Maraland.NET - UK NGO Team nata Mara Satlia 'Mawhtah' vata eima rah kaw tlo aw

You are here: Home

News

Latest News

UK NGO Team nata Mara Satlia 'Mawhtah' vata eima rah kaw tlo aw

Written by Maraland.net News Network

Thursday, 17 July 2008

NEW DELHI, LONDON - Eima hnoh la ta eima vaw palasa chiehpa hawta Mara satlia Dr. Sasa cha UK liata NGO laihpa liata a hriapazy thokhazy nata eima rah khihpi Siaha taihta ama vaw sie ba aw. Delhi, Aizawl nata Siaha liata Mara sawzy Thopi do lah aw pata avaw hruana cha ary liata eima vaw soh.

Ano he Mawhtah chakana rairupazy a chahkhei awpa ta Longdon liata NGO laipazy ava daohpa kha chata, atahma ta eima rahla ama vy awpa he ahlao atlohna acha hmeiseih. Cha hlei khota UK Royal Family nata chhao a hmona daihti pha kawpa hnei thei ta, Princess Diana (L) thlasu zy chhao tlyta, Mara tradional dress tla tah sila Chyna poh ta coat taopa a kypa cha Prince Charles ta, "Wow your dress is so beautiful, This dress is so amazing and wondeful, coroful and I like it." a tah.

(He a tobina he Royal Family Dr. Sasa ta ava tly nohta a kypa chata Mara traditional dress tahpa ta a reipa a cha. Angia kawna ama vaw tahpa). Nothlah hropa Royal Family nata ama lakhohpa cha khotho chyhsa la pasaipa chalei pata Princes Charles Private Secrectary ta hnola ta avaw paphao awpa a cha.)

Prince Charles ta cha chakahna thatih (Mawhtah) hlata Health nata Education lachhah he maniah a pacha khei viapa alyu a tah hra. Athaona chata Princes Charles chhao ta £ 5000, India phusa ta Rs.4.29 lakh (£1 = Rs.85) thohna ma awpa a pachhuahpanohpa ha hra. NGO la tawh deikua amo pohpa tlai ta ama vaw tlo awpa vata detail pahnopa cha mah vei.

Sasa he Mara Social Welfare and Development Committee (SSWDC) liata board member pakha cha ta, Seed Faith Foundation (SFF) Founder & Chairman nata Mara Christian Network liata Ambassador(network facilitator) pakha a cha ngahaipa a cha.

Ary la liata Sasa ta Delhi, Aizawl nata Siaha liata thopi do khoh awpa ta hruana a taopazy eima vaw post:

Thopi doh khoh awhpa ta hruana
By Sasa

Lokhy ngiapalahpa zydua sai u, nama pahrana maih liata Khazopa ngiachhina nama dao pha via lyma chyu awhpa ei hnabei aseih.

Namo thlachha baona zawzi vata Armenia rah, eima University Rector tawhta leave la awh pata green signal zy napie ta, yzi ta cha Mara ra la mawta chaka pazy bao aw pata sietheina leave eina patosa hawpa hawta paka ta a reil eipa chhaota yzie ta a palasapa vata thata eily ngaita kaw.

Pahno chiehpa hawhta ei hlupi Khazopa la thlachhana zy cha eima hlao atlo haw heihtana a cha, yzi ta cha Mara ra la mawta chakapazy keima pohpa tlaita keibao hra awpa nata taokhei hra awpa ta London tawh ta thlai eivaw thao thei ha aw tana acha. Ku ruapa ta mawta chakana a tao haipazy he a hmopa cha leikha aw eita, Khazopa ta eina piechho pa theina, thaina, hneina, nata thazah mathlai chhao ta mawta chakapazy kuphei cha keima ku tlaita ei kei patu hra awpa nata hmia achhy pata taokhei lyma hra awhpa ta KHAZOPA ta tovyuh eina patosa tana acha, ei thlachhana, nama thlachhana zy achy eituhpa KHAZOPA moh cha chhazaw nata tlyzaw ta reithai pata y thlaha mawh sy. AMEN.

Mara ra liata chakapa zy chana , nopona , a hrorohna, ao rei cha rama la taihta ei hnota avaw tlo tyhpa vata atano ta he hawta keima pohpa tlaita kei baokha thei hra awpa ryraona na pietuhpa KHAZOPA moh cha thata ei reithai hmeiseih.

Dehli Mara sawzy hnota thopi dokhoh awhpa ta hruana
London- Dehli, British Airways Flight ta vawsiepa cha awta Dehli khihpi he nochho ta eivaw tlo awpa pangiasa pa a cha, vawtlo n'awpa noh nata daiti deikua, he Satlia Lawlaw(Beilawkhai) hnota confirmation chhao ta eivaw chho bei aw, he Dehli liata Marasaw zy ahyrai ta arai ama tlakaipa nama ypa a chakhia cha, Delhi Mara Social Walfare Co-ordinator, Stp Lawlaw la he contact vaw tao bei la ano tawhta a kichaipa ta thati acha pathei sa bei aw.. Nama rai zy ama tlakai khiacha eivaw tlopa nata thopi dao liata thopi hmaokha ta dokhoh na hnei thei sila, hmia a pahnona zy hneithei sila, thlachhana zy chhao hnei khothei sila arona kaw aw tahpa ei pacha dah a cha. Dehli lia he chah parei leip'aw nata Kolkata la sie heih awpa acha awpa vata detail pa program zy cha Lawlaw hnota nama vaw hia bei aw pata eicha haw ei. Thopi dona nata thopi dao la sievawna zydua cha keima ta ei pacha bei aw, ei cho liata pahnie khaipa acha bei aw. Ei chaly kaw ei.

