Maraland.NET - Bangalore MSO Freshers Meet cum General Election hnei

You are here: Home

News

Latest News

Bangalore MSO Freshers Meet cum General Election hnei

Written by Maraland.NET News Network

Sunday, 17 August 2008

BANGALORE (Pahanoh) - Mara Students' Organisation, Bangalore branch ta atanoh tari noh 17, thlazoh(August), 2008 ta Freshers meet nata General Election 2008 - 2009 cha hlao tloh kawpata ama hnei.

United Mission College Hall, Mission Road liata he function he hneipa cha ta, Mary Solo ta daiti pathao nawpata Bible reading nata opening prayer a hnei.

Khichhailaipa cha ta raopa L. Beimopha, IRS chhao MSO Bangalore zy ahawnazy ahlao patloh thei pata adaihti ta liata ahmana su avaw tlo. Short speech - bietana hneipata, hmasiena lachhah Marasaw zy hmia toh awpata bietana a hnei.(L. Mopha, IRS biereina Video clip thlai eima vaw upload aw.)

Khichhai laipa - L. Beimopha IRS (Custom/ICCES)

Atako ta Bangalore liata Marasaw aza tlo thiehpa zyhe maluh 15 cha eita, Out-going General secretaty Apaw T.Beithapa ta report-na liata areina hawhta, freshers zy he ko hropa hlata ama chyhvia syulyu ha pata pahnopa a cha.

Session sa 2 la ta pachhaihpa cha ta, sakhana he 11:50am ta pathaopa a cha.
First session liata Freshers zy welcome na nata Khichhailaipazy bie reipa nathliena zy ta hmapa cha ta. Cha liata zawpi tha apathyu kawpa sakha cha Mara idol, Bangalore MSO branch atlyna a cha. Sakhana lyma adaopa cha Amon (Monday Kheimeichho) a cha.

First session liata short speech cha ta hruapa cha Pawsa Lava, MSO, Bangalore branch senior advisor a cha. Advisor hropa Isaac T. Beingachha, Roselene Solo zy chhao hlaotloh kawpata ama vaw hlao thei hra.

2007 - 2008 cha ta, Bangalore MSO member zy hry liata satlia nata laihsa siachaipa atlypapuana hneipapa a cha. Chano asiachaipata atlypa cha Delisia Azyu chata, chapaw siachaipata atlypa cha Franky Ngiachai Azyu a cha.

First session chha tawhta Photo session hmapa a cha. Nothlah lana he ko hrola chhaota vaw tao tyhpa a cha. Photo session khai tawhta Lunch niena y ta, cha khai tawhta Second session thlai hmapapa a cha.

Second session he 3pm akhoh ha pata pathaopa cha ta, 5pm hlata pachha hapa a cha. Pathao tuhpa nata bible reading cha ta raopa Rev. Zawbau ta daihti ahma hra.

Acho liata nohthlahpa he Rev. Maiki a cha. Abie reipa video clip sa 2 la ta pachhaihpa a cha, ary liata link a y, moh hra ma y -

Rev. Maiki short speech Video Clips -

Second session liata bie reihtuhpa cha ta special ta hruapa - Rev.Maiki, Sabyhpi ta biereina a hnei. (Rev. Maiki biereipa Video clip ta mo thei awpata upload hapa a cha. Acho liata link khi click pata motheipa a cha. A bie reipa he pha kaw ta, a bie reina video clip he moh cheingei hra ma y.)

Rev. Maiki bie reina a hnei khai tawhta Satlia Z.B.Hrohmo ta short speech - bietana a hnei heih hra. Z.B. Hrohmo bie reina chhao Video ta thlai eima vaw upload hra aw.

General Election thlai hneipapa a cha. Office Bearer seat sa 6 dei ngalah atlyna hneipa cha ta, seat hropa cha he atlypatlohpa pacharupa zy ta ama khohna hawhta seat baichhi awpata ryhraopa a cha.

Ko 2008 - 2009 chata Bangalore MSO branch chhihthatuhpa cha ta atlypa zy cha ary liata palasapa a cha.

President - BeiRokhu Beita
V/President - Vabeihalai Nohro
Gen. Secretary - Hrathao L. Peace
Asst. Secretaty - Monday Kheimeichho (Amon)
Finance Secretaty - Malsawmkima Hlychho
Treasurer - A. Elsie Dilisia

Leader thiehpa zy thlachhana ta pavaosa awpa nata achhana liata thlachhana ta apakaoh awpata raopa Roselene Solo ta Bangalore MSO Freshers Meet cum General Election 2008 - 2009 cha akhawna a tao.

Zawpi nohthlahlana (click on the picture for bigger size)

Comments

Bangalore MSO cha ta vahnei achhih kaw
Written by Guest on 2008-08-19 08:30:28

Bangalore MSO zy nama va ahnei kaw pata eipahno. Satlia L.Beimopha IRS zy cheingei ta kha liata cha ypa eita, chahleikhota Marasaw IT la ta ahmah asie viapata pachapa zy chhao y holo eita, member chhao nama hluh kaw va ta eina palysa hmeihseih.

Nama magazine Laipho chhao eivaw hmo ha hra, arei apha hmeiseih. He tawhta "For God and Maraland" tahpa biepipa hmata tiama vaw papua via lyma teh u.

- Khichha Marasaw

Congrats
Written by Guest on 2008-08-23 10:42:59

Paw Rokhu..aly achhih hmeiseih...B'lore Marasaw zy chhitha awpata Abeipa ta ry arao talei theivana...Mara rah pakhai savia lyma awpata Nathaina/sona zy vaw hma lyma tua....

Meipaw
Pune