Maraland.NET - Atahma ta Aizawl Mara Church Sacrament a Special kaw (UPDATED)

You are here: Home

News

Atahma ta Aizawl Mara Church Sacrament a Special kaw (UPDATED)

Written by Maraland.net News Network

Monday, 08 September 2008

AIZAWL, Thlarah (Sept.) 7 - Aizawl Mara Church (AMC) ta Sacrament tla dohna atanoh Khazohnoh khata hnei hei ei ta, he Sacrament dona he special kaw vata a thatih nata nohthlahpazy eima vaw pala.
Aizawl Mara Church Sacrament

Sacrament adohtheipa malu 150 tawhta 200 rachhoh taihta cha eita, chahleikho ta MADC liata nopawpazy khi ama zatly no a chahleikhota Mara Evangelical Church (ECM) nopawpazy nata Mara Laihsa Theologian zy chhao ahlaopa eita a special hmeiseihpa ta eima Aizawl Correspondent ta a reih.

Dawh 11:00 pata daihti pathaopa chata, Sacrament tla do my a cha pavata AMC liata Khicho Macha(KMC) nata Macha(MC) na zy cha my dawh 10:00-pa ta AMC Achhyna O ama tlo khai.

Aizawl biatuhpa Pastor - Rev. F.C Beicho ta pathao na nata daihti zydua a hma. He he Aizawl liata ama tao tyh dah rai a cha, Pastor ta Holy Bible tawhta pachuna zy hnei ta bie a rei khai tawhta Sacrament doh pahmaopa a cha.

He Sacrament doh chy heta, AMC Local Secretary Macha Vabeiha Hlychho ta AMC member zy bie pahno awpa nata bie phua awpa peimawhpazy zawpi zy hnota pahnosana a hnei. He khai taw na heta Sacrament khuna poh he Aizawl Mara Church liata nopaw chai penaw panoh Macha Zakhu Hlychho(AMC Hyutuhpa) nata Macha N. Zahry(AMC Local Chairman) zyta pahyna hnei eita, he ama pahy ngano heta zawpizy ta zah-na palasa n'awpa ta adua khai (standing ovation ama hnei) Cha khai tawta Sacrament ama doh pathao pa acha tao tyh dah hawh ta.

Atanoh avaw pakhypa ama hlu ngasa maluh 150 tawta 200 rachhoh ama cha aw! Sacrament adohtheipa chhao 126 po ama pha tahpa Sam Byhna ta maniah a chho hra, ano hnoh chhaota a figure dopa maniah achho vata eima ly kaw.

Eima rah Mara-rah lah tawhta Politician alalua kawpazy a ma y ho loh cha hry liata cha eima Puhpa M. Laikaw CEM (MADC) chhao avaw pakhy hra. Atanoh la liata MEC(Mara Evangelical Church) la tawta Executive Secretary nata Mission Secretary zy hleikho ta Mara laihsa Theologian Ellen Hlychho B.D chhao a hlao hra.

Apakhyna bah khao ta Aizawl Mara Church liata ama tao tyh dah hawta AMC (Church) tlyhmia liata Thopi doh pahmao na ama hnei heih hra! He he Aizawl liata Mara Officer na zy nata AMC hyutu penaw ryhraona pha kawpa nata hmo pei maw kawpa a cha.

Pastor Ls. Ellen Hlychho nata thokhazy

(From Right to Left: Puhpa Jeffrey Khara, Stp N. Solomon Beihlotha, Stp. M. Lalrammawia, Stp. Beilaisa, Laihsa Theologian Ellen Hlychho zy.)

To view More Photos of Aizawl Mara Church: Click here

Su hrola ta Mara Awhnanopazy thatlo k'awpa ta ama sie lyma thei n'awpa ta khokheina hla pita, Aizawl Mara Church chhao Khazohpa nata Mara Awhnanopazy chata byhna vaw cha lyma mawh sy.

Note: Laihsa Ellen Hlychho Pastor hawhta eima vaw ropa kha eima correspondent ta a pahno chhei vata a cha. ECM(I) liata Chanozy ordain he pasai/hma mahleipa tlao a cha. Tawhta, Theology achupa he Pastor achupa tahpa reihkah hmakhaolei apha via chai ngyu hra aw. MEC lia deikua ordain theipa acha hri. Satlia Hmipha correction na taopa eima chaly kaw. Eima vaw so chheina liata net ahmahtuhpazy ngiathaina eima cha haw.

Comments

Written by Guest on 2008-09-07 23:50:17

Aizawl Mara Cghurch liata apakhypa zy pi he chysa 149 eima pha, Sacrament adoh theipa cha chysa 126 eima cha. Tawla ECM awnanopa heta Chano Pastor ama ordain pata ala vei. Aizawl tawta nama information dao tyna pa he nama kho akhie via pata eima cha haw. Maraland.net he hmasie via lyma awpa ta eima cha kho khei, Marapa zy chata byhna nama cha hmeiseih.
Sam Byhna

Alypa cha kaw tlaina...
Written by Guest on 2008-09-08 06:31:31

Aizawl Mara Church, palolie nama pachhisa kawna nama nothlapa nata thatih thiepa zy khihchhaipa rah tawhta eima vaw thei tyhpa la.

Eima nopaw nazy kha ama sia hmeiseih. Apalaikhei ama chhi kaw sai. Hawtih chaipa tawhta alaichaipa taihta ama theina rakhata atlana bie nata thatih zy ahiahrina pakhy ba khai, thopi dona daihti liata ama hnei tyhpa zy kha hmopha ngaitapa, amopatla a cha hmeiseihpa a cha.

Aizawl Mara Satlia-Laisa zy chhao amopatla nama cha hmeiseih. Mara zachhina nama ngiatla liata apahnie tahpa kha vaw my leipa bei ula, Marapa zy chata 'Thlala' vaw cha achhua mu vy. Eikhokheina eicha hla hmeiseih ei.

Thatih zy maniah vaw pathei tyh mu vy.

'Eima thaina, theina nata pahnona zy Abeipa nata Mara rah chata vaw cha lyma se'.

Delhi Mara Satlia

Moh padona
Written by Guest on 2008-09-08 06:38:17

Acho liata Photo liata nama vaw palasapa zy hryta Stp. Mama nama vaw tahpa kha ado vei. Stp. Beilaisa a cha hri.Bangalore tawhta M.Sc. Zoology apha kawpata patlota, zako 2007 tawhna khata Aizawl liata Teacher Training Institute Under Mizoram University liata B.Ed a tao ngahaipa a cha.(From Right to Left: Puhpa Jeffrey Khara, Stp N. Solomon Beihlotha, Stp. M. Lalrammawia, Stp. Beilaisa, Laihsa Theologian Ellen Hlychho zy)..

Satlia Hmipha