|
Delhi MCF Apakhyna hma pathao heihpa a cha |
|
|
|
Written by Maraland.Net News Network
|
|
Tuesday, 22 July 2008 |
DELHI - Tari noh 20th July, 2008 zala daw 4:00 pm khata Mara Christian Fellowship: Delhi zy cha Academic session thiepa i.e. 2008-2009 a thao tawhta a eikhana chata apakhyna ama hma pathao. Delhi Mara saw zy kho dah hawhta apaki thei ma veih ei.
Delhi MCF apakhyna he Stp. Gospel Chozah O, Double Storey, Vijay Nagar, Delhi-9 liata hneipa cha ta, Stp. Denish Solo, President MSO Joint Hqrs: Delhi ta apakhyna he a chhitha ei. Stp. Joel Hlychho ta pakhyna pathao nawpa ta Bible reihna nata thlachhana hnei ta, cha khai tawhta thyuna lapakhyna hneipa cha hei ta. Thyuna he St. Beilonga ta Abeipa la hlana a hnei.
Stp. Mama Chozah ta biereihna hnei ta, biepipa chata a tlypa cha: Taina la ngaipa ta a ra pasuana, Phillipi 3: 12-16 bie a cha. Stp. Mama Chozah tawhta pasyuna bie pha kawpa, Delhi- la za pangai thiepa nata a vaw y paropa zyta eima pahno awhpa peimawh kawpa zy rei ta, achuhaipazy hrozie awhpa zy, Delhi liata tao awhpa nata tao lei awhpa chi zy, tahmahla khizaw a sosah kawpa liata pahrapa eima cha vata, Mara sawzy eima chana nata eima chi nata pho, ti nata rah chana zy mypa ta hro a zawchakhopa(jumping life) ei hma awhpa a cha lei zie zy a pachu ei. Ano biereina a hnei khai tawhta zawpi la tawhta sharing reihna zy pahypa cha hei ta. Zawpi la tawhta sharing ama reih pazy cha ama tho khei kaw sai.
India rah khihpi Delhi lia he Mara Christian Fellowship (MCF) nata Mara Family Welfare (MFW) zy ta thlakha liata ei kha chyu a pakhyna ama hnei tyh. MCF he Delhi liata hnei tyhpa chata Delhi University Main campus liata achuhaipazy ama hlu chai. MFW deikua he New Delhi (West) lata y ta, chhohkhata a ypazy ama hlu via.
MCF Delhi thatlopa ta ama sie lyma thei n'awpa ta thlahchhana liata a thei lyma chyu ei si.
|
Written by Guest on 2008-07-22 06:26:24
Ei cha palai khei kaw ei, Delhi Mara sikuhatizy. Beipa ta byhna cha pie ei sala, nama chuna chhao hlao cha patlo ei se! Ei thlahchhana liata ei cha thei tyh ei.
Pastor Laiu Fachhai
Shillong Mara Church |
Powered by AkoComment 2.0! |
|
Last Updated ( Tuesday, 22 July 2008 )
|
