SIAHA - Siaha district chhoh liata aypa Private High School sapangaw(5) cha Adhoc Grant-in-Aid High School zy hryliata pahlaoba hra awpa Mawrah sawkhata aphuah.
He Adhoc Aided High School thiehpa zy he Chapi, Siata, New Colony(Siaha), Tisi, Laki zy a cha. July or August tawhta teacher zycha Gov't of Mizoram tawhta hlao pie awpa ama cha ba aw.
He Adhoc Aided High School teachers zy hlao awpa he, deficit High School Teachers zy hlao hla ta ahluh via lei awpa a chapa hawhta Aizawl correspondent ta a reih.
Thotlah lata High School zy ta atahma hlata rairuna ama tyhpa sakha cha Class X (ten) Result liata ama Nil (fail khai) tyhpa he a cha. Chahlei khota sakha heih deikua cha Siaha nata town thokha liata Private High School nawh heta Class VII (middle school leaving certificate) a patlopazy cha Class VIII (eight) azaw pakhopa ta Class IX (nine) admission ama pie lymapa vata thotlah H/S liata Class VIII student y ma chyhzie ama reih. Siaha nata town liata private school zy chata cha phusa ama hmona chata, thla chareihta fee piepa ta kiapa a cha vata ama thohkhei kaw, chasala student hlupi cha ama bua cheingei hraw aw, a thai kawpa ama y nota a no avah tuleipazy chata py 8-na azaw pakhopa he a pha lei hmi kaw. He he state School of Education department liata chhao tlokhei haipa a cha.
Mizoram Legislative Assembly election, November 2008 liata ay awpa cha ahnia via lymata, teachers strike etc. hluh kaw ta, chavata he Adhoc Grant-in-Aid program he Mizoram sawkha ta teachers zy chata a pachhuah pahnohpa achapa hawhta thokha pachana dah a cha.
|
Chapi khih eily khei kaw ei
Written by Guest on 2008-08-07 10:00:43
Chapi khih he Marah rah liata cha Abei(Chief) zy ama za-yna su cha hrata, khih paroh kawpa hawhta pachapa a cha hra. Atahma taihta high school, government ta apy mah leipa he apei hmeiseih.
Adhoc Grant-in-Aid lia chhata Chapi khih ahlao theipa he eilykhei hmeihseih ei.
Chakhei_Khydi | Written by Guest on 2008-08-08 02:13:01
mara pa ra lia ta cha khihlo chaipa hry lia ta rei hra pa chapi khi cha mawra sawkha ku taw ta hlao hmo thei pa acha pa he aly achhi kaw.mano mapaw zy rei na da cha chakhei khi he chapi taw ta o cha vaw chopa cha ei ta,chahra sala chakei high school cha government na taw ta ko sypali(40) lai ta vaw siepa pha via hri.pacha na da chasa la chakhei hla ta govenment tua pa ngiasa achhi hri. | Chakhei - Chapi origin achhyna
Written by Chakhei_Khydi on 2008-08-08 02:57:54
Dear Guest,
Ahmiatuata Chakhei khih thatih eicha chho pasia aw. Chakhei khih liata Abei(Chief) aza cha tua penawh he Thlyuthah/Bohia nawh ama zacha. Ama chheipah liata Abie(Chief) atha atlo viapa zy cha Chozah beina rah sai acha va ta thlaloh leina yta, tawhta Hnatla, Kovei etc liata aloh leina a-y va ta Malihtlah (Chakhei khih hmiatuapa sakha) liata ama pahra nota Chapi beipa cha Malihtlah Abei(Chief) cha awpata ama va hawpa a cha. Abeina apha lei va ta Chheihluh la ta pasiepa cha ta, Abeipa panona Chief Neilei cha ama va la heih.
Chakhei khih he Phiapi khihmo liata vawpahra tua chai eita, cha liata pahnopa pho(clan)zy cha Thlyutha, Beita, Solo zy ama cha. Ama beipa cha Thlyutha pho aza cha.
Phiapi khihmo, Lybua khihmo, Malihlah khihmo, Chakhei tlah khihmo, Satly zy he Chakhei khih moh avaw cha tuapa sai a cha. Atahma ta ama yna khi Chakhei tahpata biepa achana rei mah vei.
Tawhta Chapi reih he Chakhei khih reih nata alyu khai hra vei, Chapi cha ama reih he ahnai, asah, ako kawpa a cha. example,
Chapi reih - Kha nata zei?
Chakhei reih - Kha nata aw?
Chapi reih - Hmiakah lia a be
Chakhei reih - Hmiakah lia a bai.
Chapi reih tahpata Chakhei, Mawhro, Chheihlu, Siasi khih chyhsa zyta ama hlypa he Chapi khih cha ta vahnei chhih kawpa a cha.
