Maraland.NET - PMGSY Mararah chhoh liata rai ama hriana mopasiana

You are here: Home

News

PMGSY Mararah chhoh liata rai ama hriana mopasiana

Written by Maraland.net News Network

Thursday, 25 September 2008

Mara rah(India- Mara) he 1399 Sq.kms(Area) ngala a kawpa chata, Motor(Motor Chypa chi 4x4 china)zy he cha khih to ta a sie pahlie thei khai hapa hawta a cha.

Chasala, Metal tah palo chiepa he eima hnei chy kaw.

Mara rah chhoh liata lalai siena dah he amohoh tuhpa zy la tawhta saipa ta kaono lata pachhai theihpa a cha. BRTF ta mohoh haipa nata PWD Mizoram State ta mohoh haipa zy ta. Tahma ta eima vaw palasapa he cha PMGSY,(under BHARAT NIRMAN: Ministry of Rural Development, Gov`t of India) Mizoram State PWD Dept. ta mohoh haipa, eima rah chhoh(Maraland) liata ama raih hriana mopasiana a cha.

(File Photo: Notla Marara - West Maraland Road map he moh hra tua u)

Ko 2005 pa liana khata Union Gov`t of India ta ‘Tha Pradhan Mantri Gram Sadak Yojana(PMGYS) tahpa 100% Centrally Sponsored Scheme vaw pachhuapano ta.He scheme he ko pali(4 years)2005- 2009 chhoh ta suh chakipa nata thotla viapa zydua sopaliena phapa ama hnei thei nawpa ta lalai phapa azaona tao khai awpa a cha. Achhua chaipa cha arah chhoh dychhiena pahlei nawpa ta taopa a cha ta, Ko 2020 liata India rah he Developed Country liata akhai ba hrawpa a chhua vata chhao a cha hra.

Hmalana sakhana(first phase) liata cha India rah chhoh liata thotlapa, by rah(Plain Area) liata cha malu - 1000 pahrana, Tlarah(Hilly Area) liata Malu- 500 pahrana zy cha lalai phapa, Metal road ta patlosa khai awpa ta pachhuanopa a cha. Asanona(Second phase) liata chhohchhi cha tlarah nata Desert rah liata ypa zy chata Malu -250 pahrana khih zy mai cha he scheme ry liana heta lalai chao khai awpa a cha. He zydua patlo khaipa acha thei nawpa ta India sawhkha ta phusa hma awpa ta aparysa chiepa cha $26 billion a cha.

Eima rah (Maraland) chhoh liata PMGSY tah araihhriana suh zy cha he hawhta a cha. Ko 2006- 2007 chhoh liata sanctioned taopasai a cha. No-aotla(Niawhtlang) – Chakhei(Chakhang), Kaochao E (Kawlchaw E) – Saikao (Serkawr), Zyhno(Zawngling) – Chapi(Chapui), Theiri – Tsi(Tuisih), Kaochao(Kawlchaw) – New Laty(N Latawh), Amotla(Rawmibawk) – Thiahra(Phalhrang) zy a cha.

No-aotla – Chakhei he 23.26Kmp chata, he lalai ta asie pahliepa khih zy cha: Lobo, Chhaolo nata Siata zy a cha. He lailai chao nawpa ta phusa sanctioned na zie cha 613.84 lakhs a cha. Chao khai hapa cha ta metal mahpa cha vei.

Kaochao E – Saikao he 11.80 kmp chata, phusa sanctioned na zie cha 298.91 lakhs a cha. Chao patlo hawpa chata, chasala Metal mahpa cha hra vei.

Zyhno – Chapi he 41.68 kmp cha ta, he lalai ta asiepahliepa khih zy cha Chheihlu nata Mawhro a cha. Phusa sanctioned na zie he 1624.53 lakhs a cha. Tahma hria nga haipa cha ta, MLA Election a vaw y awpa November 2008 hlata patlo achhuapa a cha.

Theiri – Tisi he 6.85 kmp chata, phusa sanctioned zie he 274.83 a cha. Chao khai hapa cha hra ta, metal mahpa cha hra vei.

Kaochao – New Laty he 19.03kmp chata, phusa sanctioned na zie he 783.73 lakhs a cha. raih hria ngaipa achapa hawhta bie daopa a cha.

Amotla – Thiahra he 11.44 kmp chata, phusa sanctioned na zie he 494.35 lakhs a cha. Tahma raih hria ngahai hrapa a cha.

