He ama demand he ahlao atloh hlata cha Kah-vi leipa ta y pazao lyma ama chhuah hra.

He ama hawna cha he Chief Executive Member (CEM) hnoh ta pangiapa cha ta, cha cha ary liata PDF nata MS WORD zy ta motheipa a cha.
-----------------------------------------------------------------
Ref. No. 41165/MSO(S-H)/SHG-06/APLL&PR/07/08-09. Dated 3.10.2008

To,

The Hon’ble Chief Executive Member,
Mara Autonomous District Council,
Hqrs. Siaha, Maraland.
 
Subject : Shillong Mara Hostel taopazao heih awpata hiana.

Papu,

Marapasaw Shillong liata achuhaipzy rairuna pathla naw pata MADC ta Shillong Mara Hostel ataopa cha, rairuna nano nanopa vata, ko 2002 tawta pa chhapa avaw cha hawh. MSO Sub: Hqrs. Shillong ta pei eima tah hmeisei. He hawta, vaduachhih kawpata Mara Hostel pachhapa avaw cha nahta, Shillong liata o tlota a ypa Marasaw achuhaipazy na ta, No paw thokha a y hai pazyta rairuna thata ama tyh. Apachai pata Admission la daiti liata achuhaipa azuthiepa hlupizyta ynaw pa amahnei hla via cha, Otlota a y paroh penaw achhai eita, ama paty pama ngaita kaw tyh. Thokhazycha, exam awpata ama patopatia daiti zy chata, ama khichhai buakheina vata ama tao pha awpa haw ta taopha thei khao veih ei.

He dei cha vei. Shillong cha North East India popalo lia ta cha achuna supipa achapavata, akocharei Marapasaw achuhaipa chhao eima povia lyma, atahma no heta 450 hlata hlu viapa eima y. He liata achuhaipazy amohonaw pata, khahla tawta MSO (Sub:Hqrs) paduapa chata. Mara Hostel a y no cha, khei hawpa committee rai y sala, rairu leipata Mara Hostel thlai eima ngai tyh. Atahma deikua kheihawpa kyh raita ahmaonah awpata su rai hnei khao ma pi. He heta rairuna hlupi mia a pie.He hawta hmo y dah achapa vata, Shillong liata Mara Hostel pachha chiehpa he, MADC ta thlai zapaduapa heih awpata MSO Sub :Hqrs Shillong ta khacha angia.

Mara Hostel hawhta otlo awpa, thla kha tloma Rs 20,000/-(Rupees Twenty Thousand only) tloh awpa hmopa acha. Hostel Admission nata amohona kyto liata MSO Shillong chithatupazy nata asao hiahpata, biechhana tao lyma awpa acha hra awh.

Mara Hostel he 2003 tawta2008 atako taita hlao mania patlo theileipa ei chita, Marapasaw achuhaipazy chata nopaw nama chana hawhta thlaita eima rairuna na he palasa chatyta chavata Mara Hostel Shillong liata padua heih awpata hma lapa keima ta achhana taita vaw tlokheipa eima chhua. Eima cha hawhna he hlao mia nama patlo khiala, eima cha ly ngasa awh.

 HUNGER STRIKE! he MSO Sub: Hqrs. Shillong ahawna a ei 3thona he MADC ta ry arao hla hlei cha hneipa cha awta, eima pazao lyma aw.

Adaiti: Date 5.11.2008 (Executive Members)
            Date 6.11.2008 ( MSO zydua)        
Asu : K. DAVIES,President O, Mamre, Nongrim Hills, Shillong.
 
Eima khozopa nata Mara rah chata na hriahlapa,
 
(K. DAVIES)
President
Ph: 9863451640. 0346 2228902(Fax)

Copy to:
1. MSO Hqrs. Siaha.
2.MTP/ECM Hqrs,
3. Media.
4. All persons concerned.
-----------------------------------------------------------
 
FORMAT HROPAZY:

