Maraland.NET - London liata Lakher Pioneer Missionaries Hmo sopazy eima hmo

You are here: Home

News

Latest News

London liata Lakher Pioneer Missionaries Hmo sopazy eima hmo

Written by Maraland.net News Network

Tuesday, 01 July 2008

Maraland.net ta Dr. Sasa, England la khi a tlyh (Mawhtah chakana vata) tahpa eima vaw pahnopa cha atahma liata cha British Library, London khihpi liata eima missionary nazy hmosopa mo awpata eima hawna hlao patloh pata ano pohpa tlaita a va hmo khai haw.

"He hawpa Mara sawzy chata Ryusohpazy a ypa vaw pahno leipa nata a file nuby nata a ynapazy asia kawpata Maraland.net tawhta eina vaw chho ei va chita arai nao kawpata ei vaw hmo khai haw," tah pata Sasa chhaota maniah a chho. Mara saw cheingei ta ava hmo khaipa he Maraland.net chhaota eima ly khei hmeiseih hra. Ano he Maraland.net liata Senior contributor a cha. UK la he Khazohpa ngiachhiena vata ei tho ei palih lai a tly ha ba.

He ary liata "Chiami Tona zy Pa-zy khao lei awpa" pasyu na Article he Pastor Leito ta ko 1938 liata Tlosaipaw Papuapa "Chiami Tona Magazine" liata aroh pa a cha. Dr Sasa ta British Library, London, UK tawhta Chhiepa (June) 30, 2008 liana khata he Article he Copy avaw taopa a cha. Hmo ryu hawta ama sopa zydua chhao Sasa ta hmo khaita a list a vaw tao. Nohthlah la pasaih leipa eita, report a vaw taopazao lyma aw. Ary liata article he reih hra tua ma y. British Library Entrance ala dah

(British Library, London, UK main entrance liata Eduardo Paolozzi kuzo he Scientist rohnapa Sir Isaac Newton hmo athlie/pathliah nga nopa a palasapa a cha. Google search lia chhao nama hmo thei chyu aw. Chyhsa atlypazy ta ama la cheingei tyhna)

KRIZYPENAW CHIAMI TONA
Lakher Pioner Mission
"Ticho liata zy na viachha cha thyula, No hlupi tawhta nahmo hyh awh na"
No.21/1938
Tlosaipaw Papuatuhpa

Chiami Tona Bie
Rotuhpa Pastor Leito
Thirteenth Year Chiami Tona, 1938

Khazopa ngiachhina-ta Marapa chata hehawta chhazaw hrona nata pachhana eima hnei thei nawpata Tilaipi khola tawhta thina ky chhao pacha lei pata nata nodi daphi kychhao pacha lei pata Mara pa chisahlao zy chhitha naw pata eima pupa pa nata eina pino mia vawtua pata alypa acha ngasa kaw.

Chataw cha amo chata amo taotheipa nata pachha theina hawta ama palorupazy vaw hma eita, Marapa sawzy Khazopa aronazi nata alai zi eima pahno thei naw pata mania vawkho khei chaima eita, a A- AW pazy nata chiami tona zy he phusa phiakha hryu lei pata asai pata mania ama vaw pi typa he alypa acha kaw tahpa pahnothai hra mapi.

Chavata he Chiami Tona chabu he Khazopa bi avaw y tyhpa vata ahyrai ta pazy-pata ri hmakhao leipa ei sila, apha ngasa kawna eita. Chanozy Chapawzy ahyrai Chiami Tona apazy-ty-pazy chysa hlupi eima chahmopa vata apei kaw eima ta. Chiami Tona he keimo avaw hmotuhpazy chatala, aruna rai y vei, ataotuhpa nata apachatuhpazy chata cha aru ngasa kaw. Chavanachata Chysa sopazy nata apachatuhpazy chata deikuacha he Chiami Tona he apapuatuhpazy choliana heta alyna thata hneipa nata reipa abyu ngasa kawh tahpa ei pahno.

Chatacha Unaw sai u, atahma tawhtala Chiami Tona he apha ngaita kawpata avaw so chyu mawsi-y, eima chata hrona bibu ahneituhpa eima vaw chathei naw pata. Ahyrai he Chiami Tona he nama rei khai nata liasa eipahno haw tapa ta apa-zy haty, achho liata hmo a y pa nata a bi a y pazy kha na vao khai ma? Avao khai hrala achho lia Khazopa bi achho liata y pa zydua kha pa-zy chita na pahlei padiapa vata na cha hmo chi-chhi ngaita kawpa acha tahpa he liasa vaw pahno ma y.

