Maraland.NET - Delhi Mara Family Welfare ta Satlia Sasa Thopi dona hnei khoh

You are here: Home

News

Delhi Mara Family Welfare ta Satlia Sasa Thopi dona hnei khoh

Written by Maraland.Net News Network

Tuesday, 22 July 2008

NEW DELHI, 21st July, 2008: Delhi Mara Family Welfare ta Stp. Sasa London tawhta avaw tlopa cha thopi do khona atanoh kha Stp. Rachi Chozah O tlopa, Asaladpur, Janakpuri, New Delhi liata ama hnei. Delhi liata Mara sawzy ama ki kaw. Pho hropa; Lai, Zotung, Senthang, Zophei, etc., la ta nopaw penawzy chhao ama hmia hmopa ama y hlo hra.

Athaona na la liata Devotion programme ta a hmapa cha ta, Stp. Vakhithie ta he devotion apakhyna he chhitha ta, Puhpa Solomon, Puhpa Khual Uk Lian, Stp. Gospel Chozah nata Stp. Sasa zy tawhta pasyuna bie pha kawpa zy nathliepa a cha. Zala daw 6: 30 pm rachhopa liata Dinner paha kawpa Dr. Sasa ta he suh liata avy theipazy chata a chhuanopa cha do khopa a cha.

Sasa ta Delhi Mara Family Welfare zy chata Dekchi satho(three) 10 kgs nata Phusa 8200/-(Rs.8200/-) present ei. Delhi Mara Family Welfare zy ta Sasa cho liata ama ly hmeiseih.

Sasa he hmiala liata a thati eima vaw palasa hapa hawhta Armenia liata dawty a chuhaipa a cha. Armenia lia he dawhty achuna basic chaipa he MBBS tah leipa eita, MD (Doctor of Medicine) tlao tah eita, ko 6 course a cha. Ano he ko kha dei a patlo n'awpa abyuh. Chavata, MD he India liazy ta Post Graduate course eima pahnopa hawta a cha leina hawta a title he Doctor achu nga haipa a cha vata, Dr. tahpa eima vaw hmapa kha net ahmahtuhpazy nama pacha thaina eima cha haw hlei khota Sasa chhao pacha thaina eima hawh hra. A chuna chhao a patlo palah aw pata eima khokheina eima hla hra. (Source: Yerevan State Medical University website www.ysmu.am )

Mawtah UK angiapatuhpazy paloh hria kaw:
Sasa ta a rei dah ta ngiapatuh pha kawpa, London(U.K.) nata Western rah thokha zy liata viasa nata chhokha pha kawpa zy a ty ta, ano chhaota vahnei a ta hmeiseih hra. London lata a khitlyna daitih liata Prince Charles nata a hmotheina daitih pha kawpa zy hnei thei ta. Tari noh 18th July za liana khata London khih chhoh Awnanopa(Church) sakha liata biereina zy pie thei hei ei ta, a no chhaota vahnei a ta kaw hra.
Doctor Medical Travel Pack

(1.Photo----He a cho liata photo he Prince Charles ta Sasa ta Doctor Traveling Medicine Pack a piepa a cha.)

Prince Charles ta ‘Doctor Traveling Medicine Pack’ Chin chyhsa- nata Marapa zy, a eih pachaipa ta Myanmar rah lata a ypa zy chata Medicine UK Pound 10,000/-(Rs.8.54 lakh) rachho ma pa a pie. Doctor Travelling Medicine Pack he sano chata, sakha heta UK Pound 5000/- (Rs.4.26 lakh) ma rairipa a cha. He thona zy he thohna pha kawpa U.K. Doctors za-charie(800 Doctors) nata Specialists zyta ama mo pasia khai tawhta Mawta chakapa vata tla leina nata pasana a ty nga haipa zy mohohna awhpa ta packing ama taopa pa a cha.
Mama nata Sasa

2. Mama Chozah & Sasa.
Puhpa C. Sihmo nata Puhpa K. Saidi zy chhaota

3. Left to Right: Hlasathaipa Pihno K Saidi, Sasa nata Puhpa C. Sihmo (Pihno Saidi avahpa).

Acho liata eima palasapa hawna khita Sasa ta London liata chutynoh zata a biereipa Abeipata byhna pie kaw ta, Mara rah la avy awhpa thatih nata a byukhia a chunazy 'leave' la chyta tako chho zydua Mara rah la y chy awhpa a khona thatih a reina daitih liata a viasa hlupi nata ano ky avaw pacha kaw tuhpa zyta no a ta ei ta, mothlichi chhaota a biereipa he ama na thlie tahpa ano paka tawhta bie eima dao.
Eima rah la chakana thatih zy a reina daitih liata London liata ngiapatuhpa hluhpi zyta baona Sasa hnota vaw pie eita. He ama baona vaw thaopa zy he nonoh(2 days) chhoh ta Pound 13500/- (Rs.11.52 lakh) a tlopakhy hma. Tahma ta eima rah lata a vy no he Pound 5000/-(Rs.4.26 lakh) ngala a vaw phaopa pasai chy ei ta, achhapa cha International migration dah liata he hlata hlu viapa phusa a chakaipa ama pasai lei vata a cha. Tahma ta baona a vaw phao chiepa zy he abyuna hawhta eima rah(Myanmar) rah la ta kaw hma tuata, tahma ta London liata a vaw siesai pa he eima rah lata Awnanopa Bank Account zy hmapata la heipa a chhua na zie a cha.

