YEREVAN - Satlia Sasa cha rairuna hlupi siepahliepa ta ano akhokheituhpazy nata ryhraona taopa ta Doctor of Medicine (MD) Final year (6th year) cha Haybusak University of Yerevan liata liahsa avaw pazao haw. Fee zydua a free khai, UK, Norway lazy Krismas Kothiehpazy hma hrua eita, summer vacation USA la. eima ly khei kaw.
(Sasa nata ano akhokheituhpazy chhaota)
He liata Khazohpa byhna adao kawna cha, admission fee, lodging/hostel fee, fooding fee zydua cha ano avaw khokheituhpazy ta vaw piepa khai ha eita he Haybusak University liata Rector Pihno Anahit L Harutyunyan ama moh rei awpa khoh tlaleipa eita paloh pathai kawpa ta fee pie byuhtla vei tahpa Sasa avaw chho. He he India phusa ta Rs.3 lakh rachhoh a cha aw.
Yerevan State Medical University achuna parohpa University tawhta credits nata academic papers zydua cha Monday, Sept 29 noh kha ta Haybusak University Rector hnohta hlakhaipa acha haw hra.
Pihno Anahit L Harutyunyan, Rector of haybuzak University ta phone liata he hawhta bie a vaw reih, "You are free from all the University fees, your accomdation fee and all the living costs will be directly paid by your supporters whom I don't want to metion their names since I am told not to mention, please also accept me as one of your moms in Armenia, I will do everything I can to help you become the best Doctor," tahpa kyhpachana ao soh ngaitapa avaw hlapa cha Satlia Sasa chhao aly hmeiseih tahpa Maraland.net a chho.
(Sasa nata akhokheituhpazy)
"He hlaotlohna zydua vana heta UK, USA nata Norway tawhta avaw tlo theipa viasa avaw khokheituh penaw zydua cho liata chhao alyna bie reih na ta, Armenia Prime Minister nata Defence Minister zy, Education nata Health Minsiter zy cholia chhao alyna bie rei awpa hlupi abah thlaha na ta atahma ta zawpi liata eivaw roh hawchiehpazy chhao he KHAZOHPA hmotao pahe no-ah achhi ta hmeisei nata fee zydua free ta achu awpa avaw chapa chhao he Khazohpa ei reithai rili," a tah hra.
(A peimawhna liata hma lyma thei awpa ta Sasa ama pahmapa Mercedes Benz car maru kawpa)
Haybusak University of Yerevan he International Academic of Education, Armenia sawkhana ryu liatah a y pa Universities 9 hry liata University sakha a cha, Inernational Academic of Education ry liata a ypa Universities zy cha aryu liah palasa pa Universities zy he acha:
1. Hayastani Amerikyan Hamalsaran, Yerevan
2. Yerevan State University, Yerevan
3. Haybusak University of Yerevan, Yerevan
4. State Engineering University of Armenia
Yerevan, Gyumri, Vanadzor, Goris, Kapan
5. Russian-Armenian (Slavonic) State University,Yerevan
6. Université Française en Arménie, Yerevan
7. Yerevan State Medical University named after M. Heratsi, Yerevan
8.Yerevan State University of Architecture and Construction,Yerevan
9. Yerevan Medical Institute after Mehrabyan.
Christmas UK la nata Kothiehpa Norway la hruanazy:
Chahleikho ta UK nata Norway la he atako Christmas nata Kothiehpa hma awpa ta hruapa ei ta, ava hlao cheingei awpa hawhta a reih hra.
SUMMER Vacation USA la:
USA la ta akhokheituhpazy chhaota Summer vacation nota vaw tly laih awpa ta ama hruana chhao cha ahlao atloh na ta kha alohzie a reih hra. US Mara sawzy ahmo theina daihti cha awta ama ly kaw hra nata eima pangiasa hra.
(Satlia Sasa ano akhokheituhpazy ama sie hla ta pawpi chhaota pathliena ama taopa nota nothlahpa a cha).
"Thlahchhana liata navaw bao tyhpa zydua cho liata ei lyna asah chaipa ei hla chanei ei," tahpa ta maraland.net a chho hra.
Khazohpa ta Mara sawzy thlahchhana chyh eipa ta hlaotlohna lapi avaw pahy pakhua khai vata Satlia Sasa eima lykheina eima hla hra. Eima thlahchhana liata kha a thei tyh su vy.
Related news:
|
Written by Guest on 2008-10-03 13:21:48
US la Summer Vacation vaw hma cheingei ma y. Eima chavaw mokhah kaw aw.
God bless.
- US Marasaw | A rohna kaw
Written by Guest on 2008-10-04 05:40:22
He thlahchha hlaotlohnazy he vaw hmo nata Khazohpa cho liata ei vaw ly hmeiseih.
Satlia Sasa, thatlopa ta sie lyma la, angiapana phapa na hneipa cha pathlei chachie ta kha y.
