LONDON – Khihpa (July) 03, 2008 noh ta Dr Sasa cha London, British Library, Marasaw zydua chata Ryusoh kawpa zy ahmao thlahana su he a eino ta avaw tly hei. A ei 1-na a vatly nota report liata Mara saw Net a hmahtuhpazy eima tha athyu kawpa hawta ano chhao abua kawna chota a raizy a patlyhta va tly heihpa a cha.
(Mara Satlia Sasa, British Library tlyhmia liata a noh 2-na liata)
"Maraland.net Staff nata Mara zawpizy he Ryusohpa thahti akichai viapa pahno awpa khopasana zydua pachonosana chota atano cha ei rai buaba kawpa nata daihti raopa programme-zy pasie chy pata a ei nona ta British Library, Marasaw zydua chata Ryuso kawpa pahmao thlahana su ei vaw charei thei heih pa vata thata eily ngaita kaw; he Missionaries rohnah kawpa Rev. RA Lorrain nata a chhokhahzy hmotaopa he eimo khao tlaita ei vaw hmo cha heta ei paloh na pahnie hmeiseita, Khazopata Marasawzy kyh miah a pacha zie nata Chipho pitloh pata padua awhpa mia a khoh pasa zie a vaw la ngaita kawpa a cha," tah pata Dr Sasa ta a reih.
He hmo rohna ngaita kawpa zydua he Maraland la Marasaw zydua hmothei, reithei, alykhei theina aw pata vaw phaona/pasiesana dah zy chhao he Dr Sasa ta rei pazaota, “Mara rah chhoh lia eima hnei tlakaipa Chi nata Pho chata paduapa Awhnanopa/NGOs nata Pyh thokhazy tlai heta he ahmah miah vaw lakhei thei sala, Mara pata ahnei tlakaipa sawkhana MADC chhao he naino syu lei pata patohpatiah, patipavao kheina dahzy mia vaw pacha khei thei ei sala cha, British Library biehneituh penaw zy chhao he officially ta achho hia sila cha, he eima Missionaries ronah ngaita kaw penawzy Mara pa chata hmosohpa mia ama taopa zydua he original tlai ta eikha pita Maraland la aphao thla awpa mia ama pasai theimah leipa chhao rai, Electronic nata Photocopy (Xerox) copy-zy heta Copy ta atao theithla awpata Library biehneituhpa pakah tawh tlai eina chho hra ei,” a tah hra.
”Mara pa Chi phopi tlaita he hmosoh kawpa he Maraland lia sothei cheingei awpa ta achhuana khopasana hmeiseihpa a y khiala, UK liata biehneituhpa, MPs (lawmakers) nata Rah Nopawpa hmia pahno tlakai pazy chhao he avaw chhohia lyma sila he hmoso kawpa zy phao awpa pasaina nata ngiachhiena nata baona miah ama patosa thlah awpa ei hnabei aseih kaw,” tahpa Dr Sasa ta Maraland.net staff zy hnota a reih.
Mara Satlia Dr Sasa he June 02, 2008 khata Europe rah khitly na a ei 5-na pathaota, Liverpool khihpi liata Global Youth Congress ama hneipa June 02, 2008 tawhta athaotah June 12 pachhapa, kha avaw hlaota, he Global Youth Congress lia he former India President Dr APJ Abdul Kalam, Ireland President Mary Amclee, Noble Peace Prize laureate John Hume, former British Prime Minister Tony Blaire Lapihno Cherie Blair, former Deputy Speaker of British Parliament Pihno Baroness Cox nata rah nopawpa hlupi chhaota ama hlao hrapa a cha.
Global Youth Congress a hlao awpa nata Mawtah chaka baona chochah vata London khihpi lia rah nopawpa nata NGOs laipazy ahmothei lyma, William Huge, Shadow Foreign Secretary, British parliament, Andrew Mitchell MP, Shadow Secretary of State for International Development, Julie Morgan MP, Mugh Men MP, Junior Foreign Secretary of State zy nata chhao avaw hmo thei hra ei ta hmo hlupi ama rei pahmaoh hma hra.
July 08 nata 09, 2008 heta UK liata Royal Family, abeichipathla chhokha zy nata hmona ahnei awpa hawta thati daopa chata, abeizuano , Queen Elizabeth, Prince Charles zy na heta Buckingham Palace liata ama tyh awpa hawta programme a cha chy hra.
"Burma rah rietheina nata Border rahripa liata chysa zy ngiachhie chhina kyh he a duakhei awpa apangiasa nata a pachai pata Health nata Education lachha he focus tao pata Royal Family zy hmiakho lia heta ei reih awpa acha,” tah pata Dr sasa ta Maraland.net hnota a chho.