Tahma ta Sasa a khitlyhna liata a hryuna zy he cha he baona avypa tawhta chaleipa ta, ano mopakha(private) tawhta sai a cha. A chhuana liata cha, eima rah(Nochhi Mara) lata thotlah khih nata chaka viapa suh mai zydua tlypa a chhua hra. Eima rah duasu nata thatih zy achu khai tawhta U.K. lata NGOs nazy Aizawl taihta ma a cha ma, acha veikhia eima rah la taihta ma a cha aw, avy awhpa ta hruana a tao hei aw. U.K. liata NGOs nazy nata a viasa hmiapahnopa na zy ta eima rah chaka bao awhpata ama ma thla ha na a ta.

Sasa he tari no 22nd July My daw 7:00 am ta Delhi tawhta Indian Airlines ta Aizawl pa ngai awhpata a athao hei aw. Ano pachana liata cha August thla thaopa liata Myanmar Mara rah angia hma thei awhpata a chhua.

Abeipata a chakaona zy apatla kawpata a sie lyma thei nawpata Marapa sawzy Khizaw kaopki liata a y pazy thlachha khei chyu awhpata miah a haw chaima ei.
Zawpi pati nie khohna

(Zawpi pati do haino pa).

Bie baichhina: Marapa zy pihe London Satlia Ko 24 pa Rev R.A. Lorrain hmapa ta thatihpha pakhaisapa cha pita, atano taihta kypachana hmeiseihpa ta ky miah pacha ei ta, mothli chi chhaota eima rah rietheina zy bao awhpa so nata thi zyta maniah bao lyma ei ta, thla khâ miah ama chha khei lyma pa vata Marapa sawzy ta Mongyuh-pa zy hnota eima ly n'awpa chhapa chhao a y. Thokhata Mara rah India nata Burma ta maniah pachhai eita English nawh maophyuna a cha ama tahpa he cha debate theipa a cha. Hmopha ama tao heihpa he tla aly chy su vy.

Comments

Culture Shock
Written by Guest on 2008-07-29 10:28:28

Eima unawhzy ama nie nga no ta ama tyu dah khie moh tua rai u! Viahpa nata Mongyuhpazy ta cha hehawhta a tyuh veih ei; a ngia lei kawpa hawhta ama pacha vata. Viahpazy ta cha hehawhta a tyupa he "toilet" liata tao awpa hawhta ama pacha.

Hehawhta atyupa he moleina na a cha ei tahna cha leipa ta, Viarah liata cha ta, Viah nawh cha hehawhta ama tyu lei vata, Rawma khihpi liata na y khiata cha Rawma mo tao dah hawhta tao hra mah y, tahpa bie he Marapasawzy ta eima zi thei hra awpa a peimawh kaw.

Laiu Fachhai

Sasa nata Delhi Mara Welfare liata alyna
Written by Guest on 2008-07-29 10:34:24

Acho liata ei comment liata ro pa ha awpa cha taraw ta phie vaw my ha na ta. Eima satliapa Sasa he a vaw tao pha kaw. A cho liata ei ly kaw. Beipa ta byhna pie pazao lyma se! Delhi Mara Family Welfare chhao nama tao pha kaw hra. Ei cha ly kaw ei.

Laiu Fachhai

Mo pachhi hra tua!
Written by Guest on 2008-08-18 12:53:22

Hehehe... Bangalore mo chhao Delhi mo Style ama la hla hrapa he. He hela eima rah liata eima practice tyhna dah acha vata a cha. Chasala, Laiu Fachhai reihsa ta, hmopha viapa nata tao dah zie ngia viapa hela Marasaw zyta zy achhua lai lyma suh vy.

http://www.maraland.net/gallery/displayimage-lastup-0-24.html

Nochhi Cowboy

a doh kaw!!!
Written by Guest on 2008-08-25 23:05:32

heehehe peimawh kawh! keimo eima hmo dah hla ta chysa miah ama hmo dah he mannerism liata cha a peimawh via ta lei thei vana...a cho lia nothla khi mara community (students in Delhi) thlala (mirror) chata, chavata a hy hmata bie sohpa "Be like a Roman when you're in Rome" ta kha a zy tla vei ei chi....pei kaw lol! Puhpa Laiu comments pie khi a ho kaw hawpa ta a la tlo ta, peimawh kawpa a cha...