Maraland.NET - Orkut MARALAND Founder at Social Networking web world

You are here: Home

News

Orkut MARALAND Founder at Social Networking web world

Written by Maraland.net News Network

Thursday, 25 September 2008

SILICON VALLEY - Social networking website-zy he khizaw thyutliapazy deita chaleipa ta nopawpa hlupizy chhaota viasa rihcha lohkhy a connect n'awpa chata thata hmah eita, school sakha tawhta apuapazy ta ama school alumni zy apazao eita, thokha ta ama state moh nata rah mozy, chi moh nata hobby - sports nata ahlupi ama pahahpazy community tao eita ama pazao tyh. He hawpa sakha alaluah kawpa liata MARALAND community padua hrapa chata, social networking website thatih chyupa nata he MARALAND community founder thatih chyupa chhaota ary liata eima vaw palasa.

Cha liata alaluah chaipazy cha MySpace, Facebook, Orkut, Hi5, Bebo, Friendster, Pagii, Cyworld, etc, zy he chata multiply, blogger, fotolog, skyblog, livejournal, studiverzeichnis, etc zy chhao he social networking website hawhta pacha hrapa a ma cha hra. He social networking websites ahneituhpazy he millionaire ama cha khai ha ba.

(In the picture is Social networking map of the world: Bigger pic here)

Anodeikua rah tota hmachaipa, nata ama hmahluh chaipa he a y khai. Facebook cha rahto liata ama hma thlah taraw pata USA, South Africa, Australia, Canada, Egypt, Venezuela, Italy, UK, Norway, etc liazy he ta ahropazy hlata alaluah via pachaipa hawhta pachapa a cha. Cha hawhta MySpace chhao acho liata Facebook nata ahmatuhpa ama lyu kaw hra. Cha hawhta, Cyworld he Korea liata alaluachaipa a cha hra. Orkut cha India, Pakistan, Brazil zy he majority viata ama hmah hra. Pahno pasia via n'awpa chata acho liata pic khi alaiviapa moh ma y.

Chyhsa pakhata network hlupi liata account a hneithei khaithlah vata thokha chhuna dah ta cha users hluna la ta cha MySpace, Facebook nata Orkut he hmia asa awpa hawta reih eita, Bebo nata Hi5 users zy ta cha ama zokhai lei thei hra.

Reichiehpa hawhta India liata alaluah chaipa Orkut chhao he US nata rah hrolazy chhao ama hmah kaw pyly.

The main thing is to keep the main thing the main thing:
Cha ta, Orkut liata MARALAND community avaw paduatuhpa (Founder) cha Bihar state liata dawty achu nga haipa, Satlia Joseph Dena a cha. Ano he atako ko chhana liata MBBS he avaw patlo haba aw. A ko la chhao a hawti kaw chy.

Orkut Maraland Founder thatih chyupa:
Dr. Joseph Dena Orkut Photo

Dr. Joseph Dena tahpa ta a reileita liata eima aw palah ha bah thei awpa Satlia Joseph he Mara rah nochhi viala liata Chhaolo khihpa cha ta, Puhpa Ngochhy nata Pihno Siaza saw papalihpa liata a u thei chaipa a cha. Chapaw patho nata a seihnai chaipa chano pakha ama cha.

Ano he internet savvy kawpa chyhsa hmo apacha kawpa chata, ano website www.josephdena.info chhao eima hnola kha taota, achuna abuatu vata apazao khaoleipa chata, Mara sawzy kyhtoti liata hmasiena apha hra awpa ta akhoh kaw tyhpa a cha. Maraland.net liata user active kawpa chata hmo peimawhpa liata Mara rah cha nata Maraland.net cha chhao apasai ngathlahpa chyhsa a cha.

"You can't do everything that you enjoy, so enjoy everything that you do" tahpa he ano quote pipaw kawpa ado kawpa cha achu haipazy chata pacha awpa peimawh kawpa tlai a cha.

Chapaw saw cha hmo ama taona liata alapa he chapaw saw dopa cha eita, rah kypachana cha cha achuna liata tiama papua pazy hmotaona liata tiamapazy he adopa a vaw cha tlaina tahpa ano hro tawh chhao heta hmo theipa a cha. (Note: Maraland Pasaipha chhao category thiehpa eima vaw tao tita eima vaw palasa lyma ba hra aw.)

Achuna phakawpa ta avaw patlo thei awpa ta thlachha khei chyu hra su vy.

Orkut Maraland liata member 28 y hai pita a y mahlei pazy nama y khiah avaw pazao hra mu vy. Orkut he Google company eih a cha. He Orkut Maraland liana heta Mara saw internet hmana liata a ypazy ama ki kaw sai. Mara Christian Network chhao pahy pathaopa a cha hrata Satlia Joseph chhao he member pha kawpa pakha a cha hra. Tlyla apazao hra ma y.

Orkut MARALAND tlah parei mawh sy.

Click here to visit (you must be login to view the community)

Comments

Apha hmi kaw
Written by Guest on 2008-09-25 17:28:01

Apha hmi kaw hei dua maw! Marapa saw zy pita khizaw IT phana ei ma chadai pazi thei lymapa he aly ei ta ngaita kaw.

Good Work!
Written by Guest on 2008-09-26 00:45:14

Mr. Dena, na taopha kaw heina.Eichapalai khei kaw. Hmiala ta na Homepage zy kha tao khao va chima? Tly apha kawpa tlai ta. Syhta, Bihar ti laipa kha nama chuna suh zyla cha papua hrao vei na?

Marasawzy eima dua lei zie maniah na vaw pahnosavia hei na! IT lachha hma eima siena he hmaphahnaipa eima rah liata a vaw cha tita la Tlaikao va angiah khao leita khizawh eima chahry ha bah aw..

Dena, na chuna liata hlaotlohna phapa na hmo cheingeih awpa ta eikhokheina asah chaipa eichaw hla.

Marasaw hmiala pangai lyma suh vy.

Delhi Mara Satlia

Joseph Dena - Maraland.NET nata Users zy
Written by Guest on 2008-09-26 03:49:25

A hmiatuata Maraland.NET hnota a lyna bie ei rei. Users zy ama pa peimawsa thai kaw pata eipahno.
Politics reikah hawta, maraland.NET heta grassroot level nazy pi he mania ama pa peimawh sa hmeisei tahpa ei pahno. Rah chata ama hmo pachhua pano pahe a hlao tlona ala kaw (keimo zy thatih zy ama vaw rona taw heta, ahypa hmata ama my leizi a la kaw).

Tawtala, Delhi Mara Satlia hno chhaota alyna bie ei rei hra. A chu haipa tla cha hra nata, hmo dohpa nata doleipa zyta pachana a pabua kawtyh hrapa eicha. He vana heta kei hawta MARA saw hropa, a chu haipa zy chhao ama cha hra ngiathia nata eipa ngiasa pa vata kheihawpa kao lata chhama a pasyu palyu ta, rei pahmaona zy hnei awpa ei kho kaw typa vata, Idea nano nano pa zy chhao vaw y tyh ta, kha keima HOMEPAGE chhao kha experimental hawta ei vaw tao hrapa a cha.

Student life liata cha daiti hai eima hnei leipa cha leipata, a hma da thai he a ru kawpa vata, vaw tao pazao thei khao leipa nata , arai leipata eichhuana hawta satisfactory tu lei vata zy chhao a cha.

Daihti phapa / Daihti hma dah eizaw thai via tita ei vaw chhuano hei aw.