Maraland.NET - Lytaih Satlia Ri West Bengal Liata Hmo Pa A Cha

You are here: Home

News

Latest News

Lytaih Satlia Ri West Bengal Liata Hmo Pa A Cha

Written by Maraland.NET News Network

Wednesday, 06 August 2008

AIZAWL - Lalhlimpuia Ramlawt (Mapuia), Lytaih khihpa ri cha, zahnia za 3pm khata West Bengal state liata khih sakha Dalkolha ama tahpa tawhta Guwahati la pangaina, Km 1 ahlapa liata hmo hapa cha ta, athina chhapa deikua pahno theipa cha mah vei.

Mapuia

(Acho liatapa he Mapuia nohthlahpa, Picture Source: Misual.com)

Mapuia chhohkha zyta Aizawl tawhta Maraland.NET phone liata ama chho dah ta zahnia zala dawh 3pm rachhoh ta ari cha hmo hapa cha ta, abua khei awpa ama y lei va ta Satlia L.Amie cha Guwahati tawhta alie pakhua pata buaba khei awpata ama haw. Satlia Amie he atahmapa chhaota Guwahati tawhta ari tlua awpata alie pakhuana a eithohna a cha.

Atanoh zala 4:55pm rachhoh ta postmortem pa cha ta, ataza zala heta, Satlia Amie ta ari buaba kheipata Guwahati la apangai khei awpa hawhta phone eima dao.

Pihno Suitei (V.T Suimawii), Mapuia No ta Marasaw, Mapuia vadua atyhna kyh liata avaw buaba khei tuhpa zydua hnota alyna bie telephone liata reihta. Alynabiereina tlahpipa ary liata palasapa a cha.

"MSO nata Marasaw zydua, vaduana eima tyhna kyh liata thata maniah bua khei ei chita, nama cho liata alyna bie reih tiah lei eima bah hmeiseih. A eih pachaipata Bangalore MSO zy cho liata alyna bie reih pita, Linda(Mapuia nawhta) chhao vaw dao kaw eichita, khih zy nama vaw padei kheipa va ta eima ly hmeiseihpa a cha. Nama MSO President Paw Amie chhao acho liata alyna bie reih tiah mapi, Guwahati nata West Bengal lihkawh saita ei thoh tlai alie achhu hata, ahmia chhao hmahta kha mapi. Khazohpa ta nama hmotao phana zydua my leipa awta, byhna thata chapie mawh ei se."

"Telephone liazy chhao ta, Hyderabad, Delhi, Chennai, Bangalore, Pune etc zy tawhta hnangahna bie maniah chho lyma ei chita, Krista liata uhnawhpa nama cha hlei khota Keima Marapa eichana la tawhta sietano/unawh ahneipa hawhta apacha nata, eithlah aloh hmeihseihpa a cha. Linda cha ta chhao a eihpachaipata alyna bie eicha reih hmeiseih ei."

Mapuia ri he ataza zala ta Guwhati la ta sie khei awpa a cha. Aizawl liata ano nata chhokha hropa zy ta ama vaw ha thlahpa a cha. Mapuia paw cha apaha hapa hawhta bie eima dao.

Mapuia he Bangalore tawhta a viasa thokhazy nata eima rah la sie eita, eima vaw palasa chiehpa hawta Bangalore MSO President Satlia L. Amie zy chhao ta train sakha liata sie khoh eita, ama tyuna deikua compartment sakha liata chahleileipa hawta eima pahno.

Bihar-West Bengal rah-ri (border) rahchhoh ama tlo nota train he state sano liata angia pua pakhua tah ta state sano a chahri laih tahna a cha, he su ama tlo no he ta Mapuia he train tawhta a chati pama a y eima, ano khota azaw pathlapa ma a cha tahpa atahma taihta pahno theipa chavei.

Dawhkawh kha tlaita ama sie sai khaota atyuna la a tyu khaolei vata ama vaw mo cha a y khaolei vata Satlia Amie zy heta nohthoh chhoh ama charopa kha a cha.

Linda, a sietano Banglaore liata beautician a cha haipa ta a rei dah ta cha, ano he paloh akituleipa hawta reihta, Bangalore lia chhao y parei vei, Theology (Bible) achu awpa ta azu ta chasala achu khaoleipa ta a palie lilaw heihpa ta a reih.

Mapuia cha Chutyhnoh ta alei hapa kha chata, Hriaheihnoh ta ari he ama hmopa a cha. Aizawl he myla Pohbiehnoh August 7 khita ari atlo awpa ta bie daopa a cha.

Mapuia he sawchapaw pakha deipa, ama dao kawpa a cha. A Paw he Lai (Pawi) Lytaih khihpa cha eita, a No deikua Vytu (Vawngtu) chi Mara a cha. Sietano pa 3 hneipata pakha cha dyh cha hata, Linda he aseihnei chaipa a cha.

Bangalore liata ama y rei mahleipa vata Bangalore Mizo Christian Fellowship, Bangalore Mizo Association, etc liazy ta a moh he pangia mahleipa chata, he hawta vaduana ama vaw tyhpa he internet tawhta chhao thata palasapa a chapa chhao ta a hy hmahta Linda he Khazohnoh taih chhao khata a vaw tlypa y leipa eita, Marasaw uhtheipazy ta cha no-ah ama tahpa kawpa a cha. Ama ngia chhao achhie hmeiseih. Khih apadei khei theipa chhao keimo la saw ngalah cha eita, Linda saihei a chhih hmeiseih tahpa ta Maraland.net ama chho.

