Skip to content
Site Tools
Narrow screen resolution Wide screen resolution Auto adjust screen size Increase font size Decrease font size Default font size blue color
Advertisement
You are here: Home arrow News arrow Latest News arrow URGENT - Thlahchha Khei Ahawna
URGENT - Thlahchha Khei Ahawna Print E-mail
Written by Maraland.net News Network   
Thursday, 11 September 2008
Eima pahno chyupa hawhta Satlia Sasa Armenia liata dawty achunga haipa cha achuna sula vasie heihta chasala noh thoh (3 days) ta a hawh ha vata a kiana University tawhta papuapa chata, he kyh liana heta Mara saw zydua ano chhaota thlahchha khei awpa ta ahawna a vaw tao.

September 6, 2008 ta achuna su liata a pazao awpa cha September 9, 2008 ta apazao awpa ta vatlo ta, ama University notice board liata papuahapa achazie avaw tawh thlah hata, University Rector zy chhao ko 6 chhoh ama pahno kawpa cha, bie achho awpa ta avaw tita, "Ahyma na cha cha pahno vana?" ama vaw tah thlahpa cha a paloh chhao apasa hmeiseih.

News eima vaw tao chiehpa hawhta Satlia Sasa he Mawhtah chakahna vata eima rah kawtlo ta, UK tawhta Christian Soliditary Worldwide (CSW) delegate nazy Mawhtah chakana eima tyhpa apathla thei k'awpa ama vaw tlo awpa a patohpatia hra abyuhpa vata Aizawl, Mizoram liata bahta zachah rei hata chavata noh 3 tlaita avaw hawh hapa a cha.

University tawhta papuapa he hno ama sy vei khiah cha a degree kha hmothei khao aw vei tahna a cha. Ko 6 course liata ako chhana hmata ko khophie sie hata he hawhta ama vaw taopa he pahno thai aru kaw.

CSW liata nopawpa nata President Pihno Baroness Cox chhaota ano pohpa tlaita Armenia la he avypa ta Sasa chhah a vaw reih awpa alyu chy. Chasala, sia mah vei.

Chavata Marasaw zydua eima thlahchhana liata athei ei sila he University tawh cheingei heta avaw patlo thei n'awpa nata ama py pakhua cheingei awpa ta eima thlahchhana liata a thei chyu ei si.

=====================================
UPDATE peimawhpa:

He comment-zy he vaw moh pasia pita Rev. Dr. Laiu Fachhai nata Satlia Sasa zy comment-zy vaw moh pasia pita net ahmahtuhpa hlupi ngiaryh leina nata paloh paha leina eima hnei thei aw. Rev. Laiu nata Sasa chhao nama pahno thai awpa ta eima khoh kaw.

Amo chhao he amo atah thai leina nata a takhona hawhta a pachapazy chhao eima y thei hra. Achha chaipa cha chyhsa cha atlohpaki leipa sai cha pita, achah (sometimes) ta atahma hla reihkah kawpa ta 'Stress' zy hnei tyh hra pita, he Stress eima hneipa he website liata comment liazy ta eima vaw kho tlamaw tyh. Cha hawhta Satlia Sasa chhao he a University kiana liata adolei kawpa ta pabapa a chana chochah liazy stress hneitheipa cha ta, cha hawhta Pastor Laiu chhao ta stress ahneitheipa a cha hra.

Cha Stress cha comment liazy ta eima vaw kho tlamaw daihti he a y theipa a cha. Chavata net ahmatuhpa zydua ta he hawhpa eima tyh daihti liata eima pahno thai khai awpa he a peimawh kaw. He hawhpa Stress related rairuna a y tita chhah achah eihpa hneipa ta comment baichhilei achhuah ei sila, a pacha thaina hnei chyu hri awpa ta Maraland.net mohta nama pahno thaina nata pacha thaina eima cha haw.

He ngalah he chaleipa ta hmiala chhao he hawhpa he a y tlamaw thei aw. Cha daihti liata comment na post/submit hlata bah pacha pathi chyu sila, stress release n'awpa ta hma lei a chhuah chyu ei si.

Comment-zy dua kha eima vaw unpublished khai haw tahpa chhao miah nama pahno khei awpa ta eima cha haw hra. He unpublished pa a chana he comment-tuhpazy nama pacha thaina eima cha haw hra.

Comment-tuhpa zydua nama chola liata alyna bie eima cha hla pita maraland.net nama pasona, nama khokheina, nama daihti songaitapa zy hma lymana nata pie lymana ta eima tloh lei no chhao miah nama khu tyhpa vata user zydua alyna eima chahla chanei heih hra. Maraland.net cha namo user-zy va ngalah ta ahlao atlohpa a cha. Active kawpa ta nama hlao pazao lyma awpa ta eima cha haw chanei hra.

God bless Maraland!

- Maraland.net administrators
FOR GOD & MARALAND ON THE INTERNET
Last Updated ( Saturday, 27 September 2008 )
 
< Prev   Next >
[ Back ]

Krismas hlazy

Krismas hlazy - Click

New Music Video

Click to play
Various Mara Artists - October Full Moon

Mara Mp3 player

Mara Music Player (Audio)
Click the above player or Click here (for Internet Explorer 7 alike)

Aizawl Mara House!

Eima Pasahsa!

Viarah liata Mara satlia amopa tlah achapa

UT Hmah lana

Union Territory Chôchah nata eima hmah lana dah
Union Territory Chôchah nata eima hmah lana dah