|
UPSC Prelims Exams Result 2008 liata Mara saw pano ama hlao |
|
|
|
Written by Maraland.net News Network
|
|
Thursday, 14 August 2008 |
NEW DELHI - Union Public Service Commission (UPSC) ta atanoh kha Civil services Preliminary Exam May 18, 2008 ta hneipa cha result papua ta, Mara saw pano tlai ama hlaopa ta eima pahno, eima ly kaw..
India rah liata rai laichaipazy angiana Civil Services Preliminary Examination liata atlohpazy cha Puhpa Beihmingia, New Colony, Siaha nata Satlia Abraham Beirazi Khithieh S/o Puhpa K. Ngo-u, Bazar Siaha zy ama cha. Amo he atahma ta Delhi liata a y ngahaipazy ama cha.
Puhpa Hmingia he Prelims a ei 3 a tloh-na a chapa ta eima pahno. Satlia Abraham chhao he a 2-na a cha hra.
He hawta Prelims ama kaw tloh thei heipa vata eima lykhei hmeiseih.
Main Examination he October 17, 2008 ta hnei heih awpa a cha.
Mara sawzy hry liata UPSC All India Civil Services liata atlohpa eima hneichhohpazy cha Puhpa Laima Chozah IAS-1988, Chakhei/Siasi, Puhpa K.T Beicho IRS(IRAS/Railways-1990), Chakhei nata Satlia L. Beimopha IRS(ICCES/Custom-2006), New Colony, Siaha zy deita he ama cha chy. Mara thyutliazy tiama papua lyma ei si.
Amo pano chhao he Main exams nata interview taihta ama hlao atloh cheingei awpa ta eima khokhei hlei khota Mara saw zydua thlah eima chhana liata a thei ei sila Mara pakha hlaotlohna chhao he eima phopi hlaotlohna a cha tahpa my kha ei si.
UPSC's official website: www.upsc.gov.in
|
Congrats!
Written by Guest on 2008-08-14 10:37:57
Ei chaly khei kaw ei. Nama tloh cheingei awpata khokheina ei chahla ei.
- Pazaw | Eicha ly khei kaw ei
Written by Guest on 2008-08-16 03:30:47
Main exam nata Interview liata nama hlao tloh naw pata thla eima chavaw chha pa ei.
Mara Satliazy nata Laisazy tiama pa pua su vy!
-DKB- Shillong | Written by Guest on 2008-08-16 06:31:07
A chhana taihta hloatloh awpata khokheina cha hla ei nata, thla chhao ei chaw chha khei lyma aw ei. Nama nawhta nahzy riapha kawpata nama lapi eima vaw chhih lyma thei hra nawpata nama hriapasana theilapa miah pahmosa achuah mu vy. All the best | Congrats!
Written by Guest on 2008-08-16 06:37:19
All the best for the coming mains. | Aly achhi hmeiseih na.
Written by Guest on 2008-08-16 12:03:42
Puhpa Beihmiangia nata Satliapa Abraham Beirazi Khithie zy UPSC Preliminary exam liata nama tlo vata eichaly khei hmeiseih ei. Mains liachhao hlaotlona nama hmo cheingeih hra awpata eikhokheina eicha hla hra ei.
UPSC he India rah liata central Services nata All India Services raih lana awpa ta exam a ruh chaipa, khizaw liachhao hmata alahpaphapa eima tah aw, (achhapa cha exam daihti chhoh he adaihti apasi kawpa a cha vata)exam daihti apasi chaipa a cha. He tlupo ta Competition asahpa liata Marasaw zy moh a vawla tyhpa he alypa a cha hmiseih. Ko kha liata UPSC Prelims exam apie tyhpa na zy he atlapipa ta maluh 1 lakh hlei ama tlo tyhpa hawhta pahnopa a cha. Chahry liata Marasaw UPSC exam awpa ta achhuano hmeiseihpa zy he ama chy thei kaw tyh. Ko khata UPSC exam apie thei awpa Marasaw zy he achy chaita maluh 10 zychha cha tyh bah hra sila kho achhi hmeiseih.Tlaikao nazy la ko khata UPSC exam apiepa he zako la tawhna kha ta cha maluh 20 hlata hluvia ama cha lyma bah. Uava ama chhi hmeiseih.
Marapa zy pihe chyhsa dychhie kawpa, o nata lyu phapa chhao a hnei leipa deita cha pita, he hawpa raih asahpa hria thei awpata apatotia hmeiseihpa zy cha Coaching Centre zy a vaw pazaopa abyu ta. Eima pahnopa hawhta atako ta India rah deichhao cha leipa ta Khizaw rahto liata hmo ma asahpa Inflation vana khata India rah liata I.A.S. Coaching Centre nazy tla eima tah aw, zy chhao ama Coaching centre ma apasah khai ha hra ei ta. Cha thota, atako tawhna khata UPSC Syllabus panano viapa chapa lao heita. Atahmata UPSC achhuano haipa Marasaw zy chhao he phusa so lachha liata ama phao a hri kaw aw tahpa pahno theipa a cha.
Chakhiatala, eima District Council khita Cash Incentive Award ko hro lata ama pie tyhpa hlata ahluvia pie thei bah hrasala kho achhi kaw hra aw. Eipahno chheipa achalei khiatala Coaching Centre nazy heta Prelims atlo penawh zy a eih viapata Coaching pahy tyh eita, zako la liana khata cha Optional Subject sanoh nata General Studies chata Rs 25000/- rachho acha tyhpa kha a leikhata a sah viapa ta tako cha pahnopa a cha. Chahleikhopa ta tahma ta Marasaw Coaching apazao hai penawh zy he ama phao ahri kaw tahpa pahno theipa a cha. Achhapa cha atako tawhta UPSC Syllabus panano viapa chavata prelims a kaw tlo thiepa zy chata cha Coaching ama kia hei leipa ta cha thlalo achhi tlo leipa ta. Chavata, tahma ta Marasaw pano penawh zy he eima Council khita baona ahluvia pie thei eisala kho achhi kaw na...
Chakma na zy,Arunachal nazy nata Tripuri nazy khi he hawpa lachha liata thata ama sawhkha ta baokha
kaw ei tahpa ei viasana zyta ama reih tyhpa zy thei tyh nata, adopa a cha tlyma la pahno vana. Kheitarai chasala, Marasaw zy eima kaw sosah via thei nawpa ta eima Council heta Thyutliapazy hmasiena kao liata baokha awpa ta palo hnei thei lyma eisala kho achhi tlaipa tana eipahno. Ei vaw reih hlu kaw chu. Nama pachana zy vaw reih hra tua u.
Delhi Mara satlia | Written by Guest on 2008-08-19 01:10:16
Puhpa Beihmiangia nata Satliapa Abraham Beirazi Khithie, namo heta eima rah nama tao pathi thei tahpa kha athei ula,tiama nama papua via lyma awpata, eima rah ta acha hnaw hmeisei ei.
aizawl satlia | emon_mara
Written by Guest on 2008-08-19 04:10:50
puhpa Hmingia nata St.Abraham ABEIPA ta cha y pa ei sala nama kaw exam na lia mai ta hlao tlo na cha pie via rili maw ei sy... | Eichaly khei hmeihseih ei
Written by Guest on 2008-08-22 02:29:29
Main lita nama through cheingei naw pata Mara zawpi zy ta eima thlachhana liata kha eima chaw thei aw....
T.T.Chhote
Pune |
Powered by AkoComment 2.0! |
|
Last Updated ( Friday, 15 August 2008 )
|
.jpg "Viarah liata Mara satlia amopa tlah achapa")