Hmiala cha Chapi/Fatlau (Chapi/Satly) tah tyhpa a cha.
Chavata Chakhei he Chapi tawhta avypa cha mapi tahpa he ei rei khohpa a cha.
Chakhei_Khydi | emon_mara
Written by Guest on 2008-08-08 06:12:58
khapa rai chasala marapa saw sai na eima cha bao ta te u...CHI nata CHI liata bu akhao lei pa ei sila APOKHA nata tlao charo hrei suh vy... | Written by Guest on 2008-08-09 02:25:21
hmia la ta chakhei thati ei vaw palasa kha,pa hno pasia tu lei pa na ta tahma ta acho lia ta navaw chho pasia tu pa rei da he ado pa acha . chakhei thati sia pa ei na chho thei pa va chia ta ei ei cha ly nga sa. | Written by Guest on 2008-08-09 02:31:11
dear, emon ,na rei pacha ado ta raw chahrasa kei mo ei ro kho na da na vaw pa tu thai lei na va ta thlao cha hri,kei mo eima ro kho na cha chi nata chi cha lei ta a history kha na eima pahno pasia kho.v@ Thlyutha | He link liata "Aryan" a tahpa nick ta
Written by Guest on 2008-08-09 05:13:19
http://www.lawrkhawm.com/story.php?title=And_now_Maraland_Idol
Aryan "Lakher ho chu ve zel e!" I Zaaaaaaa va cha!! | Written by Guest on 2008-08-09 11:02:56
Comment hnochhaipa reipa he he hawta a cha, He paw 'Aryan' tahpa ta comment a hmahpa paw he Misual.com nata Lawrkhaw.com liata Mara saw thatih a ropa hiehah a chhih kaw tyh. Chadei chhao chavei, Mawna (Mizo) na chhao a taochhie pyly ei. Mawreih thaikawta Australia liata cha achu ngapa chata, angiapa lei tuhpa, Mawrah liata a y nota ama mohnao kaw tyh vata apachana zydua he a negative kawpa a cha pata pahnopa a cha. Samaw.com ta kha link navaw sopa chhao kha English la tawhta achhyna atao ha, http://samaw.com/lawrkhawmcom-user-aryan-uncommendable-comment/342 liata mo theipa a cha.
Misual.com lia chhao http://www.misual.com/2008/08/09/aryans-swiming-pool/#comments tahpa ano thatih rona ama haozie ama roh nasa. Chavata, he hawpa chyhsa he cha ngiachhie achhihpa thlahchha khei a byuhpa a cha.
Mara saw Australia liata a ypa ama hlukaw, amota abyuh khiah cha ama vaw chhorei thei tahpa kha my kha ei si.
- Maraland.net staff | Hmo SERIOUS pa na a cha!!!!
Written by Guest on 2008-08-09 20:29:27
A pei kaw... he hawpata Chi nata chi lata amohnao na.. a lalua kawpata website (comment)lia zyta MARA mohnao kawpata mania athpa he ... Pasa hmeiseita!mania mohnao hmeisei. Amo Mizo nata Mizo likaw liatala apasa nada chao a zia a y via thei. Keimo chi chynaw viapa Marasaw liatala a pasa ei ta kaw. He hela hmo SERIOUS hmeiseipa na a cha!! Za ko viano ta kha.. Aizawl liata Marasaw chakia kawpata Aizawl satlia pakhata newspaper lia ta vaw rohta.. cha cha Aizawl liata Marasaw nopaw penawta kho leiva eita .. chapaw cha ngiathaina a haw awpata ta eita dialy newspaper lia ala ha kawpata ngiathaina avaw haw hleikhota ta.. thopi doh pahmao awpata Marasaw mania avaw haw ta,thokhanata ama doh pahmao kha zaw!!!Cha vata a chi nata pho lata mania moh hnaotu penaw la.. chado leipa eisila a pha cha. Chi a mohnao na he la hmo SERIOUS hmeisei pa na a cha.
Sd/ Marasaw | emon_mara
Written by Guest on 2008-08-10 06:40:42
pa cha thai hla ha ei si...a mo mawla pa zy chho ama hao kaw sai hrapa kha ma... | Lack of Quality of Education Govt School
Written by Guest on 2008-08-10 10:00:11
He siku sapangawhpazy ta Grant-in-Aid ama vaw hmo theipa he ei lykhei kaw ei.
Ei ly khai tawhta deikua keimo Marapasaw cha athaipazy pita critical analysis hnei awpa a peimawh kawpata ei pahnopa sakha deikua cha sawhkha sikuzy liata education quality a tlapahnai kaw bapa he a cha. He ary liatapazy he a chhapa thokha a chapata pahno na ta, vaw comment hra tua rai u!
1. Thotlah High School zy he pachuna kyh liata ama tiama leipa vata nata pachutuhpa phapa a kipa ta ama hnei thei lei vata Maraland liata education quality a tlapahnaina chhapa sakha a cha.