1. PDF Format
2. Microsoft Word Format

Comments

For God and the Nation. Written by Guest on 2008-11-07 12:43:10 The good intentions of the MSO, Shillong Sub. Hqrs in demanding a hostel for the students is highly commendable. I only hope and pray that the MSO Hqrs, Saiha will extend all necessary help and support to their Shillong counterparts.    At the same time, I'd like to point out certain irregularities that was observable during the existence of the previous hostel. Firstly, being a men's hostel, indiscipline was rampant which is bad for the inmates in all respects- academically as well as morally. And, at the same time, such indiscipline can and often results in sour relationship with the natives.      That aside, if only the MADC can perceive this demand as a viable business venture. Let them charge the students a minimal amount as accomodation and mess fees. As a permanent resident incharge cum-warden, they could certainly depute one fourth-grade staff from the already over-staffed MADC office. And, reasonably, a staff whose children are of ccollege going-age be given preference, etc.       And, this time, won't it be more practical if our women are given the priviledge, provided that the demand is granted by MADC.    May the Almighty be with you all. (In rain and shine, united we stand, divided we fall...)      With good wises,    hyderabad soccer

Written by Guest on 2008-11-07 12:58:18 Kei chhao ei tah kaw. Hostel hela y sala apha ei tah. Chasala mohohna kyh liata yzie hnei kawpa ta taopa achvei khiah cha rairuna apathlatuhpa hlata mohchhiena maniah atlo khei tuhpa acha heih aw. Chavata, pie cheingei ei sala mohohna pha kawpa taopa ei sala tahpa he ei khona a cha hra. Shillong lia cha eima peimawh hmeiseihpa a cha tlai.  - Pawlai

emon_mara Written by Guest on 2008-11-07 22:45:16 shillong MSO nama tao pha hmeisei..may almighty GOD always be with u!!

emon_mara Written by Guest on 2008-11-07 22:45:20 shillong MSO nama tao pha hmeisei..may almighty GOD always be with u!!

Shillong M.S.O Written by Guest on 2008-11-08 08:03:07 Nama taopha kawna, anodeikuala hostel nama hmotita, displine hneina chota ba a mohoh bei u la, apha kaw aw.  Namo chata thla eima vawchha aw.  Omteii, Chennai

MADC, Siaha Written by Guest on 2008-11-08 08:09:16 Papu sai u, Shillong lia heta Hostel hneipa he a peimawh kawta pahno vei chi ma? Nama sawna, tu nazy chhao kei kho lathei nguy hra eita. Eivo pahno nadah tala, namo MARA rah chhita tupenawh chhao khi nama tlytyh tahpa vaw pahno nata, two months back lia khata eima CEM zachhi kaw pachhao kha azu tahpa pahno nata, M.S.O chhaota ama kei charei pata ei pahno.  Ba, avaw pacha pasia ula, hostel he a peimawh kawta ei pahno.  Omteii, Chennai

MADC Nopawnazy Y vei ei! Written by Guest on 2008-11-09 09:56:39 Election Campaign awpata ama sie khai ha tapavaw thei nata apei eita kaw.Tiama vaw papua te u.Hostel nama hmo cheingei awpata thla eima chavaw chhapa ty.    U-thei  GHY

heiha Written by Guest on 2008-11-14 03:53:08 a nano da chi... hostel tao awpa chhao kho vana.... mara house aizawl liata.. pho hropa mara house liata ahriapa sahma para pa na ei vei via..shllong liala hostel peimawh kaw taraw pita.... eima o lia zy mia vaw nie chi hei ula....cha hlata mara mo apa chhi thei tupa aizawl mara Opi khi tlao moho su u.. sahma do na su ta eima hma khao lei naw pata.... keila.. MLA election liata phusa na pie leipa mai ei vote aw......eina pie ei khia la la aw nata vote hlei vana storm_trooper

