|
Mizoram State liata District Sathoh nata Zone sano thiehpa pih |
|
|
|
Written by Maraland.net News Network
|
|
Tuesday, 02 September 2008 |
AIZAWL, Phiata(Sept.) 1 - Atanoh ta Mizoram Cabinet meeting chata State ryureina (administration) sia nata pha viapa a sie thei n'awpa chata District thiehpa sathoh (3) tao aryh ama tah haw. He District thiehpazy he Hnahthial (pop. 6,808)*, Khawzawl (pop. 11,125) nata Saitual (pop. 14,794) zy liata so awpa a cha. District rah-ri (boundary) n'awpa dah chhao sawkha ta atao pasia heih hra aw.
.jpg) Administration thatlo viapa ta asie khei thei n'awpa chata Mizoram cha bia sano (2) la ta pachhaipa cha awta, he biazy he Commissioner zyta ama vao aw tahpa chhao Cabinet ta aryh a tah hra. He biazy pazy he Northern Zone nata Southern Zone tahpa ta biepa cha awta, Northern Zone headquarters cha Aizawl cha awta, District sasari (7) pahly awta, chazy cha: Aizawl, Champhai, Khawzawl, Saitual, Kolasib, Serchhip nata Mamit zy cha awta;
Southern Zone headquarters cha Lolei (Lunglei) cha awta, a pahly awpazy cha : Lunglei, Hnahthial, Lawngtlai nata Siaha (Saiha) zy a cha aw.
He zonal commissioner awpa heta Senior IAS officer zy raopa cha aw eita, zawpi zy ta sawkha tawhta ama hmo peimawhpa hlupi cha he Commissioner-zy level liata pasia khai thei awpa a cha ba awpa vata thotlah khih hla kawpa liata a pahrapazy chata rainaona a tlokhei aw.
Tawhta, Commissioner-zy he Deputy Commissioner (DC)-zy ta hmalana nano-nanopazy mo khei aw ei ta, District nata State government lihkawh liata apazaotuhpa peimawh kawpa ama cha aw.
In the picture: Mizoram map showing the boundary of 11 districts, the headquarters of the new districts are marked red. An imaginary demarcation of the new districts is done by Maraland.net webmaster. Note: Do not scale.
* Population as in 2005
Source: Directorate of Info. & Public Relations, Gov't of Mizoram
|
Written by admin on 2008-09-02 04:44:01
Maraland.net nama tao pha kaw. Webmaster ta district thiehpazy boundary avaw taopa he novah achhih kaw.
District hleikha a cha haba he. Minority na eima yna cha district sano Siaha nata Lytai a cha. Suhrawh liata sukha hawtla a chaba ngyu he.
- maraland.net fan. | Awh aw...
Written by Guest on 2008-09-04 10:45:06
Zone sano ta Mizoram State administrative pachhaipa he keimo Marapasaw zy chata aphahnaina a y tuh nata pangiasa achhi vei.Achhapala, Lolei la eima eima vyutuapa, council/depth hropazy kha Lolei la ama vaw hnaoh lao tuapa abyu ta. Lolei he Mara House y leipa ta, khichhai tlo nawpa GUEST House chhao y lila aw vei. Tawhta eima hmo kei tao awpa kha Hqrs: Aizawl la vaw hnao pyly pa abyuna y thei aw. Chavata, keimo chata la aphachai nata pangiasa vana... Lytai lia zy chha eima Hqrs chasala la eima hma phahnai via ngyu hla ma!
Kheihawpa rai chasala, Mawrah chata hmasie viana acha nata pangiasa hlei vana District satho ama baichhipa he. Myla hano la keimo lata Autonomous District eima hnei hawpa he ama vaw kho lai hla hei hra aw..  |
Powered by AkoComment 2.0! |
|
Last Updated ( Tuesday, 02 September 2008 )
|
.jpg "Viarah liata Mara satlia amopa tlah achapa")
