|
Puhpa Laima Chozah I.A.S. USA liata training ngahai |
|
|
|
Written by Maraland.Net News Network
|
|
Friday, 18 July 2008 |
WASHINGTON D.C - Mara saw All India Service liata rai a hria haipa Puhpa Laima Chozah I.A.S., cha a raih hriana lachha liata training hnei awhpa ta tari noh 13th July, 2008 kha ta New Delhi puasaipa ta South Carolina, USA a ngia haw.
South Carolina liana he thlakha(one month) chhoh a y aw. Puhpa Laima Chozah (Regina Paw) he India rah liata rai (job) eima pasoh kawpa nata pasahsa chaipa Indian Administrative Service (I.A.S) Mara saw tawhta atloh tuachaipa(1988) chata West Bengal Cadre lia y pa a cha. West Bengal State pohpalohpa liata Commissioner, Revenue Department liata a hria haipa a cha. Ano achana I.A.S tahpa he India Independent a hmo hlata cha I.C.S (Indian Civil Service) tahpa ta pahno tyhpa cha ta, Puhpa N.E Perry, The Lakhers tahpa chabu a rohtuhpa chhaokha I.C.S cha hra ta, atahma chha lia chasala cha Puhpa N.E Perry, I.A.S eima tah awpa a cha.
(South Carolina state tawhta Mara sawzy ahnia viapa liata ama hluh viana suzy asaihpa roh ta eima vaw pahlo)
Ano he Mizoram State chhaota Deputation ta ala papua kha chata, Mizoram liata ko 7 a y. Department nano nanopa zy liata chana a hnei hma hra. Ano Mawrah liata a kaw y no ta Mara saw varo rai eima hmo pata pahnopa a cha hra.
Puhpa Laima Chozah, I.A.S he a sawchano utheipa Regina moh yzie hawta Regina Paw tahpa ta Mara pawzy a awna dahta ta aw tyhpa a cha. Officer rai liata nga achhihpa nata rai hria dah a thai kawpa chata, Sawhkha la tawhta chhaota ama nga hialia pa tlai a cha. A rai he asah kaw bata Mawrah liata a khy heih theina lapi zy a y khiah cha Chief Secretary rai he a cha awpa a lyu.
Thlahpa la chhao a hmah kawpa chakaona la liata ECM(I) liata Macha pakha chata, Aizawl Mara Church zy chhaota Speaker ta ama hrua ngapa a cha. Kolkata Mizo apakhyna lia chhao nopaw pakha chata, Mara sawzy eima ngahchha kawpa a cha.
Mara saw central service eima hnei chhopa a hropazy cha Puhpa K.T Beicho IRS(Railways/IRAS - 1990 batch) Chakhei khihpa nata Satlia L. Beimopha IRS(Custom/ICCES - 2007 batch), New Colony, Siaha zy ama cha hai.
Atahma ta Puhpa Regina Paw a training su he S. Carolina state khihpi Columbia liata a cha thlah nata eima pangiasa chai. Miss Teen USA 2007 a patlah nota hiahrina a chhychhei kachu hapa 'blonde moment' tahpa ta thyutliazy saiso khoh kawpa Youtube liata hit kawpa kha Miss South Carolina kha a cha.
Regina Paw he Siasi - Chakhei khihpa chata atahma he Kolkata khihpi liata alapi, saw patho (chano pakha nata chapaw pano) chhao ta khih ama sa ngahai.
Note: Kolkata liata ama phone a rao vata Maraland.NET ta contact tao thei mah mapi. A thei tita US Mara sawzy contact nuby eima chapie aw.
|
lyna
Written by Guest on 2008-07-19 02:48:47
Ei ly gasa!
"Abeipa china he sona athaona a cha.A hrupajyta sona nata pachuna ama mohnaotyh."
Maraland.net_tawhta Marah reih cha roh tyhpa deikuala pachapasia via a byuh hmeiseih.
"KYU"? | Written by Guest on 2008-07-19 05:48:51
@lyna, KYU tah chakhyh leipa ta a doleina na pahnona word -zy kha vaw reih papuala cha ta ama vaw correct thei aw. - PK | Written by admin on 2008-07-19 06:54:04
Lyna Mara cha roh da navaw tahpa he ado kaw. Maraland.net staff-zy he Mara reih ama thai kaw vata news/article avaw thyupa chaleipa eita tha pasana ama hnei vata ama thai leina chota ama vaw tao tyh. Ama chu via lyma hra. Chavata, adokhai leinazy a y lyma thei aw, apha viapa nata ado viapa na pahnopa vaw thyu lyma hra ma y. A thei khiah Mara reih ro dah tahpa article zy chhao vaw thyu thei hrala admin(a)maraland.net liata paphao theipa a cha. Mara cha ro dah pado via lymapa a cha thei n'awpa ta khokheina nata tiamana eima hnei awpa maniah na khokheina he eima ly kaw.
Admin | maras
Written by Guest on 2008-07-25 02:50:29
Mraland.sta...zy ama sia tlaina.Hyutuh chhao ama ca thai kaw hra."a hru pazyta sona nata pacuna ama mohnao tyh" tahpazy ama pahno thai kawpata a la ta,a ly achhih hmeiseih.p | Written by Guest on 2008-07-25 09:10:31
Regina Paw,
America lathlohzy cha ngoh ta khupa na a cha tah ei ta, vaw khy la, ngoh a chyh ta bah naw phaopa mah y!
Na train-na na hlaotloh thei nawpata thlah ei cha chha khei.
Laiu Fachhai | Written by Guest on 2008-07-25 15:39:27
Pastor Vanoh Paw(Rev. Dr. Laiu Fachhai),
Na chhao kha America cha zako viala kha va hmo ha chita, ngoh navaw phao chiehpa y thlah vei ma? Kho hlei na kho kaw. Keimozy he miah vaw phaopa hri sala ei tah via... lolz
- Apaw | Written by Guest on 2008-07-28 03:37:47
@ Apaw,
Kei cha khapa Ngoh ma ei vaw phao thei tiah rah aw. America nawh o liata thotlahpa khichhai tlo ta tla tlo na ta, ama lathloh liata ngoh khy awpa hra ta ei pato phie a vaw tai hma ha nata a khy thei awpa duahmo liata a duah khao leipa na ta, chavata ei vaw phao theipa y vei.
Regina paw heta a vaw khy theipa a y khiata cha, na chhao cha a cha vaw phaopa hra awpa ta pasai leina hnei tiah rah va na.
God bless you Apaw! You have got my humour/joke.
Thanks!
Laiu | Written by Guest on 2008-07-31 05:05:07
kei hela ei haw tu ty na, chasala pei hlei na |
Powered by AkoComment 2.0! |
|
Last Updated ( Saturday, 19 July 2008 )
|
