Maraland.NET - Bangalore MCF KTP day hmana nata photo zy

You are here: Home

News

Bangalore MCF KTP day hmana nata photo zy

Written by Bangalore Correspondent

Monday, 09 June 2008

BANGALORE (Hriatuanoh) - Mara Christian Fellowship(MCF), Bangalore ta KTP a duana ei sycharu nata ei khana (61th) cha advance ta zahnia tari noh 8 ta a ma hma.

He KTP day he atako cha tari noh 10, Chhiepa thlapa (June) ta hma awpa cha ta, Mara rah poh paloh ta a lyu pata a ma hmah aw.

KTP a vaw duana tawhta atahma taihta thatih tlahpipa MCF committee, Bangalore ta a hawna hawhta Z.B. Hrohmo ta roh ta, reipapuana a hnei tuhpa cha ta raopa laihsa Margareth Chozah ta a reih papua.

Special number, Solo zy ta KTP aduana alyna cha palyupalihpa cha ta, MCF, hlapy zy ta hla angia ngaitapa "Va Angel zy hawhta" tahpa a ma paryh hra.

Speak cha ta Rev. Zawbau cha ta, a bible text a tlypa cha Rawma 12:21, Rawma 8:28, Mathai 5:46, Athaona 34, 49, Samuel 17, Ephisi 4:30 zy a cha. A bie tlah pipa ta a reipa cha "Chhiena cha phana ta tiah awpa" tahpa a cha.

KTP day ahmana a y hlei khota ko 2007-2008 chhoh liata chano sia chaipa nata chapaw sia chaipa atly papuana hneipa pa a cha.

2007-2008 Chano sia chaipa - S. Rakheli (Lobo)
2007-2008 Chapaw sia chaipa - Z.B. Hrohmo (Saikao)

Chano sia chaipa trophy he Pawsa Lava, (Secretary, MCF, Bangalore) ta a nawhta L. Malawm (13.3.1984 - 4.1.1999) a thei thlah nawpa ta a sponsored pa a cha.

Chapaw sia chaipa he Isaac T. Beingachha, (Asst. Secretary, MCF, Bangalore) ta a nawhta B.T Andrew (16.9.1982 - 26.8.2005) athei thlah nawpa cha ta a vaw sponsored pa a cha.

He trophy he a chha thai lei awpa (running) cha awta, ko to ta Chano/Chapaw asia chaipa MCF, Bangalore ta a tly papua tyh awta, Trophy liata ama cha ko nata moh ro lyma awpa a cha.

He KTP day he thlakha liata ei kha apakhyna hmapa liata pahlypa pata a hmapa cha ta, apakhy theipa member zy cha manoh 80 rachhoh a ma chapa hawhta receptionist zy tawhta pahnopa a cha.

Nohthlahpa thokha zy:

Mara Christian Fellowship Bangalore Group Photo:

Mara Christian Fellowship Bangalore Group Photo:

Comments

apikaw dia?
Written by Guest on 2008-06-10 03:20:11

bangalore mara saw na ma hluh kaw he. na ma pakhyna achhyna o chhao apha kaw, khazohpa ta roh nana to sala, ahriatuhpa bangalore marasaw zy ta byhno roh na kawpa to via lyma thei ula tahpa eima thlachhana a cha.
malaysia mara....

AKUN @ Rakheli
Written by Guest on 2008-06-10 09:12:39

Na thatih zy vawthei pita aly achhi kaw.Bangalore laisa hry liata best of the best na chapa vata ei chaly khei ngasa.Miss mara tahpa hlata na chana he uava achhih via syulyu.Khazohpa atheih thlahna cho nata eima khi(Lobo)chata avaw sosi ma yu.Nama hawpa thyutlia zy ama vaw hlu via theinawpa ta. PAWHROSIA NEW DELHI

emon_mara
Written by Guest on 2008-06-13 03:16:33

nama chhyna o heta tla he acha pa acha..ahmiala tapa kha cha ochho tawta airlines zy kingfisher etc akaw zaw nga kawpa hmo theipa acha hla pa cha hehehe...