2. Open school he thai hmeihseih tloh leipa ta pass thei nawpa chance sakha cha ta, he he ta eima rah education quality a patlapahnaisa hra.
3. MADC ta pachutuhpa lana kyh liata a thaipa la leipa ta amo py a chahpa ama la tyh vata, a pachu thei hmeihseih leipa primary nata middle siku pachutuhpazy hnei bapa cha ta, hevana heta eima rah liata education quality a tlapahnai kheipa a cha.
Laiu Fachhai | Keima eipacha dah
Written by Guest on 2008-08-10 11:51:50
Chapi. Tisi, Siata,Laki nata New Colony, Siaha High School na zy Mizoram Sawhkha ta Adhoc Grant-in-Aid a vaw phuahpa he eily hmeiseih. Marasaw zy chata ryuh sohpa nata byhna ronah kawpa tlai a chapata eipahno. Dr. Laiu Fachhai ta eima rah chhoh(Maraland) liata education quality atlapahnaina chhapa a vaw rohpa zy he a do kaw sai. Eipy kaw. Dr. Laiu Fachhai ta point a vaw thao chiepa zy he keima mopakha pachana dah a chyuh ta ei vaw roh baichhi hra tua aw.
1. Thotlah High School na zy he zawpi pacha ta cha ama pachuna raih a hria ho leipa, amo mopakha nata chokha raih nata hmo hrohriapa zy a buakhei viapa zy hawhta pachana a lai kaw. Ado,thokha cha ama y tlai. Chasala, Mara rah chhoh liata High School pachutuhpa ahluvia he cha ama raih liata nga ama chhi kaw. Hawti pachu awhpana tlao ama hnei khao hri va! Achhapa cha news liata ama vaw rohpa hawna khita, eima rah liata Private School paduana ky liata arapasuana thatah lai ta. Tahma chhochhi cha Business hawta achuna asiehkhei viapa ama lyu thla ha bah. Py-7na a passed pazy kha Py-8na a chulei ta Py-9na la patyusa kho thla hapa Private school eima rah khihpi chaipa Siaha liatapa na zy khita ama hma kaw. Amo chata phusa/so hmona acha hnokua cha hmo doleipa chhao ama tao kho lyma. Nopaw zyta sawzy achuna ky liata khopasana a sah via lyma ta, Sawhkha Siku la zy hlata Private Siku lata ama sawnazy pachu s`awhpa ama kho via lyma hra. Achhapa cha, Private Siku nazy cha Passed Percentage hneipha nawpa ngala pachapa ta pachupa cha ei ta,Education hmo chhuapa pahno veih ei. Ama chhuana ky liata ama hlao chhao atlo thei ngyu aw, chasala, achuna ky liata Quality dopa maniah tlokhei leipa ta Quantity lata tlao Marapa sawzy maniah ama papua hlu via hri. keima mopakha pachana liatala Quantity education hlata Quality education he tlao Marapa zy pi heta paso via sihla kho achhi. Cl-x pass thei nawpa ta Hostel liazy a so pita, helamaw tahpa ta 'Byheart' education system hmapa ta maniah ama chhi tyh Private Siku nazy khi atlapipa ta. Achuhaipa zy hro liata thai hmeiseih nata hmasiena hmeiseihpa y hlei vei. Chakhiacha, cha hawpa pachuna cha a hlaotlo eima tah thei va tlyma? He zy vana heta eima rah liata High School na zy liata sawzy pangiasa awhpa ta cha nopaw zyta kho paha leina ama hnei. Cha liata, hmo a vaw tlopa cha- eima rah liata High School nazy Students Statistic a vaw hnai ta, Teacher nata Students Ratio ado thei khao vei. Su thokha liata zy cha pachutuhpa zy hlata ACHUHAIPA siku hawti ama chy viana a ypa zy haw ta pahnopa a cha tyh. He he hmo dopa chhao a cha ngyu thei aw. Achuhaipa maluh ama chy ha tawhta cha Sawhkha la tawhta Pachutuhpa pie baichhi thai lei awhpa School zy chhao ama y thei. Pu Thangchhunga(L)Dy. Director,Education Depth. Gov`t of Mizoram,(Amoh he pahno pasia tuh khao leipa nata, ado tlyma? Siaha D.E.O. tah a vaw y tyh hrapa kha a cha.) ta a Office liata eina chhona dah ta cha- "Nama khih lia khih pachutuhpa adai veih ei tahpa eima pahno hla tarawna, chasala, achuhaipa siku hawti ama chy tu vata pie baichhi thaipa cha veih ei chi. Sawhkha ta hrao leipa liata phusa hma chakhy awhpa he pasai vei." ei na tah. Ado kawpa ta eipahno. Kheita napa cha hra tly, vaw reih chhi via hra tua ma y.
