Maraland.NET - Viarah liata Mara Satlia Computer Engineer amopa tlah kawpa thatih

You are here: Home

News

Viarah liata Mara Satlia Computer Engineer amopa tlah kawpa thatih

Written by Maraland.Net News Network

Friday, 18 July 2008

PUNE/BANGALORE - Mara satlia Computer Engineer atahma Pune khihpi liata company pha kawpa liata rai a hria ngahaipa hnei pita eima ly kaw.

Ano he Satlia TT Chhote S/o Puhpa TT Zalai, Zyhno khihpa a cha. Thaina la ta B.E (Computer Science) kha ko 2005 pa khata distiction a tloh leina mark kha ngala cha pata patlo ta, cha khai tawhta September 18, 2006 pa khata Tech Mahindra Company he avaw pazao pathao ata a rai hriana tawhta ko 2 a tloh ro habapa a cha. Atahma he Process/Project Designer ta a y ngahaipa a cha.
Satliapa TT Chhote

(Satlia TT Chhote nohthlahpa Chutyhnoh(Friday) ta casual dress ta office ama kia noh a cha)

Satlia TT Chhote he Christmas noh Di (Dec.) 25, 1979 kha ta Zyhno khih liata vaw pih ta, Maipa, Meipaw, Hraisimaipa, Hraisimapaw tahpazy nata Meipaw Chhote tahpazy ta aw tyhpa chata TT Chhote S/o Puhpa TT Zalai nata Pihno Nozai sawchapaw hneichhohpa chata, sietano pathoh hnei ta, a uhthei chaipa cha Former Miss Mara TT. Hraisi kha chata, ano he uhtheina la ta former Miss Mara a pazipa a cha.

High School kha ECM H/S Siaha liata kiah ta, PUC (Class 12) kha St. Philomena's Junior College, Mysore tawhta chata, Bachelor of Engineering (Computer Science) kha Shri Vithal College of Engineering, Pandharpur. Maharashtra State tawhta a patlopa a cha. Atahma he TechMahindra LTD, Information Technology Section liata Process/Project Designer ta y hai ta, ama office cha Giga Space IT Park, Pune liata a cha.

Chyhsa achu kawpa cha ta, a chupa professional course hlei khota hmo hropa thai pakaopa chhao a hnei hili, chazy cha MCP (Microsoft Certified Professional, version- Server 2003) nata SCST(Seed Certified Software Testing). Atahma chhao he ASCB UK accredited 6 Six Sigma Green Belt Certification tahpa Asian Institute of Quality Management (AIQM), Pune tawhta a rai abua kawna chota a tao hualuapa vianga heih hra.

Hawti kaw chy hrasala hlata hawti pachhuah viapa a chu haipazy lata na pachana maniah chho hra tuala tahpa ta Maraland.NET ta a hriahrina cha he hawta a chhy,

"A chu haipazy pita eima pacha peimawh awpa ta ei khoh kaw pa cha, atahma he Mara Malu(population) he 50,000 plus cha haba pita, cha a thaipa Doctorate Degree nata Central Service liata a tlohpazy chhao hnei pathao lyma haba pita a rohna eita hmeiseih. Bieso ta Hmo rairu chaipa cha 'To begin' he a cha a tahpa hawta, Mara saw a chuhaipa zy chata lathloh tao chiepa y haba ta, a zi tuhpa nata a chhihtuhpa cha awpa he a chuhaipa zy eima maophaona a cha hmeiseih." a tah.

"Mara saw pi he a chuna Line sakha lia (eg:General line)saita a pahmo pita, Khizaw thaina asah via lyma ta myla honoh Mara Rah chhao Science and Technology la chha a thaisopa he eima peimawh via lyma aw, a Rah hneitupa ta eima pha khao lei tita la Maw/Viah na zy eima lapa a byuh chei ngei aw. Chavata Chi hro pho hro pazy ta myla honoh eima rah liata ryu ama reih thla ha awpa nata mia ama control thlaha lei n'awpa ta, atahma tawhta ‘Vision’ sia kawpa eima hnei chei ngei awpa nata Science and Technology lata nazy eima pachoh viapa he a peimawh kawpa ta ei pahno." a tah hra.

Mara saw chhao chyhsa hropa thaipa eima chu khiah cha eima thai laih lyma hra, a lapi pahy laih tua awpa he a risky kawpa hawta pacha leipa ta chatoh pathla lyma a peimawh zie a la kaw hra. Kaladan Multi-Modal Transport Project (KMMTP) zy a hlao atloh tita cha Mara saw Engineer nazy he KMMTP lia he hria chheih thlah ei sala cha eima thohkhei pachai ngyu hra aw.

