|
"Patlahtuhpa Zisu" theme hmapa ta Praise & Worship Service hmah hai |
|
|
|
Written by Maraland.NET News Network
|
|
Tuesday, 05 August 2008 |
N.COLONY, SIAHA (Hriaheinoh) - Maraland Gospel Outreach Ministry zyta "Patlatuhpa Zisu" tahpa biepipa hma pata Praise and Worship Service zahnia za tawh khata ama hma pathao.
He Praise and Worship service he tari noh 4 tawhta noh 8 taihta ahma awpa a cha. Adaihti deikua 7:30pm tawhta a cha. Ahmana su he Puhpa K.Paichho(L) O, New Colony vaih liata a cha.
Hlapy, Zawpi hlasana etc lihkawh liazyta bible reina nata bible reipakawhna zyta daihti ahmapa chata, bie reihtuhpa(speaker/preacher) deikua raohlana y hlei leipata, rao chhyhpa achapa hawhta Maraland Gospel Outreach Ministry member pakha ta Maraland.NET achho.
He Praise and Worship Service he TV ta broadcast pa cha ta, New Skylink(Cable TV Network) ta Siaha khichhoh New Skylink subscriber zy cha ta O tawhta Live ta mo thei awpata a patohpatia hra.
Maraland Gospel Outreach Ministry he ko 1995 khata avaw duah hapa a cha. Atahma ta music director acha ngahaipa cha F.C Minela, college vaihpa a cha. He Ministry he Marasaw zy chata thlahpa nata sapa liata hmasiena maniah apatlosa tuhpa sakha acha hmeiseih pata eima pahno.
|
Khazohpa chhaichhi hmeiseihpa ama cha.
Written by Guest on 2008-08-05 07:58:38
Maraland Outreach Choir tawhta Maraland Gospel Outreach Ministry tahpa lata ama lie hawhpa hawhta Abeipata he chakaona py he byhna a pie hmeiseih. Nochhi mara thyutliazy Khazohpa hlasa khohna nata thatihpha khohna atlia viapa liata chi a pabupa py tah sala rei chhei aw vana. 2005 March liata MEC KTP Joint Confrence, Lelai liata hla nata bie, yzi zy ta Mara thyutliazy a vaw pahrapa nata a vaw pahaopa nata amopa tlah a vaw chapa ama cha. Atako chhao KTP JC Aru liata ei 2-na MEC lata ama chakao heihpata pahnopa a cha. He phupy he eima rah liata eima peimawh chaipa nata keima rah chakaona chata ahmie chaipa a cha. Chyhsa pakha ta reih ta, hlasa nathliepa he zawpi ta eima raoh chaipa a cha a tahpa hawhta hla nata pahrana he hmo a tao thei hmei seih. Zisu Krista he eima rah a patlahtuh hmeiseihpata a phuahluah thei nawpata Maraland Gospel Outreach Ministry hw thlachha a thei su vy.
Rev. Zodau | Written by Guest on 2008-08-05 09:57:15
He hawhta chakaona TV liata Live taihta eima reih tlaita Siaha khihpi liata ama hnei pathao lymapa he a rohna hmeiseih. Thyutliazy thlahpa la ta tha apathyusatuhpa peimawh kawpa a cha hmeiseih. Maraland Gospel Outreach Ministry ama chakaona to liata Khazohpata byhna pie lyma mawh sy.
- Chatlai | Eipa cha dah
Written by Guest on 2008-08-07 00:10:21
Ama chakaona he arohna kaw. anodeikuala he he a cha. Za dawh 12:00 pa taita ama hmah tyhpa hela pha ah vei. akiapa rachho liata a chu haipa zy chata rairuna acha. Polution Control lama eima kho aw tly ama ta ngakaw. Za dawh 9 pa taih zy he tla ahma eisala apha kaw aw. anodeikua, heta ama tah hei aw, "ATHLAPA RAIHRIA CHA TA"
-X-ray |
Powered by AkoComment 2.0! |
|
Last Updated ( Tuesday, 05 August 2008 )
|
