Maraland.NET - Siaha nata Pala MLA bia Party-zy MDC hneina zie mona

You are here: Home

News

Siaha nata Pala MLA bia Party-zy MDC hneina zie mona

Written by Maraland.net News Network

Friday, 29 August 2008

SIAHA - Atako Mawrah state liata MLA election avaw y awpa cha political parties tota ama buakaw sai heih. Seat sano eima hneichhohpazy liata constituencies pachhaih dah pananopa a cha khaota Siaha nata Pala biazy liata MDC yna zie nata ama party zy eima vaw palasa:

Siaha MLA Bia liata MDC zy:

Total = 10, Congress - 4, MDF - 3, MNF - 3

Congress - New Colony (E), College Vaih, Meisatlah, Siaha Vaihpi.
MDF - Siahatla, New Colony (W), Chhaolo.
MNF - Noh-aotla, Rawmibawk, New Siaha.

Siaha bia he Congress (I) he party sakha ta cha MDC ama hnei hluh chai. Chasala, ama kho kawsai tah thei awpa a cha hra. Party sano hria pakaohpa y ei sala cha ama tha a dah khei hmi kawpa a lyu. Chasala, MLA hnei khoh khai tloh eita ama hrialah n'awpa aru hmi kaw.

Pala MLA bia liata MDC zy:
Total = 12. Cong - 4, MDF - 4, MNF - 4

Congress - Laki, Chakhei, Tisi, Chapi,
MDF - Tipa I, Zyhno, Phura, Tokalo
MNF - Siata, Amobyu, Saikao, Tipa II,

Pala bia he Siaha bia hlata MDC hluhvia haba ta, Mobyuh nata Siata MDC biazy vaw baipa a cha tawhta, party satho tota MDC ama hneina zie akho thai kaw sai. Party sanota ama hria pakaoh tlai khiah cha hria khohpa a hneileipa party chata aru hmi kaw. Chasala, a hria khoh awpa lyu tla mah vei ei.

Political game rohna kawpa cha democracy phana zawzi ta notla la Mara sawzy chhaota eima khe (play) heih hra aw. Thokha cha hockey a khe hawta akhaipazy chhao ama y thei aw. Apahlei-pahla zy chhao eima y heih ngyu aw. He games pipaw kawpa he apahlei-pahlana yleipa ta akhai thai a chhuah chyu su vy.

Related Post(s):

Comments