|
Union Cabinet approves Sixth Pay Commission : Report |
|
|
|
Written by Maraland.net News Network
|
|
Friday, 15 August 2008 |
NEW DELHI 14th August: Atanoh Cabinet meeting châ ta hmiala tawhta âma vaw mo pathli ngâla tyhpa Sixth Central Pay Commission Recommendation châ hma thei bah awpa ta UPA sawhkha châta a vaw pathlu haw.
India rah liata sawhkha rai âhria haipa maluh 50 lakhs hlei zyta he Sixth Pay he hma theipa cha aw eita, atlapipa ta 21 per cent tlai, tahma nota ama hlao haipa tawhta pasah viapa a cha aw. He he ko asie ha chiehpa January 1, 2006 tawhta hma pathao awpa a cha.
Information and Broadcasting Minister P R Dasmunsi ta news reporters zy hnota Cabinet meeting khai tawhta a reih dah ta cha he tawhta ko charei ta sawhkha raih hria penawh zy hlao papoh viapa a cha vata Centre sawhkha ta Rs. 17,798 Crore lyma financial implication a cha lyma aw. January, 2006 tawhta September,2008 taihta ama hlao apohna zie awpa he Rs. 29, 373 Crore a cha hra aw.
He hlao pasah viapa he sawhkha rai hriah tuh penawh zyta September, 2008 tawhta hma pathao ha awpa cha aw ta, January 2006 tawhta ama hlao apohna zy he achhah(installment) ta piepa ama cha hra aw. A ei khana liata 40 per cent tako chhoh(2008-2009) liata pie tuapa cha aw ei ta, 60 per cent deikua 2009-2010 chhohta pie awpa ama cha hra aw.
Atahma tawhta ko kha chhota Pay Commission general butget a cha awpa he Rs.15,717 crore cha ha bah awta, Rs, 6414 he Railway butget awpa a cha. Tahma nota sawhkha raih hriapa zy hlao zydua atlopakhypa he Rs.70,000 crore hlata hlu via chata, pension liata chhao Rs.30,000 crore a cha hra.
Sawhkha raih ahriah penawh zy ama hlao Basic pay ahnai chaipa ko paro nota Rs.6,660/- acha tyhpa kha tahma ta Central Pay Commission thiepa ta Rs.7,000/- lata a pasah via ha hra. Chatanachata, sawhkha raih ahriapa hlao ahnai chaipa nazy chhaota allowances zy chhaota thla tatohta Rs.10,000/- ama hlao papha ha bâ aw tahna a châ.
Hmiala ta Annual increment 2.5% âma hmo tyhpa kha tahma ta Pay Commission hma thiepa tawhta châ 3% lata papoh viapa a châ hra.
|
Pahnei tla a cha
Written by Guest on 2008-08-22 04:03:25
Phusa a hlu kaw heih chu,,h ah ha
M.N.F_nazy Nie paru thai lei awpa Phusa chala awwww!!!!Ei kho hia liapa HaHa ha |
Powered by AkoComment 2.0! |
|
Last Updated ( Friday, 15 August 2008 )
|
News 
.jpg "Viarah liata Mara satlia amopa tlah achapa")
