|
MCF Maryland-Washington DC KTP Day ta Apakhyna hnei |
|
|
|
Written by Maraland.net News Network
|
|
Tuesday, 10 June 2008 |
Washington DC - United States liata Mara Christian Fellowship (MCF) Maryland-Washington DC Area ta Chhiepa (June) 8 pa KTP Day noh khata apakhyna hlaotloh kawpata ama hnei thei hra.
 He apakhyna liata bie areihtuhpa cha San Francisco liata Theology lata doctorate achuna achu ngahaipa Rev. Chatlai aviasano nata avawhlaopa cha a cha. 1 Pity 2:9 bie hma pata Mara sawzy Khazohpa atlypa, Ano eih pachaipa eima chazie rei pata chi awpa hneileipa pita eima chi awpa a y pacha Khazohpa chileipata y tlamaw awpa he eima chi chai awpa a cha tah pata a reih.
MCF Maryland-Washington DC area lia heta Mara saw a y pa hawti nawzy chhaota sypali (40) hlei ama pha ha ba. Avaw tlo via awpa chhao ama y chy pata pahnopa a cha. Olyu a hneipa nata motor ahneipa chhao ama pohvia lyma vata thlaloh achhih hleikhota hmotao arai anao via lyma hra pata eima Correspondent ta a reih.
MCF Maryland-Washington DC luhpazy:
Chairman : Puhpa Paul Z. Paiu, (301-604-0174)
Vice-Chairman: Puhpa Thahno (443-552-0421)
Secretary : Puhpa Sithau Chozah (240- 446-5982)
Asst. Secretary : Puhpa Khaitha Zawkhai (443-797-2237)
Treasurer : Pihno Meino Chhaihlo (410-242-7907)
Secretary i/c Info., media & Publicity : Maung Khai (240-478-7554).
Eima Correspondent ta arei dah ta Puhpa Paul Paiu (Mary Paw) na amo o (chalei hapa) he lai kaw thlah ta cha liata apakhyna hneipa chata, Pati nie pahmaona chhao hneipa pa cha ta, keimo la biechho dah ta chhopa chata, hmiakhu ti zy chhaota sa pahah kawpa nie pata satlo chawpa charopa (daipa) zy chhaota aki chai kawna a tah hra.
He hawta US rah liazy ta Mara Christian Fellowship padua pata ama vawsie lyma theipa uhthei viapazy ama siana nata ryhraothaina Khazohpata byhna apie tahpa ala pasia kaw, aly achhih hmeiseih. MCF Maryland-Washington DC area liata Marasawzy he thlah eima chhana liata a thei lyma chyu ei si.
|
Puhpa Paul Z. Paiu
Written by Guest on 2008-06-09 13:37:48
Puhpa Paul Z. Paiu he New Life College, Bangalore liata B.Th a chu patlo pakha a cha tlyma ? A cha pata a cha khiah ei lykhei hmeiseih. Keyboard zy to thai kaw ta, Music la chhah ta New Life College, Bangalore liata a chu nota a ma hma phahnai kaw tyhpa chyhsa a cha. | Written by Guest on 2008-06-09 16:10:10
U a cha. Ano he New Life College tawhta B.Th patlota, Singapore tawhta M.Div a patlo heih ra. Atahma he D.Th (Doctor of Theology) ataopa nga hra. Lutheran Immigration Service, Baltimore liata Project Manager pakha a cha. | Written by Guest on 2008-06-09 23:42:26
thlahloh nama vaw pachhisa kawna,marasawzy eima hluna liata cha thatihpha ahlu awhpa acha. | Written by Guest on 2008-06-10 23:09:35
namavawtuh a phangasana | DaGr8Gal
Written by Guest on 2008-06-11 06:23:41
Thlahlo achhikawna, Marasaw zy pi khatai su lia rai y habahra pita, chahlei khota, Mara Christian Fellowship (MCF) adua rolai khai hata, alypa acha kaw na..Thlahlo chhao achhikawna..!! | emon_mara
Written by Guest on 2008-06-13 03:26:56
usa ra lia chhao taita Mara Christian Fellowship zy eima vaw hnei pa pha pa he a a rona kaw na...ABEIPA o la aly na bie rei via rili suh vy.. |
Powered by AkoComment 2.0! |
|
Last Updated ( Tuesday, 10 June 2008 )
|