Chahrasala, eita tah aw. Eima politician hnei penawh zy he ei maochhie kawna sahkha a y. Cha cha,eima rah liata political leader pakha ta he hetana heta eina chho,"Politic he cha hmo a yleipa, pa y sapa hena a cha bao" eina tah. He he adona kao a y thei aw, achhua hmeiseih pazy chata cha.Chakhiata cha khazia eima politician nazy heta eima rah chhoh liata a eih viapa ta High School pachutuhpa adai leina ama hmo thlapa heta ama chali molo thla haw, ryureina nata session lia zy aduakhei hra eisala, pachutuhpa ama dai leina lia zy cha so baichhi awpa ta Sawhkha la tlokhei lyma hra ei sala pha vei ma.
2. He topic chhohchhi he cha ei 'Amen' kaw. Achhapa cha, Open tawhta a passed pazy he eima rah ta a hneipa, ryureihna eih hrapa Mara Autonomous District Council liata a ngia hlu chaipa zy ama cha sahlao. Amo liata thai hmeiseihna y leipa ta, viasa nata pachutuhpa zy baona zawzih ta a passed pazy ama cha via chai. Cha hawpa education quality a hneipa zy ta eima rah liata School eima hneipa- Primary nata Middle lia zyta pa hriasapa cha sahlao hra ei ta. Pachutuh chaipa hmata a Degree hneina ky liata asiano leipa cha kheita e siku hawti zy hnota pachuna dopa nata phapa a pie thei sualua aw va tly!.
He liata ei vaw baichhi kho kaw heipa cha,OPEN School he maochhiepa cha leipata, keimo ahma tuhpa nata hriatuhpa zy he tlao maochhie hri awhpa eima cha. Eima rah liata Awnano lai chaipa ECM School he eima rah chhoh liata Study Centre yna su a cha.Eipahno chheileipa a cha khiatala ECM School Principal ta he OPEN School Study centre he a mohohpa pata eipahno. He liata ei hiahrina tao khopa cha, ECM School heta Marasaw Cl-x a pass thei leipazy pachha papua nawpata ma Open School he ama mohohpa ma, Marasaw quantity education papohsa awpa ta? Awnanopa School liata Exam nota kho dah hawta amopa theipa nata khotho la chhaota bao theipa he moleina ta apy theipa a cha va tlyma? He hiahrina sano penawh he keima mopakha liata a lai kaw tyh.
3. He topic he moto ta eima pahnopa, eima reipachhie nga leipa a cha. Eima rah lia he Nepotism politics he athatlo thei kaw. A yzie cha eima rah chhituhpa zy heta Education yzie he sai bua kaw eita, achana dopa nata hmochhuapa chhao pahno veih ei tah theipa ama cha. Primary nata Middle School na zy liata pachutuh awhpa ta ama lapa nazy he thokha zy cha ma tlo kaw nota thokhapa zy deikua kho achhi tuh hlei veih ei. Tahmahla reika kawpata 'Political appointment' zawzih ta pachutuh raih a hriapa eima rah liata ama hlu tuh haw. He vana heta eima rah ta achuna ky liata atlahpahnai khei hmeiseihpa a cha. Chahleikhopata, pachutuhpa thokha zy cha pachutuhpa raih hria awhpa ta ama la pangia noh tawhta ko hlupi khola ta Training pahneisa tyhpa cha eita, he he hmo khochhi lei kawpa a cha hra. Athei khiala Middle pachutuh awhpa he B.A., B.Ed. Degree ahneipa zy cha ba eisala tahpa kho achhi kaw. Primary pachutuh awhpa chhao B.A. Degree or Equivalent degree ahneipa cha thei lyma ba hra eisala kho achhi kaw hra aw. Tawhta, tahma ta ahria haipa, pachuna rai liata apahnie ah khao leipa na zy khi Mawrah lata ama taodah hawhta 'Voluntary Retirement' tao thei hra awhpa ta eima rah chhituh penawh zy khi hmala thei hra eisala pha vei ma?
'Achuna he pha ta, hmo soh ngaita kawpa a cha.'
Delhi Mara Satlia | m.s.o election
Written by Guest on 2008-08-11 01:53:54
chennai m.s.0 cha Dt 7.9.08 pata freshermeet na ta general election hnei aw pa acha aw ama ta. Daopaw,CHENNAI | ABEIPA hnota eilyhmeisei..
Written by Guest on 2008-08-20 03:41:04
marasaw hmasie via n`awpata school ABEIPA ta marasaw chata avaw taopa he ABEIPA cha rei thai pa ta y maw se.achyhsa ahriatuhpa nata achutuhpa zydua ta,ABEIPA cha nata marasaw chata tiama papua su ve..
pawtha
m`sia |
Powered by AkoComment 2.0! |
