Maraland.NET - United Kingdom lata Mawtah Chakahna vata hmalana report

You are here: Home

News

United Kingdom lata Mawtah Chakahna vata hmalana report

Written by Maraland.net News Network

Monday, 30 June 2008

LONDON, UK - Eima rah Mawtah chakahna rairuna atlonga haipazy deichhyna a y thei n'aw pata Armenia liata Mara satlia Sasa dawty (doctor) achu ngahaipa cha UK khihpi London nata achheipazy atly ngahai no a cha. UK liata NGO laipa nata ryureina ahnei haipa politician-nazy ahmona daihti chhao a hnei thei lyma. Report ary liata:

Mawta Chakah Baona Thati Apatheisana

Kyhpacha Lokhei zydua, nama chakaona nata pahrana maih liata Khazopa tawhta Ngiachhina, Nohlaona nata Thhalona byhna zy kha vaw tlo pha via lyma mawh sy. AMEN.

Atahma hawta chakapa nopona, pacharona, hopuna, tymana ta miah chado thlaha noh heta ngiapanazy dikha ta chhao panaoh rai lei pata ABEIPA hnota beiseina mei-o achaba pata Izreal sawzy rah pathohpa liata ko 40 chho avaw chhithah leima tuhpa Khazohpa, eichakaotuhpa, nama chakaotuhpa la khacha mohmia apasaih thlaha tyhpa namo zydua hnona heta Pachhatuhpa Zisu Krista moh ta samaw eicha hla chanei chyu ei.

Namo zy thlachha baona zawzi vata nata Khazopa ngiachhina zawzi vata keima tlolei chaipa chhao mawta chakana chochah UK rah sawkhapa nata NGOs zy viasa zy chhao ta avaw chhohia laih leima pata atahma hlaotloh na hawhta avaw chapa thati phapa thokha zy he apachho theina lata eivaw pathla.. thati akichiaviapa zydua cha daiti ruapa eivaw hmopa na heta vawroh via hyh awhpa achhuapa chata, he thati pahnosa pa zydua he thlachha bao ahawna hawhta achapa hawhta thlachha ba lei pata khacha mia abao pareithlahapa namo zydua hnota alyna bie reina hawta acha.

1. Mawta chakana he UK rah sakhana liata utheipa, MPs nata lawmakers zy hnota tlokheipa acha, UK Parliment liah tlaita he chakana chochah he question na ama hnei awhpa vata thata eima ly kaw, he hawhta Parliment lia tlaita he chakana thati angiah ba awhpa he namo zy thlachha baona theilapa nata Mara Awnano nata Khizaw Awnano zy mothlih chi chhaota pakhupanei ta ama thlachhana theilapa acha hmeisei talei thei vana.. pahno khaipa hawhta Burma rah cha khizaw rah zy hryuta asipasai chaipa chata, Burma rah chho states zy hryu ta atahma Nochhi Maraland pahrana rah Chin State he sipasa chaipa acha hyh, Chin State liata chipho pahrapazy hryu ta pahno khaipa hawhta Nochhi Maraland cha sipasachaipa eima chai chy.. he hawhta eima duahmo acha thlah hanoh heta atahma hawta mawta chakana thati nata azao pata Chin State thati nata Maraland sipasana chochah zy rah pitlopa hmasipa UK Sawkhana pita mia athei awhpa nata miah apahno khei ba awhpa he mawta chakana khola hmo avaw y leima awhpa chata chhao thata mia aphahnai khei hmeisei awhpa, nata chakana khola rah chata phaviana hmo zy chhao beiseina mia apie kawpa acha, namo zydua thlachha baona theila pa acha.

2. UK sawkhana ryu liata sopa Dept for International Development (DFID) hnota mawta chakana chochah achhohiapa chata, DFID, Burma Desk officer tawhta he chakana baotheina awhpa heta world food program (WFP) Yangon Office nata achhohia pathi via awhpa abyuna zi miah chhota, DFID tawhta chakapazy pachha awhpa ta ama khopasana nata WFP lachhao ,he mawta chakana tah effect na su la tai tlo cheingei awhpa ta achhohiana ahnei awhpa zy chhao mia achho hrapa acha. DFID he UK Gov tlaita direct tah International hmasina rai ahriana acha vata Nochhi Maraland chho he reileipa daiti liata ama avaw tlo thei awhpa he abeiseipa achapa hawta ama vaw tlo chatlie theinaw pata achhohiapazao leima pa acha aw, DFID he sawkhana ryu liata a y pa NGO laichaipa tlaita eima rah hma asileina zy mia ama pahno kheina hawhta acha haw va heta ABEIPA la alyna bie reilei pata y thei vana.

3. World Vision nata TearFund Gen Hqr, Burma Desk Officer zy nata mawta chakapa pachhana raihria achhohiapa chata, World Vision nata TearFund he Burma rah chhoh liah tlaitah Office ahneipa NGO ama chapa hawhta rai chakaona miakhakha ama hneitina heta local NGO nata Locals Churches zy nata Partner taopata ahriapa, achakao tyh pa ama chapa vata, Southern Chin State, Famine most effected Area liata NGO lachaipa hneichhopa Mara Thyutlia Py ( MTP) nata Awnano pa Mara Evangelical Churches zy nata he Partner ama cha theina awh pata hriapazi haipa acha, he thati he vahneikaw pata Siaha la avaw tlo theipa MTP uthei nata MEC uthei zy hnota thati thlai pahnosa theipa vaw chata, MTP nata MEC uthei zy Yangon la si pata World Vision nata TearFund Offices Yangon liata Partner chana lathloh ama tlua awhpa pata liasa parysa pa acha, MEC nata MTP uthei zy Yangon la ama si na awhpa phusa abyupa Ks 400000 ( 4 laks ) zy he seed faith foundation tawhta apachapa awhpa pachhuapano haipa acha.