Eima pahno dahta Bangalore lia he Maw py liata moh apangia leipa cha mohoh lei awpa a cha aw tahpa ta eima vaw thei dah cha ta (ado nata dovei pahno pasia mapi maraland.net ta), anodeikua a vaw tlo thiehpazy chata cha apangia hma n'awpa y leipa ta chhiechai nohzy cha machhie asapazy hnapanga vei chah awpa he kho a chhih kawpa a cha. Chasala, ama vaw tao khei thei mahleinapa cha achhapa hropa chhao a y thei hra aw. Maochhie chakhyh thaipa cha hlei vei ei. Mara saw Lai saw ama cha vata cha hlei leitheita, pahno thai mah mapi. Daihti ta tlao maniah a chho awpa hawta pacha sila a pha chai.

Maraland.net ta a siesai hapa chhokhazy eima taokhei hmeiseih. Marasaw suto liata aypa nata he news avaw reihpa zyduapita, vadua atyhpa zy chhokha cha ta eima thlahchhana liata athei su vy.

Comments

May His Soul Rest in Peace
Written by Khichhoh_Satlia on 2008-08-06 06:45:20

Linda he apikheipa ao angia kawta, anai kaw hra. Areisi kawpa ao he phaohta, areisi kawpa chano chhao a cha hra ngyu aw.

Vaduana ama tyhna kyh liata phone liata bie areipa cha a ao he angia tu hata, chavah(stream/river)kiahpah liata pavaw sakha deita a sah ngapa, pangatuh ahnei leipa he a lyu.

Eima chataokhei hmeiseihna tah dei leipata taotheina hropa y vei. Khazohpata Linda nata achhohkhazy byhna pie mawh se.

Khichhoh_Satlia

Tao kheina
Written by Guest on 2008-08-06 07:02:56

Pihno Suitei (V.T Suimawii), Mapuia No nata Mapuia(L) unawhpa zy nata chhohkha hropa zy Mapuia vadua atyhna chochah liata Abeipa ta ava thlalohna cha pie maw ei sy. Marasaw zy pita palo hmeiseih ta eima cha tao khei hmeiseih. Eima thlachhana liata chhao kha eima cha thei lyma.

Delhi Mara Satlia

Tao kheina
Written by Guest on 2008-08-06 08:09:27

He hawhta Mapuia no nata asietanozy liata Khazohpata athiehna vadua chaina tlu ta thlalohna byhna nata Khazohpa tovyu hropa pavaosa maw ei sy.Kei chhao he hawhta ta asiano leipa thina kyh vata aly thei vana. Anodeikua Khazohpata pahno chai awta, phu alatuhpa cha Khazohpa tlao a cha.

susupaw

Written by Guest on 2008-08-06 08:31:17

Saihei achhih hmeihseih. Chapaw pakhadei chapa heihta... Abeipa Khazohpa ta yrypazy thlah kha vaw paloh maw sy. Amen.

- Chatlai

President nata Memberzy Mopahtlah
Written by Guest on 2008-08-06 10:28:02

President,MSO Branch Bangalore mopahtlah na cha kaw. Bangalore MSO members chhienoh nata pha noh liata nama tiama kaw tapa vawpa hno nata nama cho liata lyna bie ei reih. Py(Lai)na chah ta 'Byhna' chapa he a ronah ta hmeisei nata, pho hro zy cho liata chhao cha thei lyma ei sila tapa he eikho hmeisei. St Amie nacho liata alyna bie ei rei hmeiseih. Mopahtlah nama cha, Marasawzy hmia nama pakai via hei na!

-President, MSO Sub Hqrs Shillong.

emon_mara
Written by Guest on 2008-08-06 10:50:00

ABEIPA va thla lona linda nata achhokha zy hnota patlo sa maw sy...thla chha kha bao chyu ei suh vy

Written by Guest on 2008-08-07 07:46:20

Satlia L.Amie,thati eima daopa hawta,Mapuia ri natluana pa su nata rah liata nie awpa nata ti do awpa chhao y vei tapa ta vawpa Hno pitA,ngia eima chachhie kaw sai,cha hlei khota amo ajia na awpa chhao y lei pata,viachhiepa zy hawta train station liata news paper zy apha pata amo phathi lei pata na daihti zy navaw hma tapa pahno pita,ei chapasasa hmei sei.Na hmo tao phana he a beipa khazo pata chamy bei leipa awta,byhna hlupi chhao acha pie hra aw tapa kha eihna bei a sei...Na chapawsaw chata hmeisei nata,Mara palo ru na phao hmeisei,nama vata Lai chi zyta tha tlaita MSO he vaw pahno ei ta,ama vaw pasasa hapa va raita ei cha ly hmeisei.MARAPA THLALA NA CHA HMEISEI SATLIA L.AMIE...Bangalore Mara Satlia..

Written by Guest on 2008-08-07 07:52:10

Vaduana atypa chhokhana zy hnota chatao khei hmeisei pita..khaZo pata ava thla lo na cha ama hnota pie maw ei sy.Amen..khati no raita eima thlachha na liata chaw my awmapi,,,Asie tano LINDA chhao atao hmeisei tapa pahno nata eingia eina chhie hmeisei...LINDA he chysa innocent kawpa chata atao kawpa chhaota aviasa na zy ama yno tacha tao dah chhao thai kaw hra...Thla chha ei cha bao lyma aw...Bangalore Mara Satlia