Maraland.NET - Pachâ khohtua ei si - Chhiepa

You are here: Home

News

Pachâ khohtua ei si - Chhiepa - June 2008

Written by Maraland.net Staff selection

Thursday, 05 June 2008

'Pacha khohtua si' tahpa he thla chareita ei kha lyma vaw update lyma eima chhuah. Eima mopasiana chata nata hmasiena chata a cha. Suggestion atao khohpa chata This e-mail address is being protected from spam bots, you need JavaScript enabled to view it liata atao thei. Apua cheingei aw tahpa deikua reithei ma pi. Chhiepa (June) thlahpa chata 'Pacha khohtua si ' zy ary liata

* Mara saw thokha he ama hmo/tyh na ta Mawreih taphie ama cheih ha tyh pacha pasia viata, eima reih ta heta keimo nata keimo he cha bie achho ei sila pha vei ma, pacha pasia via tua ei si.

* Mara saw he Mongyu reih cheina eima phahla kawna sakha châ cheichhie eima chi vata a châ ngyu aw.

* MADC liata sawkhana athla hlu dah hela party satho heta sawkhana sakhazie ma ama tao thei tahpa hisana (maths) na alyu viaba.

* Viarah liata châ achupazy nopi nova a cha tlohleipa rakho khokha liata azia/amo khohpa he Mara sawzy hry liata ama y hra va ma, heihzy hmochhie taopa amopa lei apha chai.

* Maraland Gospel Centenary main Celebration liata Mawreih hmana ahlu kaw pakha nopaw hlupi pachana chavei tah eita, a video ta eima mopa chhochhi cha pahno thai aru kaw.

* Maraland Democratic Front (MDF) he Mizoram Democratic Front (MDF) zy y hrasala a short-form (abbreviated form) alyu thai thai aw.

* Mara reih lata khih mozy so ba awpa resolution MTP ta a passed chiehpa he khatluta alai chadai pama a cha va tly ahlao tloh cheingei sala tahpa akhohpa ama hlu kawna ama tah.

* N.E Perry he ta 'The Lakhers' tahpa chabu he rohleipa sâla lâ Maranazy chi he nama thatih sianopa English ta ropa hmo n'awpa achyhkaw aw tah eita, The Lakhers he review pata new edition Khazohpa vyuhpata Khazongpa atahpazy he thla hapa chasala ado kaw awpa tlai.

* Mizoram, Chin State(Myanmar) chhoh liata apahrapazy pi nata Manipur liata Kuki nazy he ahniakaw sai pita pho moh sakha liata y deikua moh sakhata apahly thei tla leipa pita alai via pazyta ataw taw via pazy sub-tribe hawta ama reipa he pahnei chhie achhipa alyuna a y vama atahpa ama y holo na ama tah. 'Zo hnahthlak' tahpa hawta reipa chhao he thokha ta Zo he apyh pyly leipa eita abua kawna keima he liata tribal nazy pi he ama tah heih hra.

* Mara saw hryta Doctor of Theology (D.Th) ahmo tuachaipa kha Rev. Dr. Laiu Fachhai chata, Doctor of Philosophy (Ph.D) in Christian religion ahmo tuapa deikua Dr. John Hamlet Hlychho chata, 2007 rairi ta hmo eita ananona apahno thai leipa ama hlukaw tahpa bie eima dao.

* Eima rah liata Contract laihpa Mara pawzy ta ama hmo thei khao leina chhapa cha contract alaipa ahria theipa ama y lei vana ama atahpa cha zo achhi thai vei.

* The Holy Bible he Mara reih lata palie khai ko 1956 chata Mizo (Lusei) lata ama palie ko cha 1959 chata Hmar na kha 1968 chata Kuki 1971, Lai (Hakha) he 1978, Mawrah nata he su liata chichyhpa a y pakhy pazy hry liata Mara Holy Bible he abu aki pata ahneitua chaipa eima cha ama tahpa cha biedopa a cha.

Update Note: Maraland.net feature thiehpa he khizaw website hlupi liata ama tao tyhpa style chata Mawrah liata Lengzem zy chhaota ama hmah tyh hra. Pasaihpha blog chhaota atao hra. Alyu pa kawpa hawta achana avaw y vata, Maraland.net lia cha biedopa ngala tla so eima chhuah hri aw. 'Ama tah chamaw! tahpa kha phie pita biedopa tlao eima soh hri. Comment thokha cha ahmie khao lei vata eima delete hra.

Eima staff pakha ta 'Ama tah chamaw!' tahpa website hrola hawta alyupa kawpa pata avaw taopa cha eima admin panel ta review ta apha atah lei vata pananopa a cha.

Comments

Written by Guest on 2008-06-05 03:59:05

He hawpa taopa he apha kaw. Pachana maniah apie tuhpa chata, akana nata ataochhiena , areipachhiena cha leipa awta, tawhta maraland.net cha eima rah liata site pitloh kawpa arei chhao apha kawpa chata ama hmo post awpa he hmochhiepa a y nata pangiasa vana. Tawha, copycat tah lai khala noza achhi, he hawpa he ama copy pa chatla lei pata khizaw newspaper zy ta ko hlupi ama vaw practice chiehpa tla a cha. Maraland.net ta avaw so penawh he ei khoh kaw sai.
- maraland.net fan

emon_mara
Written by Guest on 2008-06-05 03:59:37

rei atlua tla kaw na eita cha maw

Written by Guest on 2008-06-05 06:03:40

Mara Bible eima vaw hneituachai pa he arohna ei tah kaw. - Marasaw

eima ng a kaw sai he maw....
Written by Guest on 2008-06-07 01:42:21

copycat tapa avaw ro tupa kha ano a copy ty hrava acha nata ei pangiasa..