Royal Family nata atyna ahnei khai tawh heta Nargis Thlihpi Cyclone ta a effect pazy chata baona hiana ama tao haipa fund raising na liata zy, Change For Burma Campaign taona liata zy nata Mawta chaka baona chata Fund charohna liata zy, bie reina ama hruana liata zy ta bie rei awpata zy ta khi tlyh pazao lyma chy aw ta; atahma thlapa thlachhana la khita Dawty achu haina Armenia rah la he avaw kua heih awpa ta a saduthlie hai no a cha.
A noh 2-na liata hmo ahmopazy chhao report anoh eihta a vaw tao heih aw.
A hmotaona to liata hlaotlohna a hnei thei lyma n’awpata thlahchhana liata athei lyma chyu ei si.
|
Written by Guest on 2008-07-05 04:33:04
Dr.Sasa ta marasaw zy zohna tawhta khaina lata miahchhitupa RA.Lorrain nata achhokha thahtizy marasaw zy thati akichai viapata pahno awpata arai zy bua hrasala marapa kypachana chota library ava tly theipa he aly awpa acha hmeisei.Bei2 | apha kaw taraw pata..~~!!
Written by Guest on 2008-07-08 04:49:01
A pha kaw taraw pata.... he he Sasa popularity a cha thei ma!!!!??? Or IS this Maraland.net stuff confus with us all. | Aw, napacha chhei kaw khiah maw?
Written by Guest on 2008-07-08 14:18:44
Aw!!! Unaw, napacha chhei kaw eina, Sasa cha keimo ta popular sa awpa achhua theipa chahleilei pata mophana popularity cha ahmotao chhi/pha na liata tla aphahnie thlaha, bah vaw pacha chhei khah ei.
MRKPC | emon_mara
Written by Guest on 2008-07-12 03:19:19
DR.SASA he ta vaw tly leipa sala he hawpa hmo eima rah chata so kawpa thati he eima pahno thei nata pa ngiasa achhi vei..a ly pa acha kaw na...sasa God blass u! | pakha dei phasa thati tawh khao lei awpa
Written by Guest on 2008-07-14 16:30:16
he hawpa hmozy he cha scholar zy ta ama tao awhpa chata cha hawta Mara pata chata hmoso kawpa hawta hmo ngala awhpa achapa chita pahno vana.. he hlata la sasa popularity a build up khona acha via pata ei pahno.. maraland.net zy chhao he hawta mo pakha phasa acha hlah pa thati zy hela vaw tawh khaoleipa la apha aw eitah.
78ml | Written by Guest on 2008-07-14 16:36:34
chataw ta achola nama rohpa zydua khi maraland.net ta prove na ahnei ma? thati achapa achahmeisei ma? he hawpa zy chhao alaichadai pa abyu aw, chaveikhiacha zawpi adovei pa hawta acha. sasa chhao bie areipa zydua he adokhai leithei pa acha.
78ml | 78ml achhyna
Written by Guest on 2008-07-14 17:47:43
Dear 78ml, he acho liata post eima taopa he Maraland.net approved a cha. Post tua viapa na hmo khiah cha Sasa he UK a tly 5-na chata, he hawpa British Library liata a ypa he pahno hra lei pata Maraland.net ta request a tao vata vatly ta hmo a ypa zydua he detail ta maniah avaw pahnosapa a cha. Cha liata a popularity asahna hawta a cha khiah cha aphuh kaw thlah ha. Popularity nata rity leina la zy vaw pacha ngapa he noza achhihpa tlao a cha. Na chhao kha London va tlola he hawta thatih he papua hra awpa eima khoh aw. A chei chalona he tlao pacha su vy.
- Maraland.net fan | Vaw Reih hrawpa ei kho kaw!
Written by Guest on 2008-07-15 03:56:40
Hello! Maraland.net staff nata atly tuh pazy hnota ahmiatua chai liata 'Samaw' ei cha hla ei.
Acho liata palasahpa Londan liata Mara pazy thatih (news)Maraland.net liata ama soh pahe Mara saw thokha zy chata hmo thiehpa nata thatih thie pa a cha hmeiseih. Achhapa cha eima rah liata eima nopaw pa nata cha thai tuah pazy ta he hawpa hmo London Libary liata a y pa thatih reih bah veih ei. A vaw pahno chhopa ama ypa chhaota, ama reih pa theipa y lilah leipa ta, Mara rah chhoh liata maniah tlai hra vei. Chavata,tahmahla Mara saw zy chata cha tahma ta thatih he thati thiepa tlai chata,a y ma y vei tlai maw tahpa pachana maniah pahneisa thei awpa chi tlai a cha. Mr/Mrs.87ml vaw reih pa chhao he motoh pachana chhao a cha thei hra aw. Chasala, hmo eima pahno pasia lei vata a cha. Maraland.net fan la tawhta a chhyna khi a dopa a cha. Maraland.net Staff zyta he hmo he approved tlai a cha.
