 BANGALORE (Pachynoh) - Bangalore MSO ta magazine, a eikhana cha ta nata ko 2007-2008 cha ta apachhuahpanohpa cha hlaotloh kawpata he liata release hapa a cha. (Click here to see bigger picture)
(Photo: Laipho Magazine Cover)
He magazine he atanoh zala dawh 4pm rachhoh ta released pa cha ta, a released tuhpa cha Satlia Isaac T. Beingachha a cha.
(Photo: St. Isaac T Beingachha ta Laipho Magazine a release nopa)
Magazine moh he "Laipho" cha ta, biepipa cha ta "Apokhana nata hmasiena" a cha. Aricle Part 2 - Mara nata English - ta pachhaihpa cha ta, Mara reih ta ropa Article sa 22 cha ta, English ta ropa 12 a cha hra. Azyduata tho (page) 126 a cha.
(Photo: St. Isaac T Beingachha nata Laipho Magazine)
Achokyh he Thokho laikawpa sakha y ta, ary liata satlia zyta laihsa chareipata, bie lohhawh ama rei nopa hawhta taopa a cha. Chachah la chhahta aka via la ta Kahlano ta O nohthlahpa a y heih hra. Cha khotho liata MSO logo ta chadosapa cha ta, acho chai liata magazine moh "Laipho" ropa a cha. Ary la liata biepipa - "Apokhana nata hmasiena" tahpa ropa a cha heih hra. A cover liata nohthlahpa a y pa he, Laipho Magazine Board ta committee-na liata apathlupa a cha.
Mara rah chhoh liata Magazine apua chiehpa zy hry liata apha chaipa cha awpata Bangalore MSO zy ta tiama kawpata ama pachhuah panohpa achapa hawhta bie dao pita, pachhuah panohna liata phusa Rs.50,000 hlei tlai ama pachhapa hawhta Magazine Board Editor & Convener - Hrathao L.Peace ta Magazine release na liata bie tana liata a reih.
Chalei hra ma y:
Laipho ma he Rs.100 cha ta, a hluh via patachhao baotheipa a cha hra. He Magazine - Laipho achalei khohpa zy cha ta ary liata palasapa liata order theipa a cha aw.
Phone : 98-8610-2488 OR 98-8072-5895
E-mail : bangaloremaramagazine at yahoo.com
A chhoh liata article a ypazy a pha kaw sai, Bietahna a taotuhpazy cha Mizoram Governor Puhpa M.M Lakhera, Puhpa Laima Chozah IAS, Puhpa M. Laikaw CEM MADC zy ama hlao, article a rohtuhpa thokhazy: Dr. K. Robin, Rev. NC Vabeilua, Dr. John Hamlet Hlychho, Puhpa Zakhu Hlychho, former Minister, Gov't of Mizoram, Thasia T. Azyu, Lecturer, Saiha College, L. Beimopha IRS, Laihsa V.T Sawmveli, Ph.D candidate, Rev. Chatlai D.Min candidate, Mara literary giants Macha S. Hrachu nata Macha A. Zakia, etc, zy ama cha.
Preview the Laipho Magazine:
Article Index vaw scan pita, moh theipa a cha, Laipho Magazine Index 1 | Index 2
(Photos by D4W50N - Copyrights ©Maraland.NET)
|
Alykheina
Written by Guest on 2008-07-26 10:59:46
Bangalore MSO zy nama taopha kawna, viarah liata Marasaw ama hluh chaina cha Bangalore a cha pata ei vaw pahno, eipahno chhei vei khiah maluh 150 rachhoh ama cha pa hawhta ama reih.
He hawhta maluh hluh kawna liata reiraohna he ru kawta, a eih pachaipata viarah lia zy cha puapa awpa nata hmo tao awpa zy ta phusa leipata hmo atao thai tla leipata, chahrasala reiraohna heta hmoto ato thei tahpa za reih tyh eita, he he Bangalore Marasaw zy nama cha pata eipahno hra.
Nama magazine moh LAIPHO chhao palohlie apachhisa kaw, a chhoh liata a ypa bie zy chhao apha cheingei nata khata eipangiasa hra, rei nawpa angiahtiah vana...
Bangalore MSO chaly khei hmeiseih ei nata, he tawh chhao ta nama raihriana theilapa hmo via lyma awpata tiama vaw papua lyma teh u.
"For God and Maraland"
Khichhoh_Satlia | Written by Guest on 2008-07-26 11:14:55
Bangalore MSO ei chaly khei hmeiseih ei. Nama magazine index sano maraland.net ta a scan pazy kha vaw moh nata a chhoh liata a y pazy a pha hmi kaw sai. Rei ei byuh kaw. Thlai ei vaw order pa haw. Ei chaly kaw ei. - Marapa, USA. | Good work
Written by Guest on 2008-07-26 11:41:54
Good job done guys.congrats! . | Written by Guest on 2008-07-26 19:48:28
Nama tao pha kaw, Bangalore MSO. Ei cha lykhei kaw ei. A reihtuhpa zydua chata hmasie viana tlokhei se!
Laiu Fachhai | Alypa cha kaw.
Written by Guest on 2008-07-27 11:08:55
Bangaluru MSO na nama taopha kaw na. Marapa, su hro lata a ypa zy chata eima rah(Maraland) thlala nama cha hmeiseih. Magazine Preview nata Content zy kha vaw mo nata eipalo tla kaw. Nama hmotaopa liata nama pitlo zie ala pasia kaw.