Keima pachana dah Written by Guest on 2008-11-14 04:54:32 MSO Sub-Hqrs: Shillong zy Marasaw achuhaipa zy chata nama hmalana nata raihria chochah liata reithai tlah nama cha hmeiseih pata ei pahno. Abeipata nama raihriana nata hmalana ky liata eima rah chata nata Marasaw achuhaipa zy chata hmasiena nata athona maniah atlokhei thei awpa ky liata byhna chapie lyma ei se.    Shillong MSO zy tahma ta Mara Hostel, Shillong khihpi liata padua heih awpa ta nama hmalana ky liata pachana he hawhta keima ta cha ei vaw hnei.    Shillong khihpi he Marapasaw zy chata eima khihpi peimawhpa sakha atloh hrapa a cha. Marasaw hry tawhta chathai hmiatuapa nata tahma ta eima rah chhituhpa nata eima nopawpa sahlao nazy he Shillong tawhta a vaw chu papuapa zy ama cha sahlao.    Ko 1965 liata Marasaw chathaipa eima hneituapa zyta MSO he Shillong khihpi liana heta ama vaw padua pa a cha. Mawra chhoh liata Achuhaipa zy py apazao pakhypa alaichaipa py MZP zy hlata chhaota Sawhkha pahnokheina a vaw hnei ha tuapa(Registration)eima cha. Chavata, keima ta cha Shillong khihpi tawhta Marasaw achuhaipa nata achu papua ha chiepa zy cha pasahsa kaw eina ta, ei za kaw hra ei.    Shillong khihpi he tahma cha Maraland khotho lata Marasaw achuhaipa zy eima hlu chaina cha ta, MSO Sub-Hqrs y na chhao a cha. Maraland khotho lata Mara Church adua tuana suh chhao a cha heih hra. He tluata Marasaw zy chata khihpi peimawhpa he Marapasaw zyta eima hnei lei kaw chy.    Mara Hostel chochah lia heta he hawhta eipa cha: Maraland tawhta India rah suh nano nanopa nata Khizaw rah hropa la taihta Marasaw achuhaipa zy he eima nopaw zy deichhyna (Financial support) na ry liata a siepa sai eima cha thlah ha chy. He va heta a cha Maraland chhoh liata Economic Development eima hnei theileina chhapa chhao. Eima nopaw zyta so ama lapangiapa (Income) 70% he cha ama sawna zy achuna chata hmapa cha ta, cha zy cha Maraland khotho lata apuapa a cha lao heih hra. Eima nopaw zy heta ama sawna zy achuna ky liata ama hneina zy i leipa eita, riethei chhao ama tao nga kaw! Ama sawna, achuhaipa zy pita achuna lathlo dopa nata Career atlyna ky liata hno eima khaw kawh chy vata a cha chaipa ta eipahno hri, eima hmasiena leina chhapa he. Chavata, Nopaw zy ta angah eita, ama sawna zy Maraland khotho la maniah ama za tuapa cha ta, khei hawhta a vaw chahapa chhaota financial support angapata maniah atuapa ama cha. Keimo ama sawna zy mis-management vata rairuna thokhapa zy he cha atyhpa eima cha.     A eih viapa ta Shillong khihpi liacha India rah su hrolapa zy pachapa ta O tloma nata PG ma zy chhao anao thlah ha chy pata eipahno. Niebaw chaleina ma chhao chatluta asah ma tu hra vei. Achhua hmeiseihpa nata palo ahneipa zy chata cha aduapapua theina kao hlupi a y hla chy. Private Hostel nata PG zy y chhei thlah ha ta. Discipline eima hneiphapa acha khiata cha pahra nawpa su phapa chhao a y ngyu na ta eipangiasa kaw.    Mara Hostel he Hmiala tawhta ama vaw padua ha chiepa chata, khei hawpa hmo rairuna vata eima rah chhituhpa zyta ama vaw pachhasa ha chypa kha a cha. Chakhiatala, MARA Hostel taopa he Council Maophyuna a cha aw ma? tahpa he keima liata hiahrina alai kawpa chhao a cha hra. Autonomous District Council ta cha Education Concern lachha liata Middle achuna tai ngala ta biehneina ahnei haipa a cha. Higher Studies na zy chata baokha awpa ta hmalana ahneina ky liata Marasaw achuhaipa zy ama yna chyu liata ama pahrana Hostel patotiapa awpa zy tahpa he cha keima pachana liata alah vei. Ama admission nata Book Grants piena ky zy liata rai ahria hri nata eipangiasana zie a cha. Eipahno chhohpa liata State Sawhkha ta a rah chhoh(State chyhsa) zy achuna ky liata support apiena ky liata Hostel cheingeihpa apiepa pahno tla ma va na! Council chhao cha hawhta ataopa pahno am hra vana! Mara Autonomous District Council nata Lai Autonomous District Council zy deileipa he cha. Council priority achapa ta pahno vana!    