Zako la liana khata Maraland Gospel Centenary cha Marapa sawzy yna suhto(Mara rah nata khizawh rah hropa la lia zy chhao ta) maih liata alyhna hnei pa chata. Aizawl City lia chhao Mara House, Zotlang, Aizawl liata ahmahpa cha hra ta.(tari noh deikua ei vaw my ha ). He alyhna daihti liana heta Aizawl liata Marapa saw zydua nata eima viasa rihcha zy chhao hruapa cha eita, Awnano hrola penawh zy chhao hruapa ama cha hra holo hra. Chazy hry liata Rev. Dr.Lalauva(amoh dopa he pahnosia pa khao bao vei..bah nawpacha thai mu vy), Out going Principal, Aizawl Theological College(ATC), Durtlang tah biereihna hnei hra ta,cha nota eima Missionary nah R.A. Lorrain nata chhohkha thatih London Library liata ahmohpa thatih sai a reih. He nota a biereipa he tahma taihta my thei va na."London liata Research ei tao awhpa acha nota, ei kha cha London suh liata British Library la va vaw nata, cha liata catalogue ei mo patawh na ta Lakher Pioneer Mission tahpa he hmo nata. Cha liata a hriatuhpa hnota na lapa awhpata chho nata, 11 boxes lai vaw chata. R.A.Lorrain personel diary zy ei za rei nata cha palo lie zy pachhisa ngasa ta, apaloruhpa riahchhao zie chhao aza la kaw. Cowboy paloruh a phaopa tlai a cha.He suh liana heta daitih varopi cha ei hmapa a cha" a tah. he liata aza reih baichha via heipa keima liata a za thi thei leipa cha, "He hmo he(London Library liata Lakher Pioneer Mission thatih a ypa)eima rah lata la theipa cha hasala cha eima rah(Mizoram) History hmiaphao he maniah apanano cheingei nata eipangiasa" a tah hra.
He leipa chhao ta, internet ahmah tyhpa zy ta cha eima mo tyh hra nata eipangiasa. He palasapa link lia zy heta Lakher Pioneer Mission athati sohpa a cha hra.http://www.mundus.ac.uk/cats/13/1021.htm. Vaw mo pachhi hra tuah ma y.
Chavata, Dr. Sasa he ama mopakha popularity ama khopa vata Maraland.net Staff zyta ama website liata ama chaluapa cha leipata, Dr. Sasa nata Maraland.net Staff zy heta thatih dopa nata a y cheingeipa thatih Marapa sawzy hnota maniah ama vaw pahnosapa a cha. Hmopha taopa he baisai leipa ei sihla, Abeipata hmo dopa nata hmeiseihna a chakhei tuhpazy cha byhna apie cheingei hra aw ei tahpa chhao ei ngiapana a cha.
He liata a chyuta ei vaw rei baichhi khopa cha he he a cha. Mara sawzy pihe hmopha tao a khopa sai cha pi ta, mopha ahlao khopa chhao eima cha khai chyu sai hra nata ei pangiasa. Anodeikua, tahmahla eima rah nata suh hrola chhao rai vaw chasa, hmopha ataopa nata hmeiseihna liata ypa he tlao pasahsa kho leipa pita, Mara chana maniah aparao tuhpa nata maniah padia sa tuh chaipa zy, eima rah leilo a zua khai hapa nata sei chana lathlo lata maniah a ngiekhei thla hawpa zy eima pasahsa kho via pata a la. Atano tawhtala eima Mara cha lapa nata sietano-unaw zy sai u, eima phana rakhapa liata Abeipa tawhta abyhna sopa hlaotlona eima hmopa nata hmopha tao ky zy liata nata Mara pazy chata interest a chapa mai zy liata cha a cheichalo na he tlao pasahsa hei bah suh u. Eicha ly kaw ei.
Delhi Mara Satlia | 78ml ta acha chhy hyh aw
Written by Guest on 2008-07-15 09:12:33
maraland.net fan nata Dehli Mara satlai zy reipa he adokhai leina hlupi a y hra, chysapacha achhi achana hawta tlai narei awpa acha, maraland.net ta sasa he rah kyh pachapa tahpa ta certificate apie theima? piethai vei, keila sasa he rah kyh apachapa atlo pata pahno hlei vana, ano pakha popularity atluapa chysa acha tahri sila apha via va tly ma? Maraland.net ta sasa nama ta tyh pachhao he amo hmeiseipa chavei, pahnochheileipa khiacha Tai Sah he amo do pa cha acha, he hawpa missionaries naw zy he cha church pastor zy ta ama rei awhpa apha eita
78ml | Achhyna
Written by admin on 2008-07-15 11:09:56
Dear 78ml, Delhi Mara satlia nata maraland.net fan-zy, nama reipahmao lyma vata eima ly kaw. Tawhta, 78ml ta a hiahrinazy achhynazy:
1). maraland.net ta sasa he rah kyh pachapa tahpa ta certificate apie theima? piethai vei...
