Maraland.NET - 'VYPHAO' Maraland Herald Magazine Chalei cheingei chi

You are here: Home

News

'VYPHAO' Maraland Herald Magazine Chalei cheingei chi

Written by Maraland.net News Network

Saturday, 27 September 2008

Maraland Herald Magazine 'VYPHAO' cha MSO General Conference 2008 Tipa 'V' liata hneina liata hlaotloh kawpa ta released hawpa a cha.

(Maraland Herald Magazine 'VYPHAO' Cover Scan)

He Magazine peimawh kawpa a release tuhpa he he Conference liata Guest of Honour Puhpa V. ZACHO, Education Officer, MADC a cha. 25th September 2008 kha ta a release pa a cha.

He magazine he 'Vyphao' tahpa ta biepa chata a moh chhao angia kaw. A chhoh liata article a ypazy cha pahno thei mah vei hra ei sila, article athyutuhpa thokhazy cha Rev. Dr. Laiu Fachhai - distinguished theologian and former missionary to African continent, Puhpa P.T Hlychho, English-Mara Dictionary ataotuhpa nata Puhpa Derick Salai Solo, well known Critic, writer, political analyst zy eima rah khothola tawhta a thyupazy cha eita, article pha kawpa ahluh kaw nata eima pangiasa.

Magazine board ta a rei dah ta copy chyhta ngala zua theipa chata athohna a y awpa ta taopa a chalei zie ama reih pasia hra. A chokyh zy chhao Black & White ta taopa cha ta, student zy thapasana vata taopa a cha zie ala pasia kaw hra. Critic zy ao maraland.net liata hluhkaw hrasala hmopha eima pahnopa cha tao basai awpa chavei tahpa he VYPHAO release pa a chana tawhta ala pasia kaw. Basai chachei leita hmopha eima pahnopa he tao pazao chyu lyma tlai ei si.

(Editorial Board zy file photo: Thyutliazy mass media liata adventure eima hneituana a cha tah theipa a cha. Khokheina thlahchhazy vaw bao tyh hra mu vy. Photo source: Saihaherald.co.cc - clickable link ary liata a y)

Anodeikua cha a cover nata colour zy hla chhaota a peimawh viapa cha achhoh liata a ypa article zy he a cha. Chavata he Vyphao Content index he maniah vaw pahmo thei ei sala eima ly kaw aw. A chhoh liata article a y pazy preview khaota khothola tawh chhaota ama chalei khoh cheingei awpa ta eima pangiasa.

Chalei theina su liata a ypa a chalei mah leipazy chalei chyu awpa ta Maraland.net ta chahrua pita, khothola ta a y pazy chhaota nama pazua chyu awpa ta eima cha haw hra. Mararah liata magazine ko chareihta apuapa he reikhi chhao y vei. Chavata apua tlakaipa he cha chalei chyu sila apha kaw aw.

Rairuna zydua chatoh papuapa ta Maraland Herald Magazine VYPHAO avaw papua tuhpa Saiha Herald Daily Newspaper hnota eima lykheina eima hla hra.

With inputs from SaihaHerald.co.cc

Note: Email ta hiahri khohpazy chata : Computer Er. Colin Ngohai Chozah, Editor, Saiha Herald - This e-mail address is being protected from spam bots, you need JavaScript enabled to view it email liata a hriahri thei aw.

Related News:

Saiha Herald Daily Newspaper Editorial Board zy

Comments

Congratsss Herald Teams!!
Written by Guest on 2008-09-27 23:41:16

eima chaly khei kaw.. Marasaw zy he hawta thapasana nama hneipa, practical tlaita nama palasapa he arohna hmeiseih... "ahnazola pacha byuh vei,,, achhosoloh na pahno eikhoh" ama tahpa kha..
-Nochhi Awkhypa

Written by Guest on 2008-09-29 09:44:26

Congrats Maraland Herald for the success. Vaw tiama lyma tua u. Thyutlia vawthyuba teh tu tah pita, ama vaw thyu haw, eima support chyu a byuh. Vyphao chalei chyu ei si.
- Chakhei Chakie

Herald team!
Written by Guest on 2008-09-30 17:17:09

Khei khei khei, Maraland Herald team tiama lyma mu vy.
- Keimapaw :grin

order
Written by Guest on 2008-09-30 22:42:46

vyphao a order thei ma?

Written by Guest on 2008-10-01 02:37:12

Maraland Herald: Vyphao Megazine Preview he y thei sala kho achhi kaw na. Reih hrapa byu achhi kaw. order theipa acha tlyma?Contact nawpa add maniah vaw pie tuah uly..

Thyutliapa zy eima hmotaopa liata baotuh pha cha achhua sula, eiam chi nata pho, ti nata rah chata tiama papua chyu su vy.

Maraland Herald Team nama taopha kaw.

-Rah Thapasatuhpa-

helia hi
Written by Guest on 2008-10-08 21:45:24

This e-mail address is being protected from spam bots, you need JavaScript enabled to view it

mail paphao la, coin ta kha a siano kaw ta mia vaw chhy sa...a order khopa zy eima y holo thei!