|
MTP ta Political Party lia chana a pakaohpazy cholia action la |
|
|
|
Written by Maraland.net News Network
|
|
Thursday, 24 July 2008 |
SIAHA - Mara Thyutlia Py (MTP) ta luhpa chana a patupazy political party liata chana (post) a hneipazy ba sai awpa ta dah a chapa cha chakhiahpa ta a ypa Chakhei MTP cho liata action a la.
Chakhei MTP President Puhpa K. Ezekiel (Titu) cha MNF Party Unit President cha thlahna cho ta MTP President ta candidate pa a cha hlei khota atloh khao chhaota MNF Party Unit President chana a basai lei vata thlai MTP President chana tawhta a resign awpa ta MTP Hqrs. Siaha ta bie a kaw pie.
Eima correspondent ta a rei dah ta, Chakhei MTP luhpa chana he political parties affiliate a hneipazy ta thata ama chhupa hawta a reih hra. MTP Hqrs. dah liata political party liata chana a hneipazy cha eima rah liata NGO a lai chaipa MTP liata chana ama vaw hnei khaota pakaoh lei awpa ta dah a hneipa kha a cha. Chakhei MTP he a luhchaipa President hleikho ta a ryla ta chana hropa chhao political party liata chana apatuhpa ama hlu kaw tahpa pahnopa a cha hra. Chavata, action he a chatliena lata lapa a cha hra.
Chakhei he Chhaolo MTP Sub-Hqrs. chhoh liata MTP branch hry liata member ama hluh chaina member 400 hlei yna chata, MTP chhao section sapalih lata pachhaihpa chata, section sakha liata malu 100 hlei sai yna su a cha.
Chakhei MTP luhpa chapa he ama nohah y kawta ama hria awpa chhao a hlu hra, chavata a tliata tawhta thokhazy ta pahno chhei eita, political base taona hawta ama hma chhei chaipa a lyu via chai tahpa ta eima correspondent ta a reih hra.
MTP cha a chieleipazy a baotuhpa khokhei eihpa a hneileipa py a chana asia kawpa ta siekheina lapi a hria pazi lyma vata Maraland.NET chhaota ama rai hria phana he eima ly hmeiseih.
|
Lyna
Written by Guest on 2008-07-25 03:20:27
M.T.P-zy bahlia hawhta a cazei pata hmiala toh via lyma suh vy.
Eima rah thatih M.Net-ta a vaw roh tyhpa he a pha tlaina.Marah sawzy ca ta reiraohna lapi a pa hy kopta ephno. | One man-one post
Written by Guest on 2008-07-25 07:39:36
A hmiatuata Maraland.net liata thati a vaw soh typa zy hnota eima lyna dia bei vei. A pachaipata keimo marasaw zy tawta computer(or compurar?)engeeneer zy hnota chhao eima ly ngaita!
Eima comment khopa la thlai avaw ngia sala.. keimo marasaw zy pi heta la chana he khoh chai leipa sila, position hlata la commitment nata achievement he a peimawvia syulyu tahpa kha athei thla ei su. Mo hropa zyta post sakha hmata patu kho vei ei. Post sakha pa he pano zyta ama pachhai pa a cha. A hy zy ma post khapa cha pano ta a pachhai ei ? OT liata he e.g. nata figure he asia kawpata eima hmo. Mosi nata Arawna kha Izrael saw zy chhithana rai leadership post sakhapa kha ama pachhaih pa a cha. Chavata One man - one post tapa principle he kha a vao ei sihla, post kha patupa taw chhao ta khih nata rah chata rai a hria thei ka che ha leader tlah a chapa chata la...
Eima MTP Hqrs hmalana a pha ngaita. Riaphapa ta hmodopa a dua khei tuhpenaw eima MTP nopaw pa zy Abeipata ama chhah cha lyma se!
A Mara gentlaman and An advocate of 'One man-one post' principle in leadership position. | Written by Guest on 2008-07-25 19:12:52
'One man-one post' tahpa a post tuhpa na moh or nickname vaw type pa tyhla pha vei ma, achhy (reply) nota na moh so awpa a bua kaw.
- Lohliepaw | Written by Guest on 2008-08-09 03:04:50
.M.T.P Hq taw ta chakhei M.T.P cho lia ta action ama la pa cha pha kaw na, khei...khei.... mara saw hmo do na ky lia ta riapha pa ta hria ly ma sy.
dp chennai |
Powered by AkoComment 2.0! |
|
Last Updated ( Thursday, 24 July 2008 )
|
