Maraland.NET - Eima Missionary na Mara rah ama kawngiana su nata Video Clip

You are here: Home

News

Eima Missionary na Mara rah ama kawngiana su nata Video Clip

Written by Maraland.NET

Sunday, 07 September 2008

Maraland.NET Sunday special presentation :

Eima Missionary nah - Revd. Reginald Arthur Lorrain nata Mrs. Maud Louise Ulander Lorrain ta Thatipha tlo khei awpata Mara rah ama kawngia tua chaina su ngia nawpa nata athei thlah nawpa ta Lobo bopa a cha. He Lobo bona su he Beino chavah tawhta kaw thliepata meter 100 rachhoh ahlapa, Kaochao khih kiahpah liata cha ta, DRDA lathloh laipa liata pasupa a cha.

He lobo rohnah ngaitapa he Maraland Gospel Centenary - Main Celebration ahmana daihti dated 10 - 18 November 2007 no khata pahy awpa ryh raopa cha ta, dated 14, Novermber 2008-pa khata Puhpa S.Khipo (the then CEM, MADC) ta apahypa a cha.

Lobo chhoh liata bie arohpa zy:

In Sacred Honour and Fond Memory of

Revd. Reginald Arthur Lorrain
and
Mrs. Maud Louise Ulander Lorrain

The First Lakher Pioneer Missionaries
here crossed the river Beino (Kolodyne)
and
Set their feet on Mara Soil
On September 26, 1907

"How beautiful are the feet
of those who bring good news!"
- Romans 10:15

ECM Choir zyta hlapha kawpa paryh pata Lobo ama pachono sa hra.

He eima Missionary na zy Mara rah ama kawngia tuana su he su pathaih kawpa cha ta, Holy Bible liata eima hmopa - Sinai tlah liata Khazohpata Mawsi hnohta aduana su, su pathaihpa a cha va ta apheiky pahlu awpata a chhopa hawhta,Keimo Marasaw zy cha ta cha he Lobo bona su he eima rah thlahpa la ta nopawpa zy ta su pathaih ngaitapa cha awpata he su he ama vaw tlyh ha hra. Supathaih ngaitapa nata angia kawpa achana yzie lyma hawhta, he su eima tlona daihti maih ta eima pheiky akypazy pahlu pata thlachhana hnei tyh awpa he Mara Krizyhpa zy eima tao hialia awpa a cha.

Ary liata Lobo pahy nopa Video clip eima vaw post pa hra.

Atahma chhao, he Video clip na mo khai tawhta, he Lobo-na su pathaihpa yna suzy hmo haw chita, na paloh liata khacha alai kawpata Khazohpata rai ahriapa achapa hawhta napahno pata acha khiah na pheiky nakypa zy cha pahlu hrala,he su he zakawpa nata pathaisa hrapata na pheiky nakypa zy cha pahluhh pata, na ynasu liana khata thlachhana vaw hnei ma y. Khazohpata byhna chapie mawh se, Amen.

Comments

mongyuh reih arei dah muarua cha..
Written by Guest on 2008-09-10 01:17:46

Eima CEM parohpa English a rei dah muarua cha... noza tla apachhih...

Written by Guest on 2008-09-10 02:00:59

video clip dua ei hmo thei vei...

Written by Guest on 2008-09-11 00:49:11

video clip na hmo theilei chhanapa cha computer nahmapa liata Adobe Flash Player install leipa a cha va ta a cha thei aw, YouTube.com he Adobe Flash Player format pa cha ta, atahmata Video clip he Youtube.com liata upload pa cha ta, .NET liata embed pa a cha.

Written by Guest on 2008-09-11 14:14:13

A Mongyu rei a reih pacha noah achhih kaw...
hlapy nazy hla a ma ngie pacha khinara a pava sakaw tlaina...
Duhcai siata

Fr.mrclue
Written by Guest on 2008-09-14 03:10:43

He hmo he ahla tawna khata vaw tao syulyu ha awhpa chata,ama chao ma ahri tuha myu.ko 100 hnola ta eima vawtao theipa chhao he apha thlah hra baona eeeeeee.