|
Mama nata Joan ahneina pathaihpa a rohnah kaw |
|
|
|
Written by Maraland.NET New Network
|
|
Friday, 11 July 2008 |
SIAHA (Chutyhnoh) - Zahnia Khihpa (July) 10, 2008 kha ta Satlia Beiphaki Hlychho(Mama) S/o Puhpa Zakhu Hlychho nata Laihsa Joan Syhly D/o Puhpa S. Pa-aw cha Siaha Vaihpi ECM Local Church Achhyna O liata ahneina pathaihpa ta Khazohpa nahta zawpi mohmo lia ta hrochhoh ta a kaolah awpa ta ku patuna pathaipa ta 'ei taih' tahpa ta bie taina ama hnei haw.
Ahneina pathaihpa liata Ku a patusatuhpa cha ta Rev. Dr. M. Zakonia a cha. Zawpi pua pha kaw ei ta, ama hruapa viasa rihchah chhao ama pua pha kaw hra. Atlia ta liata a hneina lia ta a rohnah chaipa hawhta thokha zy ta ama pacha hra.
Mama he Puhpa Zakhu Hlychho sawchapawpa hnei chhohpa cha ta, Puhpa Zakhu Hlychho he Mara Veteran politician eima hnei nga haipa state liata Cabinet Minister zy a vaw patu chiehpa chata, Siaha Bazar vaih liata khih ama sa ngahai. Joan paw cha Puhpa S. Pa-aw (Chhuandingi Paw), Marapa hry liata a hneirohpa eima pachy kawpa Aizawl liata khih ama sa nga hai.
Mama he Aizawl nata viarah lia zyta avaw laiseih laihpa a cha va ta Marasaw lapino ta ahnei awpa pangiasana ahneipa ama chyh viah nata pangiasapa a cha nota, Marasaw cheingei lapino ta ahneipa he aly kaw sai eita, a eihpachaipata a chhohkhahzy ta ama ly kaw pata pahnopa a cha.
He hawhta Marasaw nata Marasaw zy ahneitheina a ypa he Maraland.NET ta alykhei hmeiseihta, amopa tlah acha kawpata eima pahno hra. Ahneina pathaihpa nata Marasaw nata Marasaw cheingei ahneipa ama chana liata amopa tlah ama cha kawna hawhta he tawh chhaota nopi-novah chana kyh liata ama kawsie laih lyma nawpa liata chhao apha kaw pata Krizyhpa chhohkha pha kawpa nata amopa tlah cha lyma awpata khokheina sah kawpa eima chanei heih hra.
|
Congratulations
Written by Guest on 2008-07-11 12:01:56
Mama, na chapaw saw kaw heihna. Joan he ko 20 rachhoh a cha pata eipahno. Mama he ko 32 achhie chai a cha aw. Alykheipa a cha kaw. | Congrats
Written by Guest on 2008-07-11 15:16:46
Kei chhao ei vaw ly khei kaw hra. Mara-Mara ahneina he arohna tlai na! - PK | emon_mara
Written by Guest on 2008-07-12 03:34:41
viachao pino chhao he chhohna panaopa a nei ty hra bao hehhehe..great!!!have happy family mama | Aly khei achhi hmeiseih
Written by Guest on 2008-07-14 03:30:49
Huh! My Name cha lapino ahnei hmeiseih ha ba tlai e.Mara- Mara pasaw cheingei ama hneihpa hela alykhei achhi hmeiseih tlai na.
Delhi Mara Satlia | Written by Guest on 2008-07-15 02:43:29
mama, Lapino avawh hnei hapa cha aly achhih hmeisei tlai na! Pacha leipa pita! | husssss
Written by Guest on 2008-07-19 03:46:31
Tlaikaona apasah-sa koptlai o!! Si panyupa aba ha naw!! | Written by Guest on 2008-07-21 11:46:14
wowwwwww.....kei chhao he hawhpa ahneina hena ei pasahsa..Ei ly khei kaw..
- Hnaipaw_Laichhau |
Powered by AkoComment 2.0! |
|
Last Updated ( Saturday, 12 July 2008 )
|
.jpg "Viarah liata Mara satlia amopa tlah achapa")
