Maraland.NET - Mara Chano Pastor tuachaipa Bangalore MSO zy bietana

You are here: Home

News

Mara Chano Pastor tuachaipa Bangalore MSO zy bietana

Written by Maraland.net News Network

Monday, 18 August 2008

BANGALORE: Mara Students' Organisation, Branch: Bangalore zyta Freshers' meet cum General Election 2008 hnei eita, cha liata Mara chanozy hry liata Pastor acha tuachaipa Rev. Maiki ta bietana areipa cha achu haipazy tha apa pawhsa kaw. Ano he Mara chanozy hry liata M.Th a patlo tua chaipa a cha. Ary la chaita abietana video link sopa a cha.

Rev. Maiki short speech Video Clips - Click here »

Rev Maiki Thatih ary liata:

Rev. Maiki he Mara chozy hry liata Pastor ordination ahmotuachaipa chata, 2006 khata piepa a cha. Ano he Mara chanozy hry liata M.Th apatlo tuachaipa a cha hlei khota, nochhi nata notla Mara chanozy hry liata B.D a patlo tuachaipa a cha hrapa ta eima pahno.

Rev. Maiki, Chhitu No he apina khih cha Sabyhpi (Vasai) chata, atahma ta Mara Pastor Yangon liata a ynga haipa Rev. C. Thaulei sietano seihnai chaipa a cha. Magwe University tawhta B.Sc (Physics) a patlo tawhta Serampore accredited pa Gurukul Theological College, Chennai ( url : gltc.edu ) liata B.D (2001) patlota, M.Th (Old Testament) chhao 2003 pa khata ko kha compulsory apahana a hnei khaota apatlo ha hra.

Raihriana:
Nochhi Mararah (East Maraland) he sawhkha pha leina vata rietheipa liata a ypa eima chapa vata Sikul hawhti sikul phapa eima chu theileipa vata a paloh pasa kawta Mararah lia tlaita achuna phapa padua awpa vision ahneipa vata MEC chhithana ryh liata Center of Maraland Education (COME) tahpa he private school 2004 liata a padua.. Ano he founder tlai a cha.

Ano he 2003 tawhta MEC Krizypa No Py liata Secretary assistant secretary ta chakao ta, 2006 tawhta KNP Secretary ta a cha kao. 2004 tawhta MEC Service & Development liata Secretary ta chakao ta atanohta ta a chakao haipa a cha.

Chhituhno (or MEC Service & Development) he Germany NGO Kindernothilfe/Kinder Not Hilfe (KNH) Children's Emergency Relief/Help Links:
1. kindernothilfe.org
2. KNH info at Reporter.no

KNH nata rai a hria khohpa ama chapa vata KNH ta India rah liata ahriapa liata Mara project he a pahly pahpa vata abyuhna hawhta Bangalore tlyma, Chennai tlyma, Orissa tlyma ama vaw tlyh pareipa a cha. Germany chhao ano pohpa tlaita COME nata KNH zy vata ava tlo ha hra. COME heta school hawti thokha Siaha liata KNH sponsor-pa ta cha nochhi Mara sawzy ama pachusapa a cha hra.

Atahma ta Bangalore a zatlo awpa dei he la World Alliance Reformed Churches (WARC) tawhta International Seminar on Women lachhah consultation United Theological College, Bangalore liata ama hnei awpa he WARC liata Woman coordinator pa he ano viasapa a chapa vata nata MEC he WARC member eima cha hrapa vata ama hruapa a cha.

Ano he Mara chanozy hry liata Woman Ordination ama pie tua chaipa chata 2006 Bava Tisi Mara Evangelical Church (MEC) Assembly liata piepa a cha. Evangelical Church of Maraland (ECM) lia diekua cha chano pastor ordain theipa cha mah vei.

Chhohkha thatih:
Rev. Maiki avahpa he Rev. Sikhaw chata Gurukul Theological College, Chennai lia pyly ta M.Th (Theology) ta a patlopa a cha. Atahma MEC liata nopaw pakha Executive Secretary (education) a cha. Hawti pano hnei ei ta, a-uhtheipa cha Rachhitu tah ei a pachhohna lata Chhitu eima tah teihpa vata Rev. Maiki he chyhsa tota Chhituno tahpa a ma pahno. Chhitu he ko 5 deita a pha chy. A seihnaipa cha chano ta chata Rev. Sikhaw no moh pakuapa cha a. Sikhaw Ko 4 rachhoh a pha chy hra. Amo chhohkha he Khazohpa Marapa chyhsazy chata byhna apie patlua kawpa ama cha eima tah thei awpa tlai a cha.

COME nata MEC ta Mara school hawtizy chata rai ama hriana ahlao atloh lyma thei n'awpa chata eima thlachhana liazy a thei tyh hra ei sila, Rev. Maiki Mara chanozy lalai liata ama sie lyma thei tahpa eima mo hmo awpa a ypa he achakaona chata thlachha khei tyhra su vy.

Rev. Maiki Videos:
Rev. Maiki short speech Video Clips - Click here »

Comments