Maraland.NET - BBC cha ta Mara Cultural Dances & Mawtah video tao

You are here: Home

News

BBC cha ta Mara Cultural Dances & Mawtah video tao

Written by Maraland.net News Network

Saturday, 20 September 2008

AIZAWL - Thlarah (Sept.) kah khana liana khata UK tawhta delegates patho vaw tlo eita, he nona heta Mara Cultural dance-zy Mara House Aizawl liata palasapa cha ta, he he British Broadcasting Corporation (BBC) programme chata video documentary chhao taopaa cha.

Baroness Cox, Bernadette and Sasa

(Photo: L to R: Cameramen, Baroness Cox, BBC's Laihsa Bernadette, Satlia Sasa nata Mara cultural dancers)

Eima hnola ta eima vaw palasa chiehpa hawhta England UK tawhta Mawhtah rairuna eima tyh haipa pathla khei awpa ta Aizawl taihta a kaw tlo penawh Pihno Baroness Cox (a moh hmeiseihpa cha Caroline Ann Cox a cha), Rev David Thomas nata Laihsa Bernadette Sanhu zy ama chah chhoh ta he Mara la-zy he Aizawl Mara House tlyhmia liata palasapa a cha.

Sawlakia by MSO Aizawl

(Photo: Sawlakia performance by members of MSO Joint Hqrs. Aizawl)

BBC reporter avaw tlopa Laihsa Bernadette Sanhu ta he la-zy he documentary he taota, chahleikhota Mawhtah thatih chhao Satlia Sasa interview a hnei khei hra.

Sasa BBC interview

(BBC reporter Laihsa Bernadette ta Satlia Sasa interview a hneikhei nopa)

He noh heta Aizaw liata thatih alapakhypa chinano nanopazy chhao ama vy chyu hra. Aizawl MSO Jt. Hqrs. ta Sawlakia a ngia ngaitapa ta ama lah hra.

He delegate nazy nata achhohiapa ta Mawta Famine Relief Committe (MFRC) chhao paduapa a cha.

He video documentary he September 26 rachhoh heta UK liata ama broadcast awpa hawhta pachapa cha ta, India lia deikua ama papuana awpa daihti dopa pahno thei mah mapi.

For More Photos: Click here

Useful outside links:
Baroness Cox info at Wikipedia | BBC.co.uk | MFRC website Mawta.org

Related News:

Comments

A pha hmi dah cha
Written by Guest on 2008-09-21 07:12:52

Khatih ta mah a puah thei va awh? Minute 2 zyh ngalah vaw palah hla ei salah

Hmeiseila a pha kaw nah, Sasa a taohpha hmeisei.

Sawlakia a kiah nga no khi a chhielei hmi dah. A hy mah ih?

Aronah kaw.
Written by Guest on 2008-09-21 08:43:25

Sawlakiana liata Laisano khih eipahnopa a cha. ACHHITHAI kaw. Mara Laisa, Siaha Colony pa a cha.

BBC na cha ama vaw taopha kawna.Chano ta acholiata comment a vaw tao tuhpa bie reihpa he mo nata keimo Marasaw zy palopitlo lei zie aza lapasia kaw hei tyh.(Minute 2 zyh ngalah vaw palah hla ei salah).. He hawpa bie he saisona chata,saisona pathaipa liata pahly theipa a cha. Chasala, he ky liata eivaw reih kho kawpa deikula, eima rah rairuna nata Mawta chakana maniah atlo thlu ngahaipa vata he hawhta hmo a vaw y laipa a cha tahpa hi!

Mara Cultural Dances & Mawtah video tao pa acha tahpa taw chhao hma heta daihti pahryuna zie awpa cha napacha chhielie thai thla ha aw. Sawlakia he Minutes sano ngala pachha hmapa cha veih. Tawhta Interview nazy kha hnei eita kha Sasa zy chhao khata, chavata he hmo he Hmo serious kawpa a cha hri tahpa kha vaw pahno ha ba te u Marasaw zy.

St. Sasa na taopha kaw. Abeipa ta byhna chapie sahla, nasie lainawpa ky liata tha cha patlo maw syh.

Maraland.net chhao nama taopha hmeiseih.Marapa thatih maniah pahnosa thei lyma ei chita, nama hriapasana nata rah tha nama pasana zy he hraoleipa cha tiarah leipa awhta, Abeipata Marapasaw zy hmasiena nata laiseina chata byhna apie lyma aw tahpa chhao eihnabeiseih kaw. Vaw tiama lyma te u

Eima chaly kaw Marasaw zy pita.

Mara Lover