PMGSY ta eima rah chhoh liata araih hriapa he patlo khai mahpa cha leipata, a lathlo chaopa zy cha ahluvia patlo hawpa a cha. Chasala, metal awpa nata culvert nata side drain zy deikua tao khai mahpa cha tla mah veih. Raih hriapa zao ngahaipa a cha. Ama raih hria dah he type nano nano ahneipa cha ta, keimo rah chhaoh liata ama hriana dah he ‘Regular PMGSY’ type a cha.

He ama raihria chiepa zy tawhta mohpa ta Chakhai lata asiepa he palo tla achhi lei kaw. Hmiala liata eima vaw roh ha chiepa hawhta Siaha Tlapi tawhta No-aotla khih angia chy taihta PWD lalai paropa kha angiapapa chata, alathlo achhuthla chakha hleikhota, bua kaw ta, laki zy chhao achhie kaw. Motor laipa chi zie theina awpa cha leipata, City Ride hawhpa chizy sie thei na ngala a cha. Metal ama palopa chhao akhy khai ha bah ta, sao daihti liata cha rairuna atlokhei hlu kaw thei ei aw hela ta lathlo ahmapa zy chata cha. Motor asiehlaipa zy ama tyh chata atlie nawpa su kawhpa chhao hnei veih ei. He hela biehneituhpa zyta vaw moh pathi via eisala alypa cha kaw aw.

Araih hria nawhpa dah zie guide line pha kawpa hneita,Motor laipa sie theina acha awpa chata, atlahpi viapa ta lalai chhuapha he leizai ama thyna rei leipa ta 18 ft a kawpa a cha cheingeih awpa a cha. Lalai ama chao nawpa zie cha, ahmiaka lakha slope pha kawpa 70/60 degree slope pa a cha awpa a cha hra. Hmiaka adaila zydua kha side drain pha kawpa taopa khai awpa a cha hra. Chava nata hawsipa yna maih liata Culvert tao lymapa cha hra aw.

Ary liana heta asia viapa ta pahno khopa zy chata PMGSY official website link eima soh.

PMGSY: www.pmgsyonline.nic.in

Bharat Nirma: http://www.pmgsy.nic.in/bharat_nirman.asp

Comments

emon_mara
Written by Guest on 2008-09-25 03:09:21

a ly pa acha kaw india sawkha he a chysa ky apa cha hmeisei,a chysa deikua a chysa ky pacha hlei vei...

Written by Guest on 2008-09-25 13:08:56

Cha phusa ahluh rima cha. Hlaotloh kawpa ta raihria thei khai ha ei sala aly achhih hmeiseih aw. Contractor nawh phusa ama nie awpa angahchha chiehpa tla alyu he, phusa ahluh hmeiseih. A leilo sawzy ta contract ama hriathei khai khiah la aly achhih kaw aw.
- Notla Mara

ado kaw tlai na - Notla Mara & emon_mara
Written by Guest on 2008-09-26 01:03:10

-Notla Mara, na reipa eicha py khei kaw. A rah leilo saw zyta he Contract raih he hria khai thei eisala kho achhi kawpa a cha.

Thokha zyla ama hmo holo hra. Ama moh reih awpala angia leipa ta, achhapa eima Marasaw tawhta eima pachy kaw saipa zy cha eita, Maraland political Leader acha haipa zy ama cha vata.

No-Aotla Chakhei zy chhoh chhi khi cha Metal nawpa ta Sanctioned taopa acha ha ba hri. 23.26kmp he first phase liata Metal awpata Tender taopa a chapa hawhta reipa a cha. Chavata, acho liata ama palasapa phusa sanctioned na zie khi thokha zy cha Metal palo nawpa ta santioned ei nona zy acha holo thei aw. Asia viapa ta PMGSY Website tawhta amo thei sualua va ma? tahma ta ama vaw pasalapa he cha website liata ala dah chhao a cha chai he maw cha.

emon_mara, na comment chyu kawpa khita y zie ahnei kaw. Eimothlaw liata nata eipaloruhpa liata la Article pha kawpa areihpa hawhta eipacha cha maw! Na hmo dah he a do eicha ta kaw. India sawhkha he cha maniah apacha hmeiseih. Hma pado sihla cha East lata eima unawhpa Mara mo zy chhao eima baokha thei kaw ngyuna taihta ei vaw tah nga kaw. India Sawhkah heta Centrally nata State through pata baona maniah apiepa nata raih ahriapa ahlu kaw.( Eg. NREGA, Food for Work, PMGSY, BUFFACOS, Osa baona (Rs. 20000/- mah pa), Slum area development Scheme, BRGF, etc. tec..)

Chasala, emon_mara reihsa ta keimo a hriatuhpa nata hma tuhpa zyta keimo sasyh ky apacha ma pi tahna a cha. Hma eima sie lei tuh ha.

Marasaw thyula, khai bah baola....
Delhi Mara Satlia