Maraland.NET - MSO President Hmopha taona vata Marasaw moh a la aw ma ?

You are here: Home

News

Latest News

MSO President Hmopha taona vata Marasaw moh a la aw ma ?

Written by Bangalore Correspondent

Tuesday, 05 August 2008

BANGALORE (Hriaheihnoh) - MSO President, Bangalore branch cha July noh 30 khata Bangalore puasaipata eima rah la sie awpata Guwahati a pangai. Bihar liata vaduana atyhpa zy abuakhei vata a chhuahna hawhta hmo sie khao vei.

Satlia L. Amie, Zyhno cha MSO President, Bangalore branch 2007-2008 vaw cha pata, MA (English), Bangalore University tawhta patlo pata Bangalore Marasaw zydua nata ahrialahpa unawh khohngaitapa zy cha sie sai pata eima rah la pangaipata a sie.

Ary liatapa he Satlia L.Amie nohthlahpa a cha:

Lytaih khihpa Mapuia cha ama siena train alyupa liata asie hrapa cha ta, Bihar state rachhoh liata Train chhoh tawhta azaw pathlahpa hawhta viawh nawh ta report-na pie eita, cha cha MSO President hnohta ama chhopa cha dawhkha nata
khophie tlai asie khaoh tawhta cha ta, KM varopi ama sie/ra khaota a cha. Bangalore-Guwahati Express heta station sano satho dei Bihar state lia heta a chapiapa a cha, chazy cha Barsoi Jn (Bihar), Dalkolha(Bihar now WB), Kishanganj (Bihar) zy a cha.

He hawhpa hmo he eikha atyhna a cha tarawpata papeimawhsa kawta, mohropa abuaba khei awpa ama y lei vata ano cha tiama papua pata Bihar state la pangai awpata train hropa la pata alie lilawpa a cha.

Lytaih nata Aizawl, Kolkota, Bangalore etc zy phone laih lyma pata Mapuia atluapa a cha. He phone ahma nona heta, MSO moh he a rei laih lymapa hawhta Satlia Amie ta Maraland.NET a chho. Police la zy chhao anota report-na pie laih lyma ta, thata amo/aziana nata ti chhao do awpa nata chalei awpa a y leina Train Junction lia zyta arie laihpa a cha. Nohthoh chhoh tlai buaba kheipata, Mapuia thatih cha Police zy tawhta thatih a y tla lei va ta, Guwahati lata asie haw. August 2nd week rachhoh ta Siaha atlo thei awpa hawhta pachapa a cha ba.

MSP President heta "Laipho" MSO Magazine, Bangalore branch ta apapuapa cha eima rah lata zua awpata aphaopa a cha taraw. Chahlei khota, MA result chhao apuana rei hata, eima rah la chhao sie patoh a khoh kaw tarawna chota Bangalore MSO luhviapa zyta ama hawna hawhta Laipho Magazine released khaohta siepata, Magazine chhao anota phaopa awpata noh hluhpi Bangalore liata a vaw ha hapa a cha.

Eima rah atlo patoh khoh kawna chota achhana liata Bangalore tawhta asiepa hawhta pachapa achana liata he hawhta asiena lapi lia zyta noh 3 tlai akaw tah heihpa he mopakha pachadah ta cha hiehah chhao a chhih kaw. Anodeikua
MSO moh apaphasa tuhpa nata eima rah, Mara rah moh apaphasa tuhpa pakha achana lachhah ta eima zamo nata deikua a rohnah tah hmeiseih pita, chavata Maraland.NET liata he thatih he eima vaw rohpa a cha.

Mapuia vaduana chochah lia chhaota, asietano, Linda he Bangalore liata yta, Bangalore Mizo Association nata Bangalore Mizo Christian Fellowship zyta papeimawhsa leikha eita, ahy hmahta avaw tlypa y hra vei ei. Bangalore MSO pylyta zano tlai khih ama padeikheipa a cha. Linda no he Vyhtu chi, Marapa chata, apaw deikua Lai chyhsa a cha.

Marasaw zydua hmopha taona kyh liata moh ala via lyma awpa he a chhuah eisila, hmoto eima taopa chhao "For God and Maraland" tahpa he my leipata mothlih pathlana chota eima rah chata tiama via lyma suh vy.

Comments

Bravo, Amie
Written by Guest on 2008-08-05 21:22:41

Amie, na pasaipha ngasa. Ei cha palai khei kaw.

He Mapuia chochah liata hiahrina deikua ei hnei khoh. A thi haw tlaipa a cha aw ma? Viah nawh reipa he a do tlai aw ma? He Mapuia he palohrupa buana a hneipa a cha aw ma? Bangalore tawhta ama kaw sie no ta, hmaokhata ama kaw sie khoh ma? Amie nah heta compartment sakha chhoh liata a kiah khohpa ama cha ma?

Sorry, it seems there are more questions than answers.

Laiu Fachhai

emon_mara
Written by Guest on 2008-08-05 23:14:22

a thi nta thi lei cha thati siapa sakha hmata y ma vei chasala tarain tawta a tla na tapa deikua Bihar pa tawta thatai daopa acha,atla no cha marasaw ahy hmata ahmo pa y tla vei ei..L.Amie nata lytai paw Mapuia he train sakha liata a sie khopa cha eita chasala compartment a na no pa liata y pa ama cha..cha hawta paloru buana ahnei nata pangiasa achhi vei.

emon_mara
Written by Guest on 2008-08-05 23:16:07

L.Amie na hmo tao pha na he ABEIPA pata MARA pasaw nata NA cho liata BYHNA vaw pa tlo sa maw sy...

Bravo, L. Amie
Written by Guest on 2008-08-06 07:16:52

Bangalore MSO President, Stp. L. Amie, Marapazy hmia maniah napakaisa hmeiseih na. Eichapalai khei kaw. Na hmopha taona he Marapa sawzy chata mo angia kawpa, mohphana nata zachhina acheichalo tuhpa na cha.

L. Amie, mophana zy, palyuhpalina zy atotlapa na cha. Na hmopha taona he Abeipa ta byhna cha pie awhta, Marapazy palo liata thi thei bei awh vei. Eicha palai khei hmeiseih.

"Abeipa nata Mara rah chata cha lyma se"

Delhi Mara Satlia

Written by Guest on 2008-08-07 08:05:17

Satlia L.Amie napasaipha hmiesei,Taitasena thati ama rei typa na ei cha palyusa,, he hawta mara pa saw a veiseipa na vaw y pa he aly hmeisei nata ei chapasasa kaw hra...Nahmo taophana zy dua va heta Mara pasaw zy hmi mia pakai chita mia na chei chalo hmeisei.Abeipa khazo pata byhna hlupi chapie mawsy..Bangalore Mara Satlia

ei cha palai khei ngasa st amie
Written by Guest on 2008-08-08 01:29:53

nama vata mara sawzy ei ma mo phata.. nama pakha vata... marasaw zydua mo phana ei ma to

indescribeable deed!!!
Written by Guest on 2008-08-09 02:00:11

Satlia L. Amie na hmo taophana liata ei cha palaikhei hmeisei, Mara kyhpachana chota na tao tahpa ei pahnopasia kaw. Abeipa ta hmopah tao lyma awhpa ta chahma sala tiamana nata thatlona phapa chapie lyma maw sy.

Emn...

Written by Guest on 2008-08-10 04:35:28

Satlia Amie mara hrozie hmeisei pa na vaw phao thlai na .nahmo tao pha na vata Abeipa ta nama nata mara saw cho lia ta by
hna mia pie maw sy.
chennai mara satlia,
Daopaw