|
Written by Admin
|
|
Wednesday, 30 July 2008 |
He ary liata poem he admin ta internet angiana (angiena) tahpa a phipa a cha. Vaw reih hra tua u.
Internet A Ngiana
By Admin
Na sahmia hnazo hmo awpa y leipa,
Hmia pahno lei, zaw pahno leipa y;
Eima computer tawhta eima vaw pazao,
Networked generation lia maniah soh chi
Nâma hmapa ta chyhsa hlupi rai zy
Pacha beih lei a chhôza pa hriasana
Thyutlia hlupi luhpa hiana na' athoh-na
Achapyh thlah lei dei tao n'awpa y va
Laila hlupi khizaw sohpiah hneirohna
Click kha no lia hmiala toh syulyu ei
Cha hmo na tao thei bao chala paw internet
Chhazaw cha my beih khao aw ma pi nâ moh
Thyudyu hlupi chat lia paloh pachhasa
Kaola hnei lei viavi rah thieh pahy
Awh hawh a viavi tyhpazy paloh tlahna
Lohlie rah nâ pahypa â kawh rima cha!
Thlahpa nodi dahphi tha'pha thei lei'zy
Thatihpha khaina nâ pahypa he
Thina tawhta chhazaw hrona lâ ngaikhei chi
Chhaheih lia pheingia ama cha tah ngyu thei
Chamaih chamaih thokha ta cha tah tyh ei
Lohnah lohnah tahpazy alyu v'ei
'Ma cha hao chakhoh 'ma nâ laluah via lyma
Nâ bie hneina pahno thai a ru bao cha!
Lokhyh laila ei siesai daihti lia chhao
Thlai ama thatih, zikyu na chho chi
Viasa phapa ei cha tah 'ma ei hmia haopa
Nâ yzie rai pahno thai a ru kaw dia.
Viasa rihchah thokha nama va hmiahao
Thokha hmia pahnoleizy viasa tao heih tlo chi
Chhana rai hnei khao ngyu aw va chi khizaw lia
'Ma khizaw saina na thla haw he paw net.
Phina su: Washington D.C, Daihti: Khihpa (July) 27, 2008. Hla chah tota tlahkhana he syllable a ypa cha 11 chata, tlahnona 10, tlahthona 12, tlahpalina 11. Grammar vaw pado via ei chhuah aw.
|
Written by Guest on 2008-07-30 06:52:58
English ta word na sopazy khi Mara reih la sona dah a y thai va tly ma? Seih hrasala a ngia kaw pata ei pahno.
- Pawkhai |
Powered by AkoComment 2.0! |
|
Last Updated ( Wednesday, 30 July 2008 )
|
