Maraland.NET - Thlachha Ahawna Update: Satlia Sasa thatih sia haw

You are here: Home

News

Thlachha Ahawna Update: Satlia Sasa thatih sia haw

Written by Maraland.net News Network

Thursday, 25 September 2008

Mara satlia Sasa, Armenia liata dawtyh achu ngahaipa ama University (Armenia State Medical University) tawhta papuapa a chapa cha ano akhokheituhpazy ta Armenia parliament taihta tlokhei eita, UK, USA nata Norway tawhzy ta delegates vawtlo eita Armenia liata parliamentarian-nazy nata meeting ama hnei khaohta pathla hapa a cha.
Armenia Parliamentarian-zy chhaota meeting

Armenia Parliamentarian-zy chhaota meeting

He University liata Dean nata Rector he Sasa dei he chaleipa ta chyhsa hropa zano hlei chhao ko avaw sie chiehpa nata asiengahaipazy pahlypa liata ko lalao nota student ama vaw paba tyhpa chata, he kyh he September 19 (Sat.) khata Armenia Prime Minister ta he University he phone ta a chhorei ei, cha tawhta Sasa cha vaw phone eita, chasala anota achhy mahleipa ta (phone pick up vei) ano a khokhei tuhpazy nata meeting ama hneikhai tawhta September 24, 2008 (Wed) zala 5:20pm khata ama hmotaopazy angiapachhipa ta reipha cheina nata ngiathaina ama vaw haw heih hra. He daihti deikua cha phone pick up pata ngiathaina ama hawna he a nathlie hrapa ta bie eima vaw dao.

Chahrasala, he issue he Sasa ngala dei chaleipa ta ko asie chiehpa liata adolei kawpa fair lei kawpa ta ama pabapazy cha ama y pyly hra vata, he he Armenia rah cha chhaota hmo phapa a chaleizie cha he meeting liana heta reipa a cha. Armenia PM nata Defence Minister zy he Sasa ta ano hawhta amopa Pihno Baroness Cox nata achhohia thai kawpa cha eita, Defence Minister chhochhi cha a yna la helicopter ta ama va tlypa hra a cha. Nothlah liata hmo theipa a cha.

Armenia Parliamentarian-zy chhaota meeting

Rah hrola tawhta delegates avaw tlopa Satlia Sasa chah areih awpa ta avawtlopazy cha legal action chhao la awpa ta ama thlahpazy ama cha, ary liata eima vaw palasa:

UK tawhtah atlopazy:
1. Baroness Cox of Queensbury
2. Rev. David Thomas of HART International Co-ordinator
3. Mrs Briget Gibson, Lawyer
4. Ms.Mary Anne Gibson, Physio-therapist
5. Ms. Healther Hornung, Former UK-Metropolitan Police officer
6. Mr. Nigel Eaton, Magagement Executive in Insurance and Banking, UK
7. Mr Pual Mellor, Journalist and Photographer, UK
8. Mrs. Kathy Mellor, Health officer, UK

USA tawhta atlopazy:
1. Mrs. Lee Miller, State Lawyer and formal UN lawyer, USA
2. Ms Kerry Dochery, Lawyer
3. Mr. Mitchell Moses, Lawyer to be
4. Mrs. Sara Takii, President, Federal Physio-Therapist Association
5. Ms. Ann Flandermeyer, International Relation and HART Co-ordinator, USA

Norway tawhta atlopazy:
1. Ola Simon Osttveit, Chairman and International Co-ordinator, New Start in Eastern Europe
2. Mr Erik Solberg: Co-ordinator-YWAM

Amozy he Pihno Cox ta Sasa chha rei awpa ta avaw khokheipazy avy theipa ama cha.

He hawhta a cha vata he Dean nata Rector zy he punishment ama hmoleipa chhaota biehneina ama hneipazy he Armenia Parliament ta student avaw y laih lyma awpazy chata rairuna ama tyh lei nawpa ta amo pathi awpa hawhta he meeting liata pathlupa a cha hra.

Armenia Parliamentarian-zy chhaota meeting

Sasa ta Maraland.net a chho dah ta, he rairuna ei tyhna kyh liata Thlachha nabaopa zydua nama cho liata alyna bie ei chahla hmeiseih eina, nama thlahchhana Khazohpa ta a chyh-ie tah leithei vana a tah hra.

For More Photos: visit Maraland.net gallery : Click here

Comments

Moses C. Tehlo, Chennai, India
Written by Guest on 2008-09-24 21:47:01

Paw Taisa Problem he eima Beipa Khazo pata arona kaw pata apathla khaihaw bapavata eima ly ngaitakaw. Abeipa mohe chhazaw ta rethai pata y leima mawsy! Amen.

Abeipa byhna arona chaima na!
Written by Guest on 2008-09-25 01:18:25

Dr. Taisa cho liata areikheituh pazy nata kyh avawpacha tuhpazydua eimaly ngaita, tahma hawhta achuna pazao thei ba awpa avawcha pacha aly achhih ngaita, Abeipa kyh kha miah apachatu pa he rairukawpa Mara sawzyhnota kha miah y pa lai lyma mawhsy!
Pa Hmo, Chennai, India

Aly theilei y mapi
Written by Guest on 2008-09-25 01:50:04

Abeipata Sasa rairuna pathla khei awpata a chyhsazy a vaw tuapazy hmo nata Khazohpa hmotao theina ei na pahnopasiasa via heih. Ei ly kaw. Sasa chhao Abeipata cha chahkhei lyma chy mawhsy.

susupaw

emon_mara
Written by Guest on 2008-09-25 03:13:49

a ly pa acha kaw na..A BEIPA MO CHA REITHAI PATA Y MAW SY...AMEN