Aizawl Marasaw zydua hnota Thopi dokhoh na hnei awpa ta hruana
Maraland la siena lathloh liata Aizawl khipi chapia awpa acha pa he ei va a hnei kaw pa hawta ei pacha hra, Aizawl liata Marasaw a y penaw zydua chhao, thopi zy hmaokhata doh khoh thei sila alypa acha kaw aw, thopi dona ma zydua cha keima cho liata atlo khai bei aw, he thopi dokhona liata avaw hlao kho penaw zydua cha ngiachhi pata Puhpa P.P Thawla, MLA hnota adaihti nata program detail viapa cha avaw chho hia thei bei la aly pa acha ngaita kaw aw, thlachhana zy hnei kho pata mawta chakapa baona chochah zy chhao nama rei awpa he nathlie eibyu kawpa acha.

Siaha Marasaw zy hnota Thopi doh khoh awhpa ta hruana
Siaha he Mara ra khihpi laichaipa achapa hawta Marasaw Siaha liata a pahrapa zydua thopi eima doh khoh thei leipa chhaota, arai ama viapa nata hmia a pahnosana hawta acha hrapa nata mawta chakapa baona chochah hriapasapa zydua zy chhaota thopi doh khohna hnei awpa he thata eibyu kaw hra, Siaha a khihpi ta cha athei leikha awta, palohria kawpa pacha pahmao khona reikhona ahnei pazy he pachai pata khokhei via pata ngiachhi pata arai ama viapa zydua cha, Puhpa Evan Ebi, atahma Saikao khih liata a y thlah ha chypa hnona heta contact vawtao theibei ula aly pa acha ngaita kaw aw, Evan Ebi, Eipaw ta thopi doh khoh theina awhpa su, daiti nata thopi dao zy chhao avaw pacha aw.

Princes Charles tawhta khokheina ei dao tlakaihpa "Doctor Travel Medical Pack" chhao he Mawta chakapa zy chata akei phaopa awpa ei pachhuapanoh hai hra, a peimawh chaipa cha nodi pazy pachhana rai, a thi daihma hawpa chakapa zy keibao awhpa he acha aw, chakapa baona zydua cha he tawhta detail viapata a chhothei, apahnosa thei heih awpa ta a hnabeisei ei sila; hneichhopa, theina chhopa, mathlai zydua chhaota chakapazy kei bao thei hra awpa ta he tovyu rona ngaita kawpa na patosatuhpa KHAZOPA moh reithai chanei heih nata.. namo zydua cho liata chhao kyh pachana hmeiseipa KHAZOPA tawhta pa avaw tlo chyu hra awpa ta thlachhana eicha bao hra ei.

Sasa
Camp: London

Note: Ary liata related post lia heta hmiala ta reporta a vaw pie tuapa he reih la UK tawhta delegate a vawtlo awpazy thatih na pahno thei aw.

Related Post(s):
1. United Kingdom la ta Mawtah Chakahna vata hmalana report
2. London liata Lakher Pioneer Missionaries Hmo sopazy eima hmo
3. British Library liata Mara Pioneer Missionaries hmozy tlyna 2-na

Comments

Alypa cha kaw
Written by Guest on 2008-07-17 08:17:50

Dr. Sasa hmo taopa he a pha ei ta kaw. Marapa sawzy chata byhna acha hmeiseih.

Marasaw

Alypa cha kaw
Written by Guest on 2008-07-17 08:17:55

Dr. Sasa hmo taopa he a pha ei ta kaw. Marapa sawzy chata byhna acha hmeiseih.

Marasaw

Mara rah kyh apachapa
Written by Guest on 2008-07-17 08:53:33

Mara rah kyhpachana he areita rei leita ataota tao awpa he byuh hmeihseihta, tao thei awpata ei thlahchhana chhao a cha tyh.

Satlia Sasa ta ei rama la tachhao eihmo beihleipa hmo Mara rah cha ta atao thei awpa va ta he hmo rohnahpa apatlosa tuhpa nata Satlia Sasa Marasaw zy cha ta byhna cha awpata byhna apie tuhpa eima Khazohpa Zisu Krista moh cha reithai pata y mawh sy, Amen.

Nochhi_Satlia

oh my Goooosssshhhhh!!!
Written by Guest on 2008-07-17 23:46:12

Sometimes we beg! sometimes we run! sometimes we betray our own people!and sometimes we want popularity to the people we betray!and we don't even afraid to sole the very name of our ALMIGHTY GOD!we want unity but sometimes our geography does not permit us to. Oh my gooossshhh... there too many black and white spots in this world!It's puzzling, and difficult to pick which is the white dot and black dot'z!

Written by Guest on 2008-07-18 00:56:39

SaSa Delhi International Airport avawtlo n'wpa daihti

Flight Number: BA 143 (Hold Comfirmed )

Depart:Sun 20 July 2008, 09 :55
Arrive :Sun 20 July 2008, 23 :00
Cabin :World Traveller

Beilawkhai (LawLaw)
Co-ordinator
M F W
New Delhi
Contact No 9971070447.

Lyna
Written by Guest on 2008-07-19 03:41:34

Ei ly hmeihseih.Chapawsaw tlaina acha. Thlyutlia hropazy chhaota eima tao awpa raina a cha.

The man
Written by Guest on 2008-07-21 23:46:27

Dr.sasa u,r really really awesome

May God bless you.