Maraland.NET - MADC lia 'the First Woman Deputy Chairperson' eima hnei

You are here: Home

News

MADC lia 'the First Woman Deputy Chairperson' eima hnei

Written by Maraland.NET News Network

Saturday, 02 August 2008

SIAHA - Mara Autonomous District Council (MADC) nohthoh chhoh Monsoon session cha Khihpa (July) 29, 2008 pa khata pachha hapa chata, he liana heta Mizo National Front (MNF) Member of District Council (MDC) Pihno M. Naphie, Tipa-II constituency tawhtapa cha Deputy Chairperson chata a tly patlohpa a cha.

Dy. Chairman parohpa Puhpa K. Chhuabei, Congress MDC cha ruling party ta no-confidence move thluta pathla hapa kha a cha.

Pihno N. Naphie, 'Mama No' tahpa ta aw tyhpa chata ano he Mara chano nata nozy hry liata elected MDC a cha tuachaipa cha ta, Mizoram state chhoh liata autonomous district council sathohpa Lai, Chakma nata Mara eima hneipazy hry liata Dy. Chairperson a cha tuachaipa chhao a cha hra.

Mama No he no siakawpa chata, a sawnazy chhao ama pitloh kaw sai. Atahma he ama sawchapaw pakha Dr. K. Beiparylai (Sangpuia) chhao eima vaw palasa chiehpa hawta M.D dawhty specialist Mahatma Gandhi Institute of Medical Sciences(MGIMS), Mumbai liata MBBS (dawhty) Guwahati tawhta a patlo tawhta a chu nga heihpa a cha. Mara dawhty tawhta Post Graduate atao tuachaipa a cha pata eima pahno. Sawzy hlaotlohna ama lymapazy he nozy siana vata a cha tah lei thei ma pi. Mama Paw Puhpa K. Sachho chhao Engineer officer eima hneipazy hry liata pakha chata, mawrah khihpipa liata a y laih lyma tyh hra. A-ipa ta khih ama sana su cha College Vaih, Siaha a cha.

Mama No he Tipa -II MDC constituency Tipa Beivai, Electric Vaih Tipa a pahlypa tawhta a tlypatlohpa a cha.

He hawta Mara nozy chhao politics liata nata rah chhihthana liata maophyuna ama to lyma hrapa he eima palaikhei kaw.

Update note: Shillong la tawhta Satlia K. Davies tawhta correction maniah avaw taopa eima ly kaw. Mama he Sangpuia hlata uhthei viata Mama No, Mama paw ama tah tyh tlai, a chahta Sangpui no, Sangpui paw tahpa chhao hma tyh hrapa a cha tahpa eima staff pakha ta maniah a chho pakhua. Eima ly kaw.

Comments

MDC moh hi ado ma?
Written by Guest on 2008-08-02 08:59:13

Puhpa N. Chhuabei he MDC achapa pahno ngaivana. Ei pahnopa deikua Laki Biatuhpa Pupa K. Chhuabei acha. Puhpa K. Sachho nata Pihno N. Naphie chhao 'Mama No', 'Mama paw' tahpata eipa hno hra. Mistake a y khiama i?
-K. Davies, Shillong.

Alyna
Written by admin on 2008-08-02 10:39:14

Hi Davies, mistake tlai a vaw cha. Eima staff pakha ta a vaw post pa kha ado khai leina maniah vaw chho chita eima chaly hmeiseih. Pado hapa a cha. Eima chaly kaw.
- Admin

Written by Guest on 2008-08-04 04:30:25

He hawta Mistake pa he areipa chhiena chalei pasala,hehawta asia kaw pata achho pasai lyma ei sila tapa he kho a chhi hmeisei.Stp.Davies natao phakaw.....Bangalore Mara Satlia

Gender Equality
Written by Guest on 2008-08-05 18:41:16

Eima rah liata cha kheihhawhpa kao liata ma cha gender equality (chano nata chapaw akhopa ta yna/hriana) y thei mah leipa ta, MADC liata chhao he elected member 21 hry liata chano cha pakha ngala a cha chy. Chavata he Mama no ta Deputy Chairperson a kaw patupa he aly a chhih hmeihseih. Mama Paw nata No he viasa ei tah thei awpa cha ei ta, chyhsa sia kawpa ama cha tlai. Mama no heta MADC liana he pachana thiehpa nata approach thiehpazy, chano (women/female) perspective, feeling, nata aspiration zy tawhta maniah vaw tlokheipa thei sa la alypa a cha ngaita kaw aw.

Chance/voice deikua chapaw MDCzy ta ama pahneisa khoh aw va tlyma?

Laiu Fachhai

Written by Guest on 2008-08-05 18:39:17

Rev. Dr. Laiu Fachhai reipa he ado hmeiseih. Mama No he cha a duasu achuta, a vahpazy duasu phapa liata y ta, backup tuhpa phapa a hnei vata a hlao atlohpa eima tah thei awpa a cha thei, chahlei khota ano rai rai he biedopa a pahnopa lia cha chyhsa hmiamohleipa chi chata a duana bia kha phie a suh vata atlohpa a chapa ta ei pahno hra. He tawhta MDC a kaw cha thei heih awpa he ama sohpa kaw.. Chano Pastor ordain awpa chhao he a chano (no) nawh tlai khata khoh hra vei ei ama tah tyh. Cha hawta, leadership position patu awpa chhao he chano hlupi cha atlohleipa nata ahmieleipa hawta a pachapa ama y hra, he hawta pachana he khizaw politics la liata cha basai chi a cha, awhnanopa la cha ado thlah thei ta, sasapa la cha chapaw ama tao theipa eima tao thei khai hrana tahpa paloh he Mara chanozy ta phaoh bahra ei sala tahpa ei khokhei kaw ei.
- Khydi