|
Shillong MSO Freshers' Meet 2008 CHIEF GUEST pasia haw |
|
|
|
Written by Maraland.net News Network
|
|
Thursday, 04 September 2008 |
SHILLONG - Eima hnoh-la ta eima vaw palasa chiehpa hawhta Shillong MSO Sub Hqrs. ta Freshers' Meet 2008 cha rohna kawpa ta ama hma heih n'awpa liata Chief Guest cha Puhpa N. Joshua, Managing Director, JR Construction, Zarkawt, Aizawl, Mizoram a cha aw.
Atahma ta Chief Guest ta hruapa JR Construction ahneituhpa Puhpa N. Joshua he Marasaw hry liata reilei ta mawrah state pohpalohpa lia chhaota moh alaluah kawpa, hneirona lata ala kawpa nata eima pachy kawpa a cha.
JR Construction heta engineer nata thyutlia cha athaipa hlupi employment chhao atao lyma. Zarkawt vaih Zalawma building liata he office he a y haipa a cha. Marasawzy ta he hawhpa State pohpalohpa apachy tlah awpa eima hneipa he arohna hleikho ta eima hmia maniah a pakai hmeiseih.
Puhpa N. Joshua he Amobyu* khih apuapa cha ta, Mara sawzy hry liata ahlao atlohchaipazy hry liatapa a cha. Aizawl khihpi liata khihsa eita, Aizawl Mara sawzy hmotaona liata ahneina soh na' thih, daihti soh kawpazy pasai kawpa ta avaw pie tyhpa, chhie noh pha noh ta Marasawzy ta eima ngahchha kaw tyhpa a cha.
Ano he a hneirona nata soh n'a thi zy hara riethei sipasapazy mohohna lia chhao phusa avaw donate tyhpazy cha Aizawl liata newspaper nazy ta thata ama reithai tyhpa a cha. Thokhazy eima vaw palasa tua aw. Samaritan Homes, Seling; Motherless Babies' Home, Tuikual; Hermon Children Home, Durtlang; TNT Camp, Zuangtui and First Step Children's Home, Edenthar, nazy kha ko 2006 khata Rs.10,000/- chyu a vaw pie ei. He hawhpa he Mawrah liata ahneirohpazy ataopa ama chyh kaw. Riethei sipasapazy achah tyhpa he eima ly hmeiseih.
MSO Bangalore 'Laipho' magazine chata Rs.10,000/- a pie heih hra tahpa chhao eima vaw pahno hra.
Puhpa N. Joshua viasano Pihno Rotluangi chhao he apachy achhih kaw. Ko 2007 ko chhana lia khata International Conference of Jurists on Rule of Law (ICJRL) ta 'Scroll of Honour' ama hla. New Delhi liata ICJRL ta Conference ama hneina liata "Women and Child a victim of Crime" tahpa paper present cha ama reithai kaw sai. Ano he Special Guest chapa ta he Freshers' meet he ahlao hra aw tahpa bie eima dao hra. Aly achhih kaw.
Shillong MSO Sub Hqrs Chief Guest awpa ama noraih kaw nota he hawta avaw chahupa ei he Maraland.net chhaota eima lykhei kaw.
Shillong liata achu awpa ta a zatlo thiehpazy la pangiana he hlaotloh kawpa ta ama hma cheingei awpa ta khokheina eima hla hra.
Previous Related News:
|
Written by Bmmara on 2008-09-03 23:15:06
MARA rah khih moh zy he pahno pasia ei suh u Myubyu cha lei pata AMOBYU tlao a cha. | thank you
Written by admin on 2008-09-04 04:12:21
@Bmmara, eima vaw type chheipa liata correction navaw tao vata eima ly kaw. Article hropa liata Lobu tahpa ta khih mo Maw reih ta ama ropa Lawngban chhao he Pala a cha ngyu aw. Maubawk, Lawngban atah lai khaiha ta official record liata, eima vaw pahno chho leipa a cha. Rochhei tlamawhpa a cha. Apei eima tah kaw.
- Admin | Congrats
Written by Guest on 2008-09-04 08:37:23
Khazopa hmo taopa nata ryuareidah he pahno thai mapi tapa asia kawta avaw la. Rairuna nata vaduana tawta nama typa zydua kha Khazopa ta hmo rohnapa namo cha ta achavaw pachhua pano ei.
I wish You all the best!
-Patlo
Shillong | Nama taopha kawna
Written by Guest on 2008-09-04 11:03:18
Shillong MSO nama taopha hmeiseih. He hawhta Marapasaw apalaikhei tla a chapa, chyhsa siapa Khichhailaipa chata nama hrua hlapa he nama ryraona aronah hmeiseih.
Aizawl liata ei y nota, Aizawl Marasawzy eima bochha chaipa pakha acha tahpa vaw hmo pasia nata, Marapasawzy ky maniah apacha zie chhao ei hmo pasia kaw. Chhieno pahno liata ahmi cha reilei, baona nata chahkheina zy liata amoh hmopa acha tyhpa kha eipasahsa kawna a cha.
News liata ama palasa leipa, sakha eima hnolata thatih ei vaw theipa sakha cha, Aizawl City liata 'Steel Showroom' JR. Construction na ta ama pahy tahpa ei vaw thei. Eipalai khei kaw.
JR. Construction, tla parei ula, Marapasaw nata chi hro pho hropazy cha taihta byhna vaw cha mu vy. Ei khokheina asah chaipa eicha hla ei.
AChha chaina liata Shillong MSO tla parei mu vy.
Delhi Mara Satlia |
Powered by AkoComment 2.0! |
|
Last Updated ( Friday, 05 September 2008 )
|
.jpg "Viarah liata Mara satlia amopa tlah achapa")
