Maraland.NET - Taj Mahal : Sight-seeing invitation and notice from MSO Jt. Hqrs. Delhi

You are here: Home

News

Taj Mahal : Sight-seeing invitation and notice from MSO Jt. Hqrs. Delhi

Written by Mama Chozah

Monday, 04 September 2006

New Delhi,04.09.2006: Mara Students` Organisation, Joint Hqrs. Delhi ta tahma thlapa (September) second week liana heta Agra la Sight-Seeing hnei awpa achhuata cha liata asie thei awpa mai ary liata pasalapa no nata daihti raopa liata nama vaw pahnosa khai chyu awpata hruapa nata pahnosapa nama cha.
Taj Mahal, Agra. India

He Agra Sight-Seeing liana he Mara saw ahyrai ahlao khopa nata ama thei mai nama vaw hlao khai chyu awpa chhaota chapa hnosa pita eima cha hrua hmeisei.He he a pahnosana nata hruana hawta nama vaw py khai chyu awpata eima chapa hnosa via hei hra.

He ary liata palasapa zy hnona heta asia viapata apahno khopa zy chata a sao hia theipa a cha aw.

North Delhi:

Beipalaikhei Hlychho . Contact No. - 9910363881
Denish Solo.               Contact No. -9910363880

South Delhi:

Dr.K.Beiparysa            Conatct No. - 9910119248
Mapuii Solo                 Conatct No. -

He nota sie vawna chata Contribution Rs. 400/- chyu Ls. VT.Rosalin hnota Dt.10-15.09.2006 hlata pangia khai awpa a cha aw. He no daihti liata nama pangia hmaleipa chhaota acho liata palasa pa zy hnona khita pahnosa pata bie siapa ano nata daihti raopa liana khita apahnosa thei khai chyu sila alypa acha kaw aw.He he hmo peimawh pa nata pato patia byupa zy liata eima bua tu lei nawpata achavata Members zachhipa zy chita nama vaw pahpeimawsa awpata eima cha haw chanei hei hra.

NB.He he abyuna hawta panano theipa a cha aw.

                  Sd/-
( Beipalaikhei   Hlychho )
           Secretary i/c
Information & Publicity etc.
Mara Students` Organisation
   Joint Hqrs : Delhi

                        " FOR GOD AND MARALAND "

Comments

Byuh kawna
Written by Guest on 2006-09-06 04:43:26

Taj Mahal lacha sie byuh achhih kaw hra na... a rawmantik kaw chamaw!

invu!

mara satlia
Written by Guest on 2006-09-15 05:53:10

vawsie hraw sala couple ei na pie thei chi ma........!! :grin

sure
Written by Guest on 2006-09-15 12:26:43

Hi Mara Satlia,

Pielei cha my. Laihsa thiehpa eima hnei nasa atako la. Vawsie chengei ma y... Mawrei kaw pata 'Sure-lo pawn ngeingei' na tla a cha ba. :grin

Shah Jahan Lo rie chaino Atheithlana O
Written by Guest on 2006-09-19 04:04:41

Dt 16.09.2006 khata Dmso members zy cha Taj Mahal(Agra)la Sight Seeing hneipa a cha.Members zy eima rei maniah ai thei vei.Rei pita rei chanei pa maniah akho ha chhy.... Cha Taj Mahal Sight Seeing rima baocha.!! Taj Mahal eima tly hlana heta Fetapur Shikri tly tua chai pita,he Shikri rona kawpa liata Photo Shooting zy eima hnei khai tawhta Thanda (Pina Wala--Coco cola/Pepsi/Sprite/Maza/Mineral Water/etc)do na daihti hnei pita...Leaders na zy ryhraona hawta he Fatepur shikri tawhna heta Agra Fort or Great Red Fort lata Battalion Move pa a cha.He su he rei awpa hlupi ahnei chasala Comment rona liata ro khai theipa cha vei..maniah vaw pacha thai hla chy mu vy.

Great Red Fort eima tly khai pa he zala daw 4.00 (pm) paro hawta ,athei raita aza thei hmapa cha vei ! Puhpa Shah Jahan ta zala no tla awpa a sai tyna nata aziza pathai(Wind Breeze)daona Chhoh-padapa rima baokha.!. kha su liata Ky pacha chaipa zy nata zala no zy zahma hla hawpa eina byu hla ha cha maw !!he su tawhna heta Puhpa Shah Jahan chhaota asaw chapaw pata khotho pua pasai leipata a pata no daihti nata ama cha hawna daihti (ahlai hla thei khao leina daihti)liata Alo rie chaino atheithlana O ronapa asai tyhna chhao a cha. He su he no ai talei kawna chota zala daw 4.00(pm) liata Atheithlana O ronapa la pangai awpata eima pazi pathao ha hei..

Haize ! Cha Atheithlana O ronapa rima cha !chyhsapa eima ta thla hawma , keimo mara saw eima ta hrima .. kalei saoma pata arona zie zarei paki thaipa chhao cha khao vei.English poet, Sir Edwin Arnold, ta areina zie he rei pachhi hra tua.. "Not a piece of architecture, as other buildings are, but the proud passions of an emperor’s love wrought in living stones." He bie heta arei paki na ta thei thla hra tlyma !? Author thokha zy chhaota he Atheithlana O rona pa chhopasiana chata.."symbol of eternal love". chhao ama za ta tyh hra.

No ai ta leina kaw chota cha Shah Jahan LO RIE CHAINO ATHEITHLANA O RONA PA cha zala daw 7:30 (pm) liata Delhi khihpi la pangai awpa ta Battalion Move pathao heipa a cha.. ( Journey on National Highway No -2 & Agra Sight Seeing Reports rei awpata avaw hnabei sei hei ma y.. achatlie nalata vaw so eima chhua aw.)