|
Khipiluh MEC KTP zy Tipa Electric Vaih KTP ta Fellowship nata Baona hnei |
|
|
|
Written by Maraland.net News Network
|
|
Thursday, 24 July 2008 |
TIPA 'V' - Khipiluh Mara Evangelical Church (MEC) Krizyhpa Thyutlia Py (KTP) zyta Tipa Electric Vaih Local Church (ECM) KTP zy ta Fellowship ama hnei khei hlei khota Electric Vaih KTP zy ta Chakah baona ama taopa pa hra.
Tuipangtimes.blogspot.com - eima partner blog-site ta a rei dah ta, Tari.17.7.08, pobieh noh liana khata Tipa Electric KTP zy hruana cha hmopa ta Khipiluh Mara Evangelical Church(MEC) KTP zy za tlo eita, he za heta Fellowship Programme pha kawpa nata paloh y kawpa ama hnei.
Khipiluh KTP zy he ama Awnano hyutuhpa nata Secretary zy,VC member zy nata MTP chhithatuhpa zy ta ama vaw zi.
Tipa Electric KTP zy ta ECM,KTP Day ei-61na ama lyna liata ama nie-dona vyuta sapha nata soh ama thyu pakhypa(6qnts.) cha riethei viapazy/chakah haipazy baona chata hmah awhpa ta ama vaw pathlupa hawta Khipiluh khih cha atly eita,he ama khona he Khazohpa ta hlao patlosa ta,aly kawpata programme zy ama hnei khai tawta chutyhnoh,July 18 my pati nie khai tawta ama sie.
Tipa Electric Awhnanopa Relief Committee zy chhao ta Sapha 2qnts. baih hra eita, chata a zydua ta 8qntls (15bags) a cha. Mohropazy chata byhna ama chana he Vahnei a chhih kawpa a cha.
Source: tuipangtimes.blogspot.com
Note: Tuipangtimes.blogspot.com ta maniah a chho dah ta varopi Tuipangtimes.blogspot.com update thei leipa ta a y khaoh ta atahma he vaw update pazao lyma heih a chhuah. Tipa nata a chheipa news so lyma pa a cha.
|
Written by Guest on 2008-07-24 12:09:15
God bless Tipa Electric Vaih KTP zy... - RT | Ma tao dah a rohnah ei ta kaw
Written by Guest on 2008-07-25 01:45:05
Keima MEC KTP Secretary ko 5 chhoh vaw hria nata cha chhoh zydua liata ECM KTP ta thlapa nata sapa kyh liata hmasie awpa miah khokhei kaw tyh eita, atahma chhao he hawhta MEC Khipiluh Awnanopa nata Fellowship ama hnei khohpa chhao mohro chata byhna cha khohna thabyhpa ta baopa a chapa pangiasa kaw nata mohro chata byhna tona language ama thai hmeiseih. Ama tao phana Khazohpata byhna pie maw ei sy.
susupaw | A rohnah tlaina
Written by Guest on 2008-07-25 03:49:35
He hawta fellowship nata a baokhanazy rairu nota KTP sahlaozy ta ama taopa he a rohnah ei tah hmeiseih. Nochhi nata notla hmahta y hra ei sila border ta maniah pachhaih theivei tahna a cha. Ei ly kaw. - Apaw |
Powered by AkoComment 2.0! |
|
Last Updated ( Thursday, 24 July 2008 )
|
.jpg "Viarah liata Mara satlia amopa tlah achapa")