- Marasawpa | Pachana piena
Written by Guest on 2008-10-09 22:17:53
Na chuna nata na tiamana, na hlao tlona cho liata eima cha khokhei. Anodeikua a chuhaipa ei cha tahpa my kha. "Chakeipi ti a zaw ta a patlo chy ta a lahmei ti la a ny ha" ama tah typa bieso hawta na cha daimapa kha na my lei awhpa a pha. Tawla, Dr. tahpa title na hmo ma leipa ta thohna a chho lyma tahpa vaw thei pi ta, hehe a do khia la, cha cha hmo yzie cha vei. Nama ta na pahno via awh. Miakha hei cha "Dr. Sasa na tahpa ta awleipa ta cha kho vei tahpa vaw thei heih pita, a do hei khia cha "Dr. cha ma tlo leipa chi ta, pahneichhi a chhi kawhpa a vaw cha. Na hriana nata nataona mai liata Khazopa ta cha ypa lyma ta nama tao theina hawta vaw pacha tlamaw kha y. Na thati he nama sasy ta na phuapa hla ta chysa hropa ta vaw phua ei sala, a rei a pha via aawhpa tlai.
Zaiko Mara sawzy | Written by Guest on 2008-10-10 00:30:37
Dear Zaiko Marasawzy
Na comment piepa cho liata eicha ly kaw, Khazopa ta nahrona ta angiah pa byhna zy chapie via leima mawh sy tapa thlachha eicha bao hra.
Atahmah la eima rah la chaka pazy bao awpa ta eivaw tho nohta thohna eivaw phaopa zydua kha he hawh heta athati acha bie.
Prince Charles avaw tyh theina daiti phapa zy patupa chata Prince Charles ryu liah heta UK Doctors 800 hlei rai ahria pa hneita he doctor 800 hlei zy heta thohna eivaw phaopa zydua kha cha liasa taopa nata hmatheina cha liasa tao pata eivaw hma pa acha, hma lei awpa eivaw hma tlamaw pazy hawhta pachana a y khia deikua ngiachhi pata bah navaw ngia thai ha bei ma y.
Atawhtala Doctor chama leipa ta Doctor taleipa khiacha khovei tapa nathei pa deikua he cha hmodoh leipa acha.
Eiviasa zyta sasa, Atai, pawsa tla na tyh eita veiseih pa reikha phapa thokha zy heihta Dr Sasa zy tapa ta tla ana aw tyh hra ei, khei hawpa ta mia ama aw pachhao he awna reikha liah he cha buaba khei awpa eikha hmah pacha bei leipa nata he tawht chhao Dr hmo aw nata chatita chhao Dr tapa aw cheingei awpa tapa dah he hnei leipa nata he kyh liadei he cha achyta thati navaw thei chhei ha ngyu ei aw, he kyh liazy chhao na khokhei vata eicha ly kaw.
Kyhpita ti azaw na thati nata keima achuna na vaw compare pachhao he alyu kaw daihma ha, Chasala acha pathlala beileipa Khazopa ta na pathla la beih hra vei, he tawhta chhao he hawhta avaw cha lai lyma awpa zy ahlu kaw aw, chatita chhao thlachha na chota kha miah na dychhei lyma lei awpa ta eicha haw.
Achu haipa eicha he sasy ta eipahno kaw thlah ha, he tawhta chhao apahno via leima awpa eivaw chhua hra bei awna.
Angiachhie na liata na dychhei haipa
Sasa
Armenia | Written by Guest on 2008-10-10 08:52:07
Zaiko Marasawzy pachana piena eivaw chhy hma leipa avaw y tlamaw ha.
Na thati he nama sasy ta na phuapa hla ta chysa hropa ta vaw phua ei sala, a rei a pha via aawhpa tlai
Ado ngasa kaw,sasy thati tla aphua laipazy he no za chhao achhi kaw, keima pachana tacha Khazopa ta hmo roh nah ngaita kawpa eima chota ataopazy he eima reileipa achakhiacha moleina miakha atlo hawpa hawhta eihmo, ei patu chhei ha khiacha ei patu pado thei na'w pata thlachhah na bao hra bei ma y.
Dr. Sasa na tahpa ta awleipa ta cha kho vei tahpa vaw thei heih pita, a do hei khia cha "Dr. cha ma tlo leipa chi ta, pahneichhi a chhi kawhpa a vaw cha.
Khizaw liata eima pahneithei pa he thohna phachaipa miakha achapa hawhta achatala vaw pahnei pa tyh ma y, he bie achheina he akichia viapacha acho liata pa khita arei pasia khai nnyu aw ei.
Khazopa ta byuhna chavao via leima thlah mawh sy. AMEN.
Na Dychhei haipa
Sasa
Armenia | Written by Guest on 2008-10-10 09:01:01
Zaiko Marasawzy, tahpa arohtuhpa he na paloh a pathaipa rai pahno vana. Sasa cha Dr. tahpa hmaleipa ta aw awpa akholeipa ama reipa dua ei pahno tla vei.
Tawhta, Dawty a patlo hlata thohna achhuh lyma (injection apie) etc, tahpa zy cha hmo theipa a cha.
