:13
Cha vadua achhih rima cha, he he story athu viapa a y cheingei nata ei pangiasa. Ano eingia eina chhie kaw chi.... Chhohkha asiesai pazy thlachha khei chyu si.
RIP Ano... | taohy khao lei awhpa
Written by Guest on 2008-05-17 10:21:45
Apa-oa saopa zy he sasy ta hrona lapazy he cha Khazopa aphno leipa chysa nawzy hmotao tyh pa acha, pasaipa-i pata vah papahneisa pazy chhao he Khazopa achi leipa sawzy hmotao pa acha hra, ahy saw hmata asawchapaw, asawchano zy pasaipa-i pa he Khazopa ta apasai leipa achapa hawta sasy ta hrona ala pachhao he sata tawhta pa acha. Marasaw he hawpa hmochhie pazy he tao chachy ta khao leipa sila, Khazopa he hrona apietupa he chi su vei.
12 | Written by Guest on 2008-05-17 12:13:18
Athaona cha pasaipa-i pata vahpa ama pahneisapa cha chathlah khiah maw? Cha apei dah la aw... ei sai eina hei hmeiseih... Tawhta, apa-ao saopazy chhao he keimo ta judgment tao thei mapi, Khazohpa rei a cha, varah kia nata kialei cha, anodeikua tao lei awpata eima pachu awpa a cha. - Marasaw | Written by Guest on 2008-05-17 21:28:10
keimo nara no nata paw he hmo tona heta amo pasiapa a byu ngasa pata eipa hno. eingia eina chhi hmeisei na | Paloh chyh va ta a cha...
Written by Guest on 2008-05-18 07:41:16
Mara chapaw zy pita eima pachana thata eima palaisa a byuh ba hra pata a la.
Lapino zy dao dah nata Krizyna hro liata chhitha abyuh zie a la ngaita kaw. Missionary hluhpi pipathi pata Mission chakao tloh ta chhohkha lapino chha a chakao thei leipa hluh pi a ma y thei hra tahna a cha. He vaduana atyhpa F. Beihropahnei chhaota a mo pasia a byuh kaw aw.
Lapino zy he dao kawpa ta nata Krizypa hro liata chhitha pata, za chareih Khazohpa la apavaosa lyma na chota nopi novah a ma sie lyma khiah he hawhpa hmo tlo beih aw vei.
Chavata asia via pata eima Missionary zy ngalah chhao cha lei ta Mara Chapaw zydua chhao eima pacha pasia via a pha kaw aw.
No nata paw zy cha eima cha ta lapi phapa a ma moh lyma hra, maochhie khai thaipa cha hra vei ei. Chahrasala pachana pakawh na chota Chano nata Chapaw likawh kyhpachana y leita nopi novah ahneipa pha vei tah pa a palasa kaw hra. | Force khao lei awpa
Written by Guest on 2008-05-18 11:46:13
A pei kawna he hawta thina raro y kawpazy he eima rah liata a y zawrah ngai leipa cha tlo ta,he hawpa hmo zy he eima vaw ty pathlei hei khao lei naw pata a pachuna dah phata ta a pachu via ei sila a pha kaw aw..Kho leipazy force pata lapi vapa pahneisapazy he chi a chhizie zy pahni pasia via ei sila,Keimo Marapa picha eima custom nata Tradition zy a na nopa hawta eima paloru phaozie chhao a nano kaw hrata,vianazy la ama hnei tawhta Kyhpachana (love)a y pa hawta ama rei..Keimo Mara deikuala Kho leipata a pahneisapa hela ama hnei tawh chhaota buabana nata rairuna a hlu via lyma chavata no nata paw zy chhao ama sawzy kho leipa force pata nopi nova pahneisa khao leipa eisala tahpa a pha kaw aw..eima no nata paw hno chhaota reguest na eivaw hneipa pa a cha...
