|
Shillong MSO Sub-Hqrs Leaders thiehpazy |
|
|
|
Written by Maraland.NET News Network
|
|
Sunday, 03 August 2008 |
SHILLONG - Mara Students' Organisation(MSO) a vawdua tuana nata atanoh taihta eima rah khothola ta MSO tha atlo chaina nata a lai chaina Sub-Headquarters acha phapa Shillong MSO ta Ko 2008-2009 lihkawh chata luhpa thiehpazy atlyna cha July 19, 2008 pa khata Mizo Modern H/S School, Nongrim Hills. Shillong liata hlaotloh kawpa ta ama hnei haw.
He General Election hnei noh he Satlia Vabeirona Hlychho, President 2007-'08 Chairman nata Rev. Dr. Laiu Fachhai (Vanoh Paw) Returning officer- zy ta pahnie kaw pata ama chhihtha. Ary liata palasa pazy he atlohpazy ama cha:
OFFICE BEARERS:
President : Stp. K. Davies, MBA.
Vice President : Stp. C. Lalthansiama, BA
General Secretary : Stp. HC. Malsawmthanga, MSc
Asst. General Secy. : Stp. Aldrin Laihlei Hlychho, BA
SECRETARY INCHARGE
Finance : Stp. J. Beichhithalai
Treasurer : Ls. C. Lalnghakliani
Literature : Stp. Delson Notlia
Info & Publicity : Stp. Beilua Hnaihly
Games & Sport : Stp. Chawhmo B. Syhly
Culture, Songs & Drama : Stp. H. Chatlua
Property : Stp. C. Lalremsiama
Amozy khi atly patlohpa ama cha. Shillong MSO Sub-Hqrs. leaders thiehpazy thatlo kawpa nata patla kawpa ta ama sie awpa ta eima khokheina eima hla.
Note: He article he marasaw.com (source) liata July 21 pa khata published tuapa a cha. A bie deikua eima panano haw.
|
Written by Guest on 2008-08-03 04:44:53
a bie ma apha vei ma? panano cheingei ma abyuh haw? | Written by Guest on 2008-08-03 05:17:49
Comment tuachaipa la ta achhyna, A bie (wording) a nanona cha Marasaw.com link kha click la na hmo aw. MSO Shillong atlypatlohpazy cha ama moh cha anano hleivei chasala news tao dah kha a nanopa a cha. A bie apha nata phalei chhao cha hlei vei. Circular alyu kaw vata news hawhta tlao sopa a cha - Staff | All the best
Written by Guest on 2008-08-03 05:19:25
Shillong MSO chhituhpazy ama fit hmi kaw sai. All the best. - Pawhnai | Written by Guest on 2008-08-04 04:23:49
Shillong MSO,ti nata rachata tiama papua pata hmiala to achhua lyma sy.Abeipa khazopa apahnie na chota sy...All da best 4 ur future.....Bangalore Mara satlia. | "Freshers' Social 2008-09" ?
Written by Guest on 2008-08-04 12:24:47
"Freshers' Social 2008-09" khati ta nama hnei aw? Ahyma 'Chief Quest,Quest Of Honour?' Artist na ahyzymaw? eima pahno byuh kaw. Chhie noh nata Pha noh liata ama moh hoh na dah zy chhao, plis... Shillong eiva tu ha!
MSO President nata OBnazy kha ei cha moh khah thla ha ei. Mara rah he nama ku liata apahnie, 'For God and Maraland' my khu vy!
- Acia | President 3rd Term!
Written by Guest on 2008-08-04 12:42:04
St. K. Davies, MBA. MSO Sub Hqrs Shillong President 2008-09. Term 3 vaw patu tua chaipa nacha tapa vaw pahno nata nacho liata lyna bie ei rei hmeisei. Awnano Macha-Satlia- President eima hnei tua chaipa chhao acha khia maw?
Z... Ireland | Shillong Marasaw tlaparei mu vy.
Written by Guest on 2008-08-05 03:53:04
Shillong MSO Sub-Hqrs chhituhpa(i.e.2008-2009) zy ti nata rah chata ngachhipa nata a do kawpa ta raih nama hria lyma awhpa ta ei khokheina eicha hla ei.
Shillong MSO he eima rah(Maraland) khotho lata Marasaw achuhaipa ama hlu chaina suh chata, Mara Church aduana suh chhao a cha. Ei palai khei hmeiseih ei Shillong Marasaw zy. Ko 1956 pa liata Marasaw achyta zyta Mara Students` Organisation ama vaw paduana suh chhao a cha.
