Maraland.NET - Maraland Missionary Day Alyna chota hmah

You are here: Home

News

Maraland Missionary Day Alyna chota hmah

Written by Maraland.net News Network

Saturday, 27 September 2008

SIAHA - September 26 he Mara sawzy chata noh peimawh kawpa eima missionary nawh ta Mara rah pheita ama kawngia noh a cha. Zahia kha arah pohpalohpa ta he noh he thlachhana nata alyna chota hmapa a cha.

Ko 1907 September 26 ta Thatihpha cha vaw tlo ta, atako 2008 ta cha Ko 101 a vawpha haw. Aly achhih dah he pakah ta reithai awpa cha vei.

Rev. R. A Lorrain thatihpha tlah a aw khei tuana su

(Rev. R. A Lorrain thatihpha tlah a aw khei tuachaina su liata he cross he bopa a cha, a thatihpha tlah awh kheipa bie 'Thyula, khai teh!' tahpa a cha. Pic liatapa he Maraland.net Aizawl Correspondent Satlia N. Solomon Beihlotha a cha.)

MCF Delhi zy cha zahnia Missionary Day noh kha aly kawpa ta St. Ferdinand Nohro O, Autram Lines, liata zala daw 4:30 pm tawhta apakhyna ahmapa a cha. Achuhaipa zy sai ama cha vata Class zy ahneipa cha eita, chavata zala tawhta daihti he ahmapa a cha. St. Ferdinand ta apakhyna he chhitha ta, Ls. Sheena ta pathaona chata Biehrai reihna nata thlachhana a hnei hra. Sharing he St. Mama Chozah tah reihta, a biepipa chata a hmapa cha, "Krizyhna zawhzi ta Mara rah Hmasiena" tahpa a cha.

Sharing reihna hnei khai tawhta Zawpi thlachhana hneipa chata, Abeipa lata alyna bie reihna nata khizawh rahto liata a y haipa Marasaw zy chata nata eima ngiapalapa Mawta chakana zy vata taola atao nga haipa zy chata thlachhana he hneipa a cha hra. Pakhy ba tawhta Missionary Day Refreshment paha kawpa nie-do khona daihti ahmapa a cha hra.

Mara Christian Fellowship (MCF) Bangalore deikua cha he daihti he September 21 ta Khazohnoh asuh vata alyna special programme hma achhuah ta Police la tawhta vai thei awpa ama pangiasa leipa vata apakhyna hnei thei khao vei ei.

Mara Students' Organisation Headquarters deikua cha General Conference 2008 Tipa 'V' liata hnei eita, September 23 - 25 chata, he Thatihpha tlo noh he a pai noh, ama khih la zy ama sie noh ta ama hma. He chochah liana heta Maraland.net admin la ta email ta ama paloh acha leizie avaw reihpa ama y holo. He tawhta avaw sie laih lyma awpa liata programme eima taopazy he bahta mo pasia viapa cha tyhsala a pha kaw aw.

Khizaw rah hrola ta cha BBC ta eima rah a ei pachaipa ta Nochhi (East Maraland) liata mawhtah vata rairuna eima tyhpa documentary ama taopa ama broadcast nohta a vaw cha.

He noh he paso thai sila alyna thlahchhana chata kha hmah lyma tyh su vy.

Eima missionary nawzy cha y khao vei hra ei sala khaina mei-oh ama vaw bopa deikua cha chhazaw ta thi khao aw vei.

Thatihpha avaw tlokheituhpazy phei cha angia ngaita kaw dia!

Eima missionary maniah ahrolah tlakaipa Pihno Vaili, Rev. L. Mark nata achhokhazy chata eima thlahchhana liata kha a thei tyh su vy.

Comments

ACHHIE VEI KAW
Written by Guest on 2008-09-27 23:36:48

Bt Tipa liata khiama na y chata na ta navaw chatlie kaw.. Tipa liata Mrs zy, Smk zy, Vst zy chhaota..... reih khao hlei awma pi apha tuha....
- ab