Japan rah nata China rah na zy he 19th Century rachhopa liata ama duahmo achhietu hapa vata ama rah leilosaw na zy Khizaw rah hmasiepa su la zyta achuhaipa hlupi zy tua eita, financial support chhao thata ama tao. Chasala, ama pahrana awpa Hostel no eihpa zy taopa ta a buakhei nga kawpa thatih zy pahnopa y lila vei. Ama chuna ky liata ama ngiapa zydua kha aphusa lata pie eita, chatana chata amo ta ama vaw patotia lai lyma thla ha.    Marasaw zy chhao pi Maraland khotho lata achuna ky liata eima puana ky liata palo pitlona phao via sihla, eima rah riethei kawpa Phaohri tao achhua leipa ta, eima rah cha heta khapa ei tao thei hra aw tahpa he tlao pacha kho tua hri su u.    Chavata, ShillonG MSO chhituhpa zy kha ba vaw pachapasia via tua u. Mara House, Shillong khihpi liata eima hneithei nawpa ta hma zy vaw la hri ula pha vei ma? Mara Hostel he cha apha kawpa ta vaw pahno va na!    Tawhta, tahma he MLA Election awpa vata Election Model Code of Condut ama phua no chata, eima rah chhituhpa zy chata rai hria thaipa cha vei. Shillong MSO Chhituhpenaw zy duah vaw pacha pathi ula, nama hmo taopa he ba a vaw chali sai chy ula pha veih ma! Eima rah chhituhpa zyta nama hiana hlao vaw patlo khopa rai chasala, tahma nocha ama paka tawhta achhyna ama chapie thai awpa chi cha ma tlo leipa ei ta, ama vaw taopa cha khiata cha Sawhkha dah chakhiapa cha eita, amoleipa tlao ama cha aw. Chata avaw cha tita, keimo achuhaipa zy kha eima rah chhituhpazy mao a paphyusa tuhpa tlao eima cha thlah ha aw tahpa ei chi kaw. Adona he pha ta, za chhao a chhi. Chavata, tahma nama hmo hiapa nata nama hmalana hela asu tu ah vei.  Chataw ta, Marasaw tahma ta Shillong liata achuhaipa zy he ama nopaw zy deichhyna (Financial support) apie theileipa ama y hrao nata pangiasa vana. Cha hawhta rairuna ama tyhpa acha khiata cha khazia eima rah liata Higher Secondary School sano satho lata hnei thlah ha hra pita, achuna O sahpa College taihta eima hnei khi zaw! khazia khi su zy liana khita ama chu thla ha vei. Thokha zy chhochhi cha Maraland khotho lata ama ypa vata free kawpa hawhta apacha eita, class a kia ho leipa, achuna apa peimawhsa hlei leipa nata College phathipa liachhaota angia leipa ama y holo zaw.    Admission taona daihti nama reipa he ado kaw. College thokha lia cha keimo popa y cheingeih leipa chhaota admission atao thei.     Tawhta, Online nata fax zy hmapata admission chochah pahno theipa a cha hra aw. Admission guide pha viapa nata khochhi viapa MSO chhituhpa zyta vaw tlua via eisala kho a chhi kaw aw. Admission a tao thie awpa zyta admission ama tao chhohta ama y chy nawpa nata ama tlo nawpa zy kha Maraland ama puasai hlata pachana siapa hneipa ta Marasaw achuhaipa zy ama chuna ky liata pabua tu leipa y nawpa dah zy kha ba vaw pacha hra tua u.    Awnanopa chhaota he hmo he pacha peimawh sala kho a chhi kaw. Eima awnanopa zy heta ama sahlaona zy ngiapana ky liata eima i via thei nawpa nata Abeipa chakaotu ngachhipa eima cha thei nawpa ta ama Awnanopa sahlao zy he pacha peimawh ei se. Shillong khihpi he Mara Church aduana acha ha tawhta cha eima Awnanopa chhaota apacha peimawh awpa hawhta eipacha. Ama sahlaona zy ama viavi awpa ama pasai awpa cha vei. Athei khiatala Students Hostel Cum Pastor Quarter zy hnei ei sala, chatanachata, Marasaw achuhaipa zy hnota Abeipa bie nata hmeiseihna hro liata ama sie thei nawpa ta chakaona pha kawpa hnei thei aw ei ta, Marasaw achuhaipa zy rairuna hlupi chhao ama pathlah khei cheingei nata eipangiasa kaw! Pastor pitlopa sopa eisala... alypa cha kaw he maw