June thlapa, 2008 liana khata NEHU liata hmo taopa ei hnei vata, Shillong lia hata eikha daihma cha na ta. Khazohpano apakhyna lia a za hlao hra nata, apakhyna ama chhitha zie nata ama tyu-dua zie ei mo cheingeih ta za hmo ha ei na ta a ronah eita hmeiseih. Khichhaipa rah liata khazie manoh Abeipa achhy awhpata ama vaw pua thei hlapa a ronah tuh haw. Achhyna o hmia ei za tlo pataw nata Shillong liata Awnano Hyutuhpa Puhpa P.T. Hlychho ta alykawna chota chibai abuna na hnei ta, khano kha tahma taihta my thei vana. Puhpa P.T. Hlychho he "Maraland: Yesterday and Today" English Version, Author kha a cha. Eipaloruhpa liata ei vaw pasahsa kaw tyhpa chata, khano ta ano popa cheingei ta avyta chibai eina vaw bupa kha ei mothlawpa liata ala ngathla ha tyh. Marasaw zy ky a vaw pacha zie nata a eih viapa ta Shillong Marasaw zy a vaw chaku-chavie thai zie ei hmopa kha ronah eita hmeiseih.
Pihno Sylvia Solo chhao khano kha hmo hra nata ei ly hmeiseih. Mara chano hry liata ei vaw palai khei kaw tyhpa nata pasahsa kaw tyhpa a cha hra. Ano,Pihno Sylvia Solo ta apakhyna kha maniah chhitha ta, a vaw tlai-tla hmeiseih. Shillonga liata a yna chhapa deikua kha hiahri nga khao leipa nata pei eita kaw.Chasala, aly kawpa ta Chibai ei bu hma hapa vata deikua ei ly kaw.
Shillong Marasaw zy vaw tiama lyma mu vy. Marasaw, thyutlia thyudyupazy sai ta khazie tlaima ta nama yna suh chata, Marasaw zy eima rah khotho lata ypa zy hryta eima cha palai khei chaipa nata mopata chaipa nama cha. Marasaw tiama papua su vy eima hmo taona mai liata.
"Abeipa nata Mara rah chata cha lyma se"
Delhi Mara Satlia | Written by Guest on 2008-08-05 04:04:25
Delhi Mara Satlia, na reipa he ado kaw. Shillong Marasawzy byhna ama to hmeihseih. Reisa ta, ama MSO President zy chhao he Marasaw hry liata MBA a patlo tua chaipa a cha ngyu aw. Satlia ta ta Awhnanopa Macha eima hneihluhtua chaina su chhao Shillong he a cha hra. Puhpa P.T Hlychho cha English-Mara Dictionary chhao kha a tao hra, Marasaw thyutliazy hmachaipa a cha. Atako tawhta Rev. Dr. Laiu Fachhai chhao vaw ypa heihta aly a chhih kaw. Shillong Mara Church chhao tha atlo lyma nata kha ei loh.
Eima rah liata nopawpa eima hneipazy hluvia cha Shillong tawhta a puapa ama cha. Chavata, atanoh taihta Shillong he eima mopata chaipa a cha ngathlah ha, Shillong MSO tiama lyma sy.
- Viarah Satlia | mo 11 liata pakha(1)
Written by Guest on 2008-08-05 08:11:23
Shillong MSO election result eima mo ti ta, Mara chano sikul hawhti shillong liata a ypazy he luhpa padua tlah ama y khaoleipa vata cha ei awta, Gender bias kawpa hawhta result a chapa he a ly a chhih thei vei. Mara chano sikul hawtizy vaw tliama teh-u. Chapaw 10 liata chano 1 deita la nama chyhtu chy he zaw.
Rev. Zodau | Written by Guest on 2008-08-05 09:46:13
Rev. Zodau reipa he pachana sakha a cha tlai he zaw. Post khi mopa ta Laihsa nazy post patu awpa ahmiepa ta eima pacha chaipa cha Secy i/c Finance nata Treasurer zy he cha ta, Finance liata satlia tloh hata chavata Treasurer post ngala tla ama tloh bapa alyu. Keima hmo dah a cha. Post hropazy he khatita ma to hra ei sala ahmie eima tah va tly i!!
- Viarah Satlia | falton
Written by Guest on 2008-09-12 08:49:56
keep it up |
Powered by AkoComment 2.0!
|
|
Last Updated ( Sunday, 03 August 2008 )
|
News 
.jpg "Viarah liata Mara satlia amopa tlah achapa")