the_man | Written by Guest on 2008-05-18 19:35:58
Eingia eina chhie dah la reih thei vana tahpa hleikho rei n'awpa pahno vana.... - PK  | Written by Guest on 2008-05-18 22:57:50
"Abeipa ta a pazaopa cha a hy hmata pachhai kha se" tahpa hmopi ta, chasala tahma ta hmo y zie ei vaw hmo nahta a ngiapatupazy chhao he ta ama hmtaopazy tawhta Abeipa a hlaoleizie nata Abeipa kho da hawhta ama y leizie a la pasia kawpa ta ei pahno... Awnano la ta a lupazy ta lapi pahneisa ei tah he he Abeipa tawhtapa/Abeipa kho dah a cha leizie a la kaw, ama pahneisa nota 'Abeipa ta a pazaopa cha a hy hmata pachhai kha se' ta tlo ei tah chasala he heawpa hmo a vaw ypa he Abeipa ta a pazaopa ama chaleizie a la kaw. Chyhsapa ta a pazaopa, kypachana a hlao leipa a cha zie a la ngaita kaw. Chavata Awnano chhihtupazy chhao heta amo ama pachana dah nata khona dah hawta ama ypa he a pha leizie a sia chaima, amo pacha dah liata cha a phachaipa hawta ama pacha thei ngyu aw, chasala "namo nama pachana cha keima pachana chavei" tahpa eima hmopa hawhta, Awnano chhihtupa nata luhpazy pachana cha Abeipa pachana chavei tahpa ei pahno pasia kaw... Chavata he hawhpa ama hmotao pasichhihpa he ama tao khao lei awhpa ta a pha kaw aw..
X | Written by Guest on 2008-05-21 01:20:41
Dear Marahpasawzy,
He kyh liata, nama comment-zy tawhta mopa ta, pachano pasoh kawpa nata pha kawpa nama hnei chyupa ta ei pahno. Nama zydua ta vadua a tyh hapa eima sitano he nama cha chhie kaw sai ei ta, cha hleikho ta hehawhta "drastic action" a vaw la khona nata theina chhapa chhao nama patuapalua holo. Nama reina kaozy chhao a do kaw sai.
Kei chhao ta he chano he ei ngia na chhie ngasa thlah ha ta, a siesaipa a vahpa nata no nata paw chhohkhazy paloh pasa awpa nata ama taozie awpa chhao pahno khei ei na ta, ei taokhei kaw hra ei.
Hehawhpa kyh liata keima mopakha pacha dah a chyu ta vaw rei hra tua awpa deikua ei kho kaw hra.
1. A hmiatuachaita cha hehawhta sasyh liany cheipa (suicide) he khizaw liata poh via lyma ta, keimo rah chyhpa ta liana chhao heta alarmingly ta a hluh kaw ba. Chavata he kyh he seminar zy hnei ta, a pha kawpa ta rei ta, causes, preventive measures nata counseling a ngiahna zie zy rei awpa a peimawh kawpa ta a la.
2. A sanona liata cha, he novah he ama hneipa nata chakao awpa ta field la ama sie hapa hawhta pahnopa cha ta; chacha a do khiata cha, hehawhpa kyh liata eima rah heta tao dah pha viapazy eima chu hra awpa a peimawh kaw. Rah hrolazy cha ahnei thiehpazy he chakaona la pasiesa mah leipa ei ta, a chhie chaita thla 6 rachhoh cha amo novah a adjust nawpa ta ama khih/rah cheingei liata ama pa-ysa khai tawhta chakaona su la cha ama pasiesa tyh.
3. A sathohna liata cha, he nawh novah kyh he cha hlei leipa ta, a tlahpipa ta, nama rei holo hawpa hawhta, amo nata amo kyhpachana rai a hnei leipazy he cha nopi-novah pachasa awpa cha vei. Ahyrai ta ama khopa tlai lapino nata avahpa ta ama hnei khai awpa a cha. Ahmiatuata a vaw khohpa ama cha leipa chhaota, nopawzy khona vata a hiatata hia tita chhaota, a chanopa ta a kho thei khia deitata patipatyh awpa a pha chai.
4. A sapalina liata cha, Mongyuh reih ta "pre-marital counseling" (nopi-novah nata khisa totuna dah, a hnei hla tawh chhao ta achupa)nata ahnei khai tawh chhaota hehawhpa kyh liata pastor nata chhituhpazy heta nopi-novahzy he counselling eima pie pha lyma awpa a ngiah ngaita kaw.
5. A chha chaina liata cha, he hmo eima tyhpa heta, saw nata nawh nata nopi-novah zy likawh liata paloh a pasasa tu awpa a pha lei zie maniah a pachu pa heih.
Vanoh Paw | Written by Guest on 2008-05-21 14:55:43
Achu awpa hlupi eima hnei tahpa ala kaw. Ano RIP... | RIP
Written by Guest on 2008-05-25 01:48:58
Ano,atlahpata vasie ma yu.eima chaw i ngasa na.Marasawzy eima mopasia via nawpata khazohpata achaw hmapa nacha pata eipa cha. |
Powered by AkoComment 2.0! |
