|
OPINION: Maraland liata chakâhna vata 29 ama thi ma? |
|
|
|
Written by Vânoh Paw
|
|
Monday, 26 May 2008 |
Maraland.Net liata “USAID of Rs.20 lakh for Saiha District Mizoram India” tahpa thâtih kha nama reih hôlô nata ei pangiasa. Hehe thâtih lychhih kawpa a châ no ta, he kyh nata azaopa ta thâtih a pua hropa deikua Marapasawzy châta noza nata nohzao â vaw chhih pâ kaw.
May 20 ta apuapa, Times of India, Kolkata edition ta "29 dead as bamboo curse hits Mizoram" tahpa biepipa ta hmâpa ta mawhtâ chakâhna vata Mizoram State liata Saiha District chhôh liata thyutlia 29 ama thi, tahpa ta a report. Times of India web address cha hehawhta a châ.
Times of India ePaper link (Click thei pa a cha)
(TOI ePaper default ta ala aw vei, Kolkata City edition select la, date kha May 20, 2008 select heih la, cha liata page 8 na pahy la, left column second from top article a cha)
Siaha District liata chahawhta chakâhna vata chyhsa 29 lai eima thipa cha a pahnopa nama y ma? Eimâ pachy kawpa Maraland.Net liana chhao heta chahawhpa thâtih cha hmô hlei pi va! Hehe hmo hmeihseihpa vaw châ mawh sala, chahawhta chakâhna vata chyhsa hrona 29 taih a lei pâ ngâ no ta, eima râh-luhpazy châna kyh liata thata ama bua ngâ kawpa cha, no-âh chhihpa hmo a tloh aw. Chahrasala, keima mopakha ta cha chakâhna vata Siaha District liata chyhsa 29 thina thâtih he, thâtih do leipa a châ na ta ei pangiasa.
He nona heta May 23 ta a puapa Aizawl Post liata Mizoram Chief Secretary ta, chahawhta Saiha District tawhta tlyma, District hropa lâ tawhta tlyma, Mizoram liata Mawtâh chakâhna vata chyhsa a thipa report ei daopa y vei, tahpa ta a rei heih tlôh. He Times of India he khapa source tawhta ma he bie he a la, tahpa pahnopa châ leipa ta. A pei kaw awpa hmo sakha a y theipa deikua cha, baona hmô awpa kho tu vata Mizoram chhôh liata chyhsa ahy tlyma, a châ vei khaih Siaha District chhôh liata chyhsa ahly tlyma ta bie do leipa ama reipa chhao a châ thei aw. Hehawhta eima râh thâtih a chhiena lâta, rarôh y kawpa ta national paper liata â vaw lâ thlah hapa he, ei no a vaw za pâ kaw. Nâ na no a za hra tlyma?
Ei nah a pavâ lei tu vâta chakâhna vata chahawhta eima râh liata chyhsa hrona sôh 29 lai a vaw lei hapa cha ei vaw pahno leipa ma a châ hri tly?
Update: Zawlbuk.net liata comment thokha so dah ta Siaha chyhsa thokhata baona hmo n'awpata Times of India newspaper ama chhopana a cha aw, tahpa zy ta reih ei ta, samaw.com ta English la tawhta hmo yzie a reih pasia, English la tawhta achhy khoh pazy chata Samaw.com lia comment a pie thei, Zawlbuk.net liata comment pie khohpazy cha deikua a register tua a byuh.
|
Written by Guest on 2008-05-27 12:32:55
Aizawl Post newspaper liata thatih alapa cha Mizoram gov't Chief Secretary Puhpa Haukhum Hauzel ta Times of India a ka (blast) e ama tah. Bie adoleipa ama papua vata. Thatih asia via lyma pa a lyu. - Marastar |
Powered by AkoComment 2.0! |
|
Last Updated ( Monday, 26 May 2008 )
|