Magazine moh "LAIPHO" a pha kaw.Biepipa "Apokhana nata hmasiena" nata chhao a hmie kaw. Laipho he Marapa zy thatih reina nata roh na zy liata eima za mopasiapa a cha khiatala Marapa chano zy ngachhina nata ama hrozie nocha liata ama za sia ty zie pahno theipa a cha. Marapa chano zy eima ta vata Chapaw na kha sia vei eima tahna chaleipa ta. Chapaw nazy chhao, asohsina ky liata zy, ngachhina ky liata zy, apokhana nata rah kypachana ky liata zy, pasaipha ama chana zy nata reiraona ama za hnei ty zie chhao 'Laipho tla' ama tahpa eima mahno nata mahpaw daitih no tawhta ama vaw hma tyhpa thatih tawhta za pahno theipa a cha.
Eima mahno nata mahpaw daitih liata cha Satlia thatlo baseipa zy khata eima rah kha vaw pabosa tyh ei ta, Laisa hrozie nocha phapa zy khata eima rah cha pawpi hawta ama papawsa tyh. Reingiana nata ngachhina hro ama za pasahsa kaw. Tahma deikua cha zakhanola hawhta cha khao leipa ta, satlia-laisa sopa zyta eima rah noha pa ysa ei ta, hro dopa nata pha viapa, eima rah abo nawpa nata tla nawpa ky zydua tahma ta Mara thyutlipa zy eima ngiatla liata pahniepa a cha haw bah.Tiamapa ta hria lyma su vy MARASAW ba lia cha-aopa ta.
BMSO nazy nama hmo taopa he hrao leipa cha tiarah leipa ta, Marapa zy apokhana la maniah chhi aw ta, hmasiena lathlo dopa la maniah a ngia khei tuhpa a cha cheingei aw tahpa he eingiapa.
Marketing lachha ngala ta eima sai khiatala he Magazine he ahlao tlona hmopa a y lei thei aw. Chasala, keima mopakha pachana nata hmona dah liata cha tahma taw tlai chhao heta ahlao atlo hmeiseih pata eipahno. Mara reih chabu pha kawpa a vaw pua heipa he ei ly hmeiseih. Marasaw zydua ta rei khai thei sihla kho a chhi kaw.
Achhana liata cha BMSO Annual Magazine "LAIPHO" he MARAPA sawzy chata 'Apokhana nata Hmasiena' maniah tlo khei tuhpa a cha cheingeih awhpa ta eikhokheina a sah chaipa ei hla.
Delhi Mara Satlia | Written by Guest on 2008-07-29 02:08:02
Nama Comment zy vaw hmo nata eina palysa kaw sai ei china,nama khahkeina ao zy he keimo Bangalore MSO ta chawmy thei ma pi.Nama comment tawh heta Encouragement tha tlaita mia pie ei chita....eima chaly hmeisei.....vawchalei cheingei hra ma y...Thanks alot........... Bangalore Mara Satlia.. | Eicha ly khei kaw ei
Written by Guest on 2008-08-03 20:44:12
MSO Bangalore, nama tao pha kaw. Eicha ly khei kaw ei. Eima Marapa Chi nata Pho khasia awpata Mara Cha publication hlupi eima papua thei abyuh. Vaw tiama via lyma te u. Khizaw kaoki Marasaw USA, Europe, Singapore, Malaysia, Australia etc...zydua lata paphao thai nawpa latloh chhao tlau pata apachhuapano thei sala kho achhi kaw aw.
Elaisa | Alykheina
Written by Guest on 2008-08-10 03:04:47
Bangalore Laipho magazine 2007-2008liata h hawta Bie nata Hla,Career Guidence cha bu phakawpa a ma vawpa pua thei pa he, ei ykhei hmeisei.Laipho magazine a rituhp zy dua hnota, sahpa nata thlapa liata a thokheina nata hmasiena latlo a cha thei nawpa ta,a rihtuhpa zydua hnota khokeina ei cha hla ei.
Z.Hrohmo | Khokheina nata hiahrina
Written by Guest on 2008-09-19 23:20:52
Magazine pha kawpa vaw papua thei ei chita alypa a cha ngasa. Chahrasala, hiahrina sakha ei cha hnei khoh ei. Nama article collection zydua he chabu Moh "Laipho" kyh reina a vaw y leipa a lyu ngasa. A chhoh biezy ei vaw rei ma leipa naita. Laipho nata he Articles titles zy he khapa azaona a y va tly?
elipaw
Yangon | Written by Guest on 2008-09-27 11:40:19
Dear Elipaw,
Na bie hiahripa he ado hmeiseihna. He Laipho magazine liana heta Laipho tahpa definition chhopasia hlei leipa eita, pahno khaipa hawhta pachapa ta ama pacha pathleipa a cha. Thyutlia hlupi ta pahno thai ngyu ve ei. Next issue liata chhopasia awpa ta eima khokheina eima hla aw.
- Maraland.net staff. |
Powered by AkoComment 2.0! |
BANGALORE (Pachynoh) - Bangalore MSO ta magazine, a eikhana cha ta nata ko 2007-2008 cha ta apachhuahpanohpa cha hlaotloh kawpata he liata release hapa a cha. (Click here to see bigger picture)
(Photo: Laipho Magazine Cover)
.jpg "Viarah liata Mara satlia amopa tlah achapa")