4. Eino Baroness Cox , Former Deputy Speaker of British Parliment, CEO of Humanitarian Aid Relief Trust pohpa tlaita UK Delegation achhi pata August thlapa liana khita India North-East State, Mizoram , Aizawl la he Chin State chho liata mawta chakapa bao awh pata avaw tlo awhpa acha, keima tlolei chaipa chhao Khazopa ta ary atakhiacha he chakapazy pachhana raihria hra awhpa he ta he UK Delegation nazy hnoh he eivaw zi hra awh pata pachhuapano haipa acha, anodeikua cha, Rector, Yerevan State Medical University, Armenia tawhta Med Univ tawhta leave la awhpa pasaina a y khiah deikua keima popa tlai chhao eivaw sithei ngyu hra awpa acha, Rector tawhta Leave eihmo theina awh pata thlachha ahawna eivaw pathla chanei.

5. Eino Baroness Cox nata UK tawhta Delegation zy Mizoram, Aizawl avawtlo tina heta Chin State chhoh liata famine most effected Area tawhta lyuchapa Delegates mo 40 zy nata aty na meeting he nono chho ama hnei awhpa ta thata patopatia haipa acha, Chin State tawhta avaw tlo awhpa Delegates mo 40 zy sivaona hawpa zydua he keima ku chho liata pahniepa achapa hawta chakana ta atlo pasachaipa rah, Nochhi Maraland, Khumi rah nata Zophei rah etc zy tawh na heta Delegates hluvia ama cha awhpa he ei beisei hra, he Delegates nazy Aizawl taih sivawna phusa zydua he cha Eino Baroness Cox ta avaw pacha pa khai awhpa acha awh, Eino Baroness Cox hnona heta UK rah tawhta Nopaw thokha zy vaw tlo hra aw eita, Chin State chakapa baona chata chhao phusa lata khazi rakha macha ama vaw phao awhpa acha, UK rah chho liata viasazy tawhta chakapa baona so zydua chhao UK Delegate zy hno he vaw phaopa cha awta, Chakapa rah tawhta avaw tlotheipa Delegate zy hnota direct ta he chakapa baona fund zydua he release theipa achatheina awh pata tiama ngala haipa acha. He UK Delegation nawzy famine assesement ama vaw hnei na tawhta recommendation zy mopa pa heta UK sawkhapa nata NGOs zy chhao chakapa baona rai ama vaw pathao leima hra awhpa ta thlachhapa nata amo khah pa acha.

Biepachhana:
1. Acho liata vaw palasa hawpa NGOs nata sawkhana zydua he chakana khola taita rah chata beiseina hlupi mia ama pie hmeiseipa hawhta eihmo, he hawhta eima rah chho liata kypachana vaw palasa awpa tah mokha kawpa phu nata py zy he Mara rah chho liahe chakapa baona rai zy ama vawngia theipa achakhiacha eima rah he varopi ahmasi cheingei awhpa beisei pa achapa hawta ahyrai tah chasila arah chho nata khokho la tawhta chhao keimo nata eima theina hawhta abaotuhpa cha awhpa nata bao angia pazy hno achha leima awhpa he achhua chyu su vei.

2. Awnanopa nata Local NGOs zy nata partner tao pata rai ahria leima tyhpa World Vision nata TearFund zy chhao, MEC nata MTP nata Partner vawcha chatlie thei ei sala chakana khola lia chhao rah hmasina chata raichakao khoh na zy ama hnei thei na awh pata thlachha bao su vei.

3. Chakana rah chho tawhta MTP utheipa nata MEC Lychupa zy World Vision Yangon, TearFund Yangon zy ama hmothei na awhpa cha heta thlachha sila, World Food Program, Yangon office tawta famine assessement team a eino na ta ama vawtua awhpa he famine effected area achapa Palewa kao, Maraland, nata Zophei rah tai heta team pohpa tlaita ama vaw si pahlie chara theina awh pata thlachha bao su vei.

4. Famine most effected rah ta achapa southern chin state tawhta delegates 40 pa nata UK tawhta chakana bao awh pata avaw tlo awphpa Delegate zy, August thlachhana lia ta Aizawl liata atyh na ama hnei na awhpa cha heta thata thlachha tiama su vei, UK Delegation zy ta baona a y chhopa ama vawphao awhpa zy he chakana ta avi chaichai pa khitla sawzy oko atlo chatlie thei na hatah thlachha tiama su vei.

5. Chakana baona raihriana liah heta Burma pheisai sawkha pa y zi nocha zy chhao he liasa pahno thaipa nata mohchhai thai pata Political Parties hawpa zydua he cha he chakapa baona taohriana chochah lia heta thata asosi awhpa nata a y via pachaita arah chho liata eima bao haipa famine victims security zy he thata eima sosi khei awhpa chhao peimaw kawpa hawhta hmo papuapa achana hawhta chakapa zy chata aphachaipa kho achhi chaichai pa nata lathloh patla chaichai pa zy he achhi leima achhua su vei.

Ahy rai ta chasila keimo nata eima theina rakha chho zydua liata chakabaotuhpa Donors cha awhpa achhua chyu sila, chakabaona y laka pazy chhao chakapa oko atlo chatlie thei na awh pata tiama chyu su vei, he chakapazy pachhathei na awhpa ta azo ava ta ahriapasa ngala haipa indvidual nata phu nata py zydua chata eithlachhana nata khokheina zydua vaw palasa chanei hyh na chota..

Rah chata nama chakaolahpa,

Sasa
Camp London

Comments