|
Mizoram: 2 Minority Concentration Districts Central sawkha ta bao |
|
|
|
Written by Maraland.net News Network
|
|
Monday, 22 September 2008 |
AIZAWL - Gov't of India, Ministry of Minority Affairs cha ta India rah chhoh liata Chichyhpa ama hluhna - Minority Concentration Districts (MCDs) 90 a tlyh papua ta, Mizoram state tawhta Lytai nata Mamit district zy chhao he pahlaopa ama cha hra.
He District liata chyhsa a pahrapazy he ta district hropazy a chadaipa ta, amozy akhopa ta ama y thei hra n'awpa ta XIth Five-year Plan chhoh ta hmasiena thata lakhei a chhuahpa a cha.
Mamit nata Lytai District cha heta India sawkha chata soh pachhuahpanoh ta, Lytai chata Rs.24.3 crore nata Mamit distrit chta Rs.21.6 Crore zy chata, ama district sano pahlypa ta Rs.45.9 crore a cha.
He district sano liata a chatliena lata rai hria pathao n'awpa ta Sept.18, 2008 kha ta Puhpa Haukhum Hauzel, Mizoram Chief Secretary zy chhaota meeting peimawh kawpa hneipa a cha. Meeting he ta Nodal Department chata Social Welfare Department raota, amo ta Deputy Commissioner (DC) zy siepahliepa ta hmah ama la aw. DC-zy chhihthana ry liata department nano nanopazy ta rai hria aw eita, a hlao atloh nata tlohvei chhao amo heta maophyuna ama topa hra aw. D.C zy he ta maophyuna ama chakaih hluhkaw vata department lata amohohtuhpa eihpa Dy. Development Commissioner post zy chhao baichhi awpa he committee heta a pathlu hra.
He District sano hnoh ama khawna chhapa nata ama hnaivianazy he mopasia awpa ta Gov't of India vyuhpa ta athaipazy chhithana ta Baseline Survey chhao ama hneiha hra. Thatlo kawpa ta nata sia kawpa ta rai ama hriathei nawpa ta, mokhei awpa ta State lia nata District level liazy chhaota committee chhao padua palah awpa a cha hra aw tahpa ta Mizoram sawkha biepuapa ta a reih.
He meeting liata ahlaopazy cha Puhpa Lalsawta, Principal Secretary (Social Welfare), Puhpa Lalbiaktluanga Khiangte, Secretary (ICT), Puhpa Vanengmawia, Secretary (Rural Development), Puhpa Nghaklianmawia, Addl. Secretary (Home) nata Puhpa Vanchungnunga, Director, Social Welfare Department zy ama cha a tah hra.
Maraland.net note:
Mawrah liata district sano he hawhta pacha eihpa ama chapa he alykhei ama chhih kaw. Lytai nata Mamit district zy he Chakma nawh nata Bru (Reang) nawhzy hluhna chata, literacy rate chhao a hnai kaw district hrola pachapa ta, chavata central sawkha ta a pacha kawpa ei ama cha thei aw.
India rah chhoh liata District hropa 90 pazy list cha he liata a moh thei, click here(PIB website).
Mawreih lata DIPR website liata a reih thei hra: click here
Powered by AkoComment 2.0! |
|
Last Updated ( Monday, 22 September 2008 )
|
.jpg "Viarah liata Mara satlia amopa tlah achapa")