ANSWER: Rah kyh apachapa nata pachaleipa he maraland.net ta thliena (measurement) hnei leipa pita, kha hawpa certificate ma na rei tly pahno aru kaw. Sasa cha British Library liata eima missionary-zy hmo ama sopa mo aw pata eima haw (request). REport lia khata na hmo thei aw. Eima haw vata avaw taopa a cha. Ano chhochhi cha London he tly tyhpa he hawpa a ypa he pahno vei, maraland.net ta eima chho tawhta request tao khaota abuakawna chota eima hawna hlao apatlohpa tlao a cha.
2). keila sasa he rah kyh apachapa atlo pata pahno hlei vana,
ANSWER: Politician chalei pata rah kyh ei pacha, pacha vana arei nga kha yzie hnei hra lei pata vote acharohpa chhao cha hra vei chavata nama mo pakha pachana liata rahkyh apachapa leipa hawta na pacha khiah cha nama rei a cha. Ahy hmahta Sasa he rah kyhna apacha kaw tahpa ta aduakhei hlei hra vei ei. Tao awpa eima request pa avaw tao vata eima ly kaw.
3). Ano pakha popularity atluapa chysa acha tahri sila apha via va tly ma?
ANSWER: Ano khota news avaw taopa chalei pata maraland.net ta news he eima taopa a cha. Cha liata a popular kaw khiah cha aly khei sila phavei ma? A popular viapa hawta apachapa pa khazie ma a y tlai tly ei? Mara saw chyh kaw pita eima pahnopahlie viaro thlah bao na..
4. pahnochheileipa khiacha Tai Sah he amo do pa cha a cha:
ANSWER: Taisa tahpa he amoh chhiepa chata academic liata cha Taingsan tahpa ta tlao sopa a cha pata ei ma pahno. Chavata, Sasa tahpa he international liata ama pahnona hawta nata hlupi ta kyuna chata eima hmana hawta tla eima vaw hmah hra.
5. he hawpa missionaries naw zy he cha church pastor zy ta ama rei awhpa apha eita :
ANSWER: Eima rah liata Awhnano lata nopawpazy (Church Pastors) chhao ta he thatih he achu awpata miah ta tyh eita, internet tawhta hmotheipa cha a list aki lei pata, hmo a ypazy asia pata chhothei mapi. Rei via n'awpa pahno vei ei.
Sasa chhao he London liata he hawta a y tahpa pahno lei pata maraland.net ta request tao pita, na nava tly chho cha vaw moh pasia la record vaw tao chy ma y eima tah. Mara Pastor hlupizy ama va hmo hlata ahmo tua vata report avaw piepa tla a cha. Aizawl Theological College Principal (outgoing) chhaota ahmopa thatih reihta a detail ta copy hoh hlei vei, Mara saw chalei pata eima reipachhie nga nawpa y vei, request ataopa y tlah hra vei ei. A rei leipa liata Rev. Chhualai* CCI(Maraland) pastor UK la M.Th ava chu awta ano ava sie khiah cha request chhao eima tao chanei via heih hra aw.
Chavata, Sasa he popularity atluapana a cha tahpa he na dua khei chaipa alyu via. Popularity atluapa chalei pata maraland.net eima request vata avaw taopa tlao a cha. UK Royal Family nata ama hmonazy chhao eima vaw post via heih aw. Nama pacha dah achaleipazy cha nama kho dah hawta reih hra ula he he internet liata khotalaina (freedom) a cha. Paloh pathai kaw pata nama pachana kha vaw thyu lyma mu vy.
78ml y, nama pachana eima chahly lei vata a chahao hlei mapi, na pachana he eima za(respect) kaw hra. Maraland.net duasu rei pasia awpa deikua cha eima tao hra awpa a chapa vata ei chavaw chhy hrapa a cha.
Maraland.net liata na pachana vaw thyu pazao lyma ma y. Eima chaly kaw.
Admin
Maraland.net | 78 ml he..he..he..78ml he na moh ma a pi
Written by Guest on 2008-07-22 00:02:31
Dr.sasa he a noh popularity
naw pa va ta hmo tao va rai chao cha vaw cha sa la...a tao pha hra hro a tlu nga sa ci ra ky na pa cha nata chao cha pa ngia sa tia ra na....khazohpa ta Dr.Sasa Chho liana heta a ly ngasa o.
Kei chao ei goal ei pa tlo tawhta Politics field liata a ngia lei da ta...Mara ra cha rai hria pa ei chua. |
Powered by AkoComment 2.0! |
News 
.jpg "Viarah liata Mara satlia amopa tlah achapa")