Tawhta, he byhna zy liana heta ano taotheina acha leizie Khazohpa la alyzie reihta, Mara saw chyhpa ta cha eima hmotao eima pahno kheikhai hri awpa ta thatih update pa a chapa he aly kaw awpa a cha. Chata chaleipa ta reipasipasawna dei thai he noza achhih chaipa a cha. Hmophapa ataona kyh liata Khazohpa ta ahmapa a chakhiah a moh aphapa chhao eima ly khei awpa chavei ma, isina paloh saita ma tlao eima bie hri aw? Pachapasia ma y. A peimawh chaipa cha nodi-dahphipazy niebaw chata tlawkha tlawno chha ama hmo khiah cha cha eima bua awpa a cha. Moh alana, alaleina liata Mara saw buakhao kha ei si.
Zaiko Marasawzy moh vaw hmah khao kha y. Zaiko Marasawzy tha na pachhie kaw. Avaw sohsi hrala apha aw.
- Marapa | Written by Guest on 2008-10-10 09:07:16
US Marasaw hnohta achhy na
US la Summer Vacation vaw hma cheingei ma y. Eima chavaw mokhah kaw aw.
God bless.
- US Marasaw
US Marasaw eicha ly kathluh ha, US la he eikha hmah vawsi mah leipa nata atahma noh chha hela daiti phapa eivaw patutheipa nata Khazopa ta ryuraona phapazy miah apato sa khiacha US la vaw charei awpa he eina byu hmeisei, apachai ta US Marasaw zy hmiahmo awpa he angiah tiah lei pata kha eiha thlah haw, US la Summer vacation ei hma theihra naw pata thlahchha naw bao bei ma y eicha ly kaw.
Marasawpa hnohta achhyna
He thlahchha hlaotlohnazy he vaw hmo nata Khazohpa cho liata ei vaw ly hmeiseih.
Satlia Sasa, thatlopa ta sie lyma la, angiapana phapa na hneipa cha pathlei chachie ta kha y.
- Marasawpa
Marasawpa eicha ly kaw, namo zy thlachha baona vata atanoh cha khokheituhpa hlupi Khazopa ta miah apie haw, Khazopata ngiachhina chota eina piepa ngiapana he pahlei leipata palaipasei sa via leima awpa achhua nata chachata chhao thlachha pata kha ei boh tyh, ngiachhi pata ngiapana liata laisa na hro zy eima hnei via leima thei na awpa chata chhao na thlahchhana liata kha navaw thei tyh hra bei ma y, eicha ly ngaita kaw.
Na dychhei haipa
Sasa
Armenia | Written by Guest on 2008-10-10 09:31:11
Dear Marapa
Eicha ly kaw, Zaiko Marasawzy tapa moh hma pata comment avaw pietuhpaw or no he thati zy na athei chhei tlamaw ha ei aw, thati siapa zy vaw pahno ha mawh sala keimo hawhta KHAZOPA la alyna bie tlao areih hra ngyu awna, thlachana liata kha athei ri lah vapi.
Eichaly kaw
Sasa
Armenia | Written by Guest on 2008-10-12 01:06:14
DearSasa, Hmiala tawhta na cha rohpazy vaw rei tyh hra nata khazohpa liata napahnie hmeisei tahpa vaw pahno nata eily ngaita kaw.tawhla reipachhiena zy,buabana etc.zy he hmophapa eima hmo chyta avaw y tyhpa achapa vata ataodah eima thai awpa apeimaw ngaita kaw.Acho liata Zaiko mara sawzy na chhyna chhao keima mopakha pachadahla apha eita kaw,chysa pitlopa yzi acha. Tawhla na hriapsana vata nata kyhpachana,ngiachhiena na hneipa vata rairuna na tyhpa chhao, he hlata arohna viapata chola eima BEIPA khazopata kyto liata byhna cha pie maw sy.Thlachha eicha vaw bao lyma. Beibei Shillong. | Written by Guest on 2008-10-12 03:13:20
Dear Beibei Shillong
Eicha ly ngaita kawna, na reipa he hmo doh kawpa na acha, Khazopa ta byuhna miah api kho via vata na he hawhpa hmo zy he avaw y laihpa acha.
Reisa hawhta Zaiko Marasawzy tapa moh hmapa pata comment avawrohtuhpa no or paw chhao he byuhna mia avaw tlo kheipa na achabao, yzi cha mia apacha khei kaw tana chata acho liata chhao eily ngaita kaw.
Thlahchha baona liata yparei ta kha athei keima suh vei, july thlapa eima rah eiva si noh ta shillong eivaw chapia hma khao leipa khala atano taih he eipacha parei ngala kaw tyh hra, he tawhta Khazopata ryu miah rao sala shillong vaw tlo thei heih awpa he thlachha pata kha eima mokhah leima bei awna, Shillong peak lazy, Pinic paha kawpa tao awpa kha angiatia achhi leipa hawhta Shillong Marasaw zy hmia ahmo heih awpa he eingiah tiah leima pacha, thlachha na liata kha athei parei leima su vei.
Nadychhei haipa
Sasa
Armenia |
Powered by AkoComment 2.0! |
.jpg "Viarah liata Mara satlia amopa tlah achapa")