Eima rah liata rai soh kawba ta chavata Mara sawzy India rah chhoh la ta rai a y pazy he eima hria thei lyma hra awpa he a chuhaipazy chata pahaona a sah chaipa chata, he hawta Satlia Chhote ta Computer la chhahta rai pha kawpa Viarah liata a hriapa he Maraland.net staff-zy ta eima ly khei hmeiseih. Achu haipazy chata pahaona chata a cha cheingei awpa ta eima hnabeiseih.

Note: Vacancy a y nata y vei cha This e-mail address is being protected from spam bots, you need JavaScript enabled to view it liata tla hiahri ba awpa a cha. :)

Comments

Na toa pha hmeiseihna
Written by Guest on 2008-07-18 17:58:14

Ei cha palai khei kaw, Mara satlia laisa vaw tiama via lyma te u. Thaina sona he Chipho hropa pahniena chhachhi sakha a cha.

Mara laihsa tiama teh u
Written by Guest on 2008-07-18 23:59:29

Mara Satlia cha athaipa eima hluh via lyma, Mara Laihsa zy Mara Satlia cha athaipazy lapino cha thei awpata achhuah suh vy.

Education liata ahnai kawpa chano la ahmi sia kaw hrasala Cha athaipa chapaw zy cha ta ama tloh paki thai nawpa aru kaw pata eipahno.

Bieso 1;7 Fr_Lyna
Written by Guest on 2008-07-19 02:36:22

Ei ly khei gasa.A hriapasana theilapa ta lei thei vana.Taotuhpa deikua kha a thei chyu suh vy!

Written by Guest on 2008-07-19 06:29:03

TT Chhote,
Na hlaotlona liata palo hmeiseih ta eichaly khei. Marapa sawzy Corporate world hmia maniah pahmosa pathao tuhpa cha chita, eima chaly hmeiseih. Tawhta, Achuna ky liata Maraland.net hiahrina na chhyna zy ei mo nata la eipalo atla hmeiseih. Mara sawzy a hra ba suh u.

Marasaw eima pahno chho leipa, chyhsa hlaotlopa thatih he vaw so hlu achhua lyma hra te u. Marapa zy he keimo nata keimo ta eima cheichalo vei khiatala ahy hmata miah cheichalo tuhpa hnei mapi!

'Maraland, tla parei ma y'

Delhi Mara Satlia

emon_mara
Written by Guest on 2008-07-19 08:14:32

na vaw tao pha hmeisei na..ABEIPA ta byhna chapie via ly ma maw sy...

A LY KHEINA
Written by Guest on 2008-07-19 08:41:00

Maipa chi he nasa pha che ma nai, zawhnai mai na papha hleikho za mara zapi zaw mopy tly nychy he che law khei hmesei. congrats n ol da best..beihrua hyd.

Written by Guest on 2008-07-22 07:04:17

Satlia Chhote,

Ei cha lykhei hmeihseih. Na hlatlohna he Mara thyutlia hropazy tha a pathyutuhpa vaw cha se!

Pastor Laiu Fachhai
Shillong Mara Church

Written by Guest on 2008-07-23 01:18:39

congrats da gr8t man... make ma land more bigger n bigger

CONGRATS!
Written by Guest on 2008-07-25 08:20:23

AT LAST,HE WON THE MATCH!!! HE HAS COMPLETED HALF OF HIS RACE. HE DID FIRST FOR HIMSELF AND THEN FOR HIS FAMILY,FIANCEE AND FOR HIS MOTHER LAND IN TERMS OF SUCCESS,ACHIEVENT AS WELL AS REPUTATION AMONG HIS OWN CITIZENS. i WISH HIM TO BE A BLESSING FOR HIS OWN PEOPLE,THE MARAS AND THE NEEDY NEARBY THEREAFTER.

MAY GOD BLESS YOU MAIPA!

MARA SATLIA

Written by Guest on 2008-07-28 00:42:42

aapha ,,,,tle..cheve pale khei chema nai eve lawsuata.....nepachhiasalei bele na fuuuuuuuuu dy lolz

piece of advice
Written by Guest on 2008-08-19 01:42:18

Dont stop growing.
But, dont outgrow us either,
like some of our elders feel they did.
Carry on.
But, dont be carried away either,
like a few of our friends claims they cant be. but, they actually were.
Be blessed.
But, let the blessings benefit others as well.
Let Suckcess be yours.
But, dont let suckcess ruins you.
I AM NOT CONGRATULATING YOU.
BUT, I AM THANKING YOU!!