Khazopa cha zy nata a bi pina zy eima chi vei nata eima y vei khiata la Bihrai liata, Pity 2 botla 22 liata bi a y pa mo tua ma y, acha chho chyu awh. Chata tlyu unaw sai u, ahyrai ta atahma tawhta la Chiami Tona pa-zy khao lei aw pata eicha nao ei.

Written By Pastor Leito in1938, Copy By Dr Sasa in 2008 from Asia-Africans Studies, The British Library. London,UK.

Note: He Article areituhpa zydua Marasaw ko 70 eima vaw kho hawpa liata Awnanopa hrozi nata Chiami Tona Magazine mei-pazy nata ama hma chhei haw tyhpa thati mia achho pasia hmeisei.. Mara Awnano ko 70 eima vaw kho hawpa liata Pastor Leito pasyuna mia ahnei hawpa he vaw rei hra ma y.

(Mara satlia Armenia liata Dawty achu ngapa Dr Sasa, British Library tlyhmia liatapa, London, UK)

Ary liata list liata palasa pa contents zydua he British Library, London liata Marasaw zy chata Ryuso kawpa ahmao thlahapazy acha, Research nata Mara Phopa lano apasokaw zydua pahno byu awpazy..ary lia heta eivaw palasa hra..he zydua he British Library liata hmotheipa acha..reithei pa acha.

Papers of the Lakher Pioneer Mission to the Lakher (or Mara) people of the South Lushai Hills: principally papers of its founder Reginald Lorrain (1880-1944), and other missionary members of his family:

CONTENTS:
(i) Family correspondence 1-34
(ii) Correspondence and papers of the Schove family 35-37
(iii) Correspondence and papers of Miss Ellen ('Nellie') Fife, UK Secretary and Treasurer of the Lakher Pioneer Mission, 1949-61 38-47
(iv) Correspondence and papers of George L Thompson, UK Secretary of the Lakher Pioneer Mission, 1970-77
For complete list Click here

Comments

Hriapasana tawhta hlaotlohna
Written by Guest on 2008-07-02 01:17:08

Eima Missionary zyta ama hriapasana theilapa cha Mara rah liata hmopa hluhpi a y haba hra.

Ama rai hriapasana zydua pazao lyma awpata Marasaw zy Hriapasana liata ahra via sila, hmiala toh lyma suh vy.

Written by Guest on 2008-07-02 07:21:23

A vaw rohna hmeihseih. Mara research scholarzy chata reference soh ngaitapa a cha lyma aw. Sasa chhao London na tly thei heih tita cha, a zydua ta copy thei khai a chhuah la a pha aw. Ahyma he documentzy he copyright ahnei tahpa pahno a chhuah la, British Library a cha khiata cha British Library liana chata reproduction pasaina hiah sila, he document zydua he abu ta papua thei si la tahpa ei kho.

A papua nawpa cha kei ta ei vaw buakhei thlah ha aw.

Laiu Fachhai

Written by Guest on 2008-07-02 14:01:22

A complete list kha moh nata ahlu kaw. Copy khai awpa aru kaw aw. Eima Mara Autonomous District Council ta Copyright ahneituhpa British Library hnohta asaohiah pata eima rah la tlai vaw phao thei sala, Museum tlyma, Archive tlyma MADC ta tlao taosala hmo hlupi achuna chata a cha aw. Mo pakha pano hmotaopa chaleipa sala a Council cheingei ta buakhei sala tahpa ei khoh. Sasa nata Maraland.net hmah nama lana zydua vata ei chaly kaw ei. God bless Maraland. - Hnaipaw

Written by Guest on 2008-07-03 03:49:07

Eima rah la vaw phao awpa cha hmo ru kawpa a cha na ta ei pangiasa. British Library heta a pasai na ta pangiasa vana. MADC ta a khoh khiata cha chyhsa tuapa ta, hao liata thla 3 rachhoh chahpa ta, document zydua nata nohthlahpa zydua cha a copy pachhuah thei na ta ei pangiasa.

Hehawhpa he cha research scholars zy tao awpa chi cha ta, MADC eima mokhah khiata cha, it will be very, very slow if not never done.

Laiu Fachhai

emon_mara
Written by Guest on 2008-07-04 05:23:40

sas va naw tao pha ngasa na...may almighty GOD always be with you

Eima ly ngaita
Written by Guest on 2008-07-04 22:41:03

Dr. Sasa
Eima missionaryzy raihrianazy nata ama thatih sia viapa na vaw hmo theipa vata eima cha ly ngaita. Vaw tiama via lyma ma y.

elipaw
Camp: Korea
July 5,2008