Maraland.NET - Mara reih thapasapa Academy of Mara Culture & Literature(AMCL) padua

You are here: Home

News

Mara reih thapasapa Academy of Mara Culture & Literature(AMCL) padua

Written by Maraland.net News Network

Wednesday, 27 August 2008

TIPA 'V' - Thlazaoh (Aug.) 26 za liana khata Tipa khih liata chyhsa thapasapa zy nata khopaha viapa zy ta Mara Chi nata Pho a lei thla ha awhpa pasaih leina vata nata Reih pabohsana nata cheihchalo khona vata py sakha padua eita. Amoh chata 'Academy of Mara Cultural & Literature' (AMCL) biepa a cha.

Chhithatuhpa zy Adhoc ta raopa cha eita,

Chaiman : Puhpa S. Thakhu
V/Chairman : Puhpa PP. Chhuahmo
Secretary : Satlia K. Lalherliana

Joint Secretary : Puhpa HC. Lalrosanga
Finance Secy. : Satlia HT. Beikychhi
Treasurer : Puhpa VB. Hasa Phiapi zy ama cha.

Source: Tipa News from Meino

Note from the Editor:
Mara reih pabohsa n'awpa nata eima culture-zy abohhlei khota tha patlo awpa ta AMCL avaw duapa he thapawh achhih hmeiseih. Tipa Viavaih (V) he eima rah liata khihpi laichaipa sanona chata Mawreih ta atla kawna su chapa heih ta he hawhpa su tawhta Mara reih tha patlo awhpa ta hmah ama vaw la pathaopa he ngiatlah a cha via heih pata ala.

Mawreih/Hiakha(Lai) reihzy cheipa nata thaipa he apeina y vei, anodeikua reih hropa eima cheipa nata hmapa vata eima reih eima pahlei awpa deikua cha eima taochhie kaw aw tahpa he hmosia kawpa a cha.

Thatlo kawpa ta ama sie thei n'awpa ta eima khokheina eima hla.

Related Articles:

Comments

Ronah hmeiseih na
Written by Guest on 2008-08-27 10:59:55

Wow! Tipa mo, nama taopha hmeiseh na. Amopatla nama cha kaw. Mara reih alei thlaha awpa nama pasaileina ky liata tahma ta hmo nama chhuanopa he Marapa zy chata cha hmo ronah kawpa a cha. Marapa thatih reihna nata rohna "History" liata my thei khao bei aw mapi.

'Academy of Mara Cultural & Literature' (AMCL) he hmasie via lyma sala, ahlaotlohna theilapa thyudyupa Marasaw zyta eima hmo thei cheingeih nawpata Abeipata byhna pie maw syh.

Delhi Mara Satlia

emon_mara
Written by Guest on 2008-08-28 06:14:34

a vaw rona hmeisei na...ABEIPA TA BYHNA chapie lyma maw ei sy!!

Go guys! Go!!!!
Written by Guest on 2008-08-28 08:10:59

AMCL Khozopa ta y pa mawh sy.

good start
Written by Guest on 2008-08-28 09:42:14

Nama pathao hapa hawh tlaita thatlo kawpa ta nama sie cheingei awpa ta khokheina ei cha hla ei.
- Kholai, Viarah

Well begun is half done!!!
Written by Guest on 2008-08-29 04:40:55

A pha kaw na!!! Anodeikua la paloh hmeisei ta hmo eima tao awhpa he a peimawh hmeisei. Py cha khatlu ta hlupa hmahta cha hra sala a hriatuhpazy ta eima tlo vei khia ta la Py a thipa tla a cha awh. Py he padua chakhyhpa chi cha hra vei,padua tawh la paloh hmeiseipa nata tiamapa ta hria a chhuah chyu ei suh u, khazohpa pahnona cho ta, Abeipa ta khihpipa a sa vei khiata cha a satupzy ama sa thlathlih thla ha awh tahpa he my kha ei suh u.

Long live AMCL

D' Dil