Maraland.NET - Aizawl MSO FRESHERS' SOCIAL roh-na kawpa ta hmah

You are here: Home

News

Aizawl MSO FRESHERS' SOCIAL roh-na kawpa ta hmah

Written by Maraland.net News Network

Sunday, 07 September 2008

AIZAWL, Thlarah(Sept.) 6: MSO Joint Hqrs. Aizawl Freshers' Social cha atanoh Eirinoh khata Aizawl Mara House liata hmapa cha ta; achu haipazy ama puapha hleikhota eima officers hneipazy nata politician-zy hnei khota Moonlight newspaper editor nata thyutlia hlasa thaipa Ls. T. Merisa, Ls. Jessica, etc, zy ama hlaopa chata a ziza atahma hla reih kah ta apa HOT-sa kaw.
Freshers' Social nopawpazy

(Photo: Left to Right: Stp. Cross P.Hlychho (Pre Aizawl MSO), Guest of Honour Shri N.Zahry, Chief Guest Vabeiha Hlychho nata Aizawl Mara Church Pastor Rev. FC Beicho)

Chief Guest chata Puhpa Vabeiha Hlychho, Mara saw tawhta Mawrah state pohpalohpa liata Tourism Department liata alaichaipa Director acha ngahaipa chata (ano he a y parei hmalei vata nohthlah liata ahlao hluh vei, pei eima tah kaw), Guest of Honour chata Puhpa N. Zahry, Joint Secretary, DCA & Transport Dept., Gov't of Mizoram a cha.

My dawh 10:00am rachhoh tawhta pathaopa chata, MSO Freshers' Social liana heta student-zy naw puapha kaw eita. Chief Guest he a daihti ta first session a hmakhai nata daiti rypao lei na vata a di sai haw. Cha tawhta Guest of Honour Shri N. Zahry ta... daihti a chhitha khei lyma; garlanding zy Guest of Honour hnoto a rohna kawpata piepa chata; a nohta Speech pha kawpa zy nata, pasyuna bie pha kawpa zy student a vy pakhy pa zy hnota a rei. Guest of Honour ta daihti athaopa tawta a chhana taihta student-zy a hma khei pa vata student chi tha tu pe naw zy chaota a cho lia ama ly hmeisei.

(Photo: Guest of Honour nata OB zy chhaota)

He function ahmana lia heta, eima MLA Puhpa P.P. Thawla chao a hlao hrata bierei na piepa a cha hra, abie reipa chhao apha kaw. Students' Organizations hro patawpa a vy pa zy ama phahnai ngaita. MZP Gen Hqrs. tawta -4, MSU Gen Hqrs -4, LSA Joint Hqrs - 4, SSPP -3, BSA-3,RSA-2 ...etc zyta ama hlao khei hra.

He hlei kho ta, eima rah la tawta distinguished Journalist Puhpa Jeffrey Khara chao ahlao hra. Eima rah tawta Artist a vaw hlaopa y chopa Merisa ta ziza a tao ngasa.... eima Guest of Honour nata President zyta a ma ly thai ngasa... a ma la pa hai hi :). He noh heta hlasa pa zy cha :- T. Merisa, Ls Lallawmkimi (PUC Singing competition liata Gold Medalist a cha nga haipa) Jessica B.Khuhly (Mizo Idol top 20) zy ta zawpi ama ei laih. He function liana heta Aizawl Mara satlia raihriana phapa ahneipa St. N. Solomon Beihlotha nata St. M. Lalrammawia zy chhao ama hlao hra. (Photogallery liata alapazy).

Guest of Honour ta pasyuna bie pha ngasapa reih ta cha hry liata a pei maw via pa cha:

"Mara na he chi nata pho riapha pa, hla no tawta a tiamapa tahpa ta Mangyuh penaw zyta ama pahno pa eima cha. Tlaikao na cha hawpa record hnei tla va ei"

"Tlaikao penaw zy hla ta Cha (learning) la hma eima sie awpa na acha. Mangyuh naw chaota Tlaikao pa hlata Mara naw hmo ama patu chatlie via mania ta ei.. record a y, English Bible chao he Tlaikao penaw zy hla ta ko 3 ta eima palia tua via sa lyuh!!!"

"Marapa saw Mara a chana a za khei pa cha ... khata na hma cha vei!! Hmo pa hlei pa hry lia tala ... Chi nata Pho a pa hleipa tluta hmo apa hmei pasapa y vei! A pei chai!! Chathai thei kawpa cha hrala na chi nata Pho napahlei khiatala y zie hnei vei! Civil Service khatluta laipa ma cha hrala na CHI nata PHO na zakhei/napa pha sai khiatala Civil Service thupa tla na cha, Chavata nathai na zy, na soh na zy cha na chu na zy na CHI nata PHO a zakhei leipata nata riapha ngasapata na dua khei khiatala khizaw liata HLAOTLO CHAIPA TLAO NA CHA AWH!!"

Function hneikhai nata photo session zy hneipa chata , cha khai nata DINNER ta apa zao. Eima Guest of Honour ta Dinner zy do khei pata a cha pa chie ngana ta ta... student zy y khei hmeisei ta ta. Ama ly hmeisei.

Moonlight Editor, T. Merisa nata laihsa thokhazy

Moonlight Editor, T. Merisa nata laihsa thokhazy

(Photo: Distinguished Mara Journalist Puhpa Jeffrey Khara, Editor of Moonlight Daily newspaper Siaha nata Mara top artiste Laihsa T. Merisa (extreme right) nata laihsa freshers thokhazy)

For more Photos visit Maraland.net Gallery : Click here

Aizawl liata achu haipazy ta Marapa saw tha pasa kaw tyhpa Mara chana azakhei beih leipa Aizawl liata ahmotaopa tawhta chhaota eima hmothei lymapa Puhpa N. Zahry tawhta pasyuna bie ama nathlie theipa he ama va ahneipachai. Freshers 50 hlei tlai ama y tahpa ta eima Aizawl Correspondent ta a reih hra. Aly achhih kaw.

Achuna chata Aizawl azapanga thiehpazy hlaotlohna tiamapa ta achuta quality education ama daochyu awpa nata hlaotlohna phapa ama hnei chyu awpa ta eima khokheina eima hla hra. (Fresher-zy nohthlahpa delete tlamawhpa liata ahlao ta eima vaw tlua via nga hra camera hropa tawhta, eima vaw update via heih aw)

Maraland.net with Aizawl Correspondent

Comments

Atluatla hmi kaw
Written by Guest on 2008-09-06 17:56:32

Atluatla(nuam) hmi kaw na. Guest of Honour bie reihpa he video zy Bangalore MSO hawhna khata y hrasala cha student suhrola tah a ypazy ta ama vaw nathlie thei hra awpa chata, ei vaw byuh kaw.

Aizawl MSO thatlopa ta sie lyma teh u.

- Abroad Mara

Ama chhievei dah cha...
Written by Guest on 2008-09-07 01:30:48

Aizawl Mara laihsa ama chhie vei dah cha... hehe... laihsa ala hluhvia eisala amo pha kaw awpatlai...

Puhpa Jeffrey Khara aza tao pha kaw heih. Laihsa Merisa deikua ahmi anano kaw ba...

mr.clue
Written by Guest on 2008-09-07 03:40:07

laisa alone tahpa kha alone hmeihseih awhpa pasai mapi,south India mara satlia nawta.

wow!!
Written by Guest on 2008-09-07 04:56:54

Aizawl liata Nopaw penaw nge nge la... a ro na kaw na. Guest of Honour ta pasyuhna bie a reipa khi a pha ngasa ta ei pahno. Mara a zakhei leipa eima peimaw bah hmeisei!
God bless!

pacha pasiana
Written by siatu15 on 2008-09-08 03:01:40

mara saw atah tyh hra pata lai kawpa hawta y tyh hra ei si la,cha eima chu ho tlo leipa nata eima hmotaona liata eima hlaotlo tlo vei khiatala...cha chhao cha a palaina zakhei a chhipa a cha.Chavata tiama papua via ei suh u.

Written by Guest on 2008-09-08 03:58:03

@siatu15, na reipa he ado ei tah hmeiseih. Atahma ta eima officer na he ama vaw retire tita Mara officer Aizawl liata ama y khao vama? Mawreih acheih thlahpa Mara apahlaona liata apua beih leipazy deikua ama poh via nga, he he vahneina ma vachhiena pahno thai aru kaw. Thlahchhana chota cha thaipa officer nata rai laipa ahria theipa eima peimawh hmeiseih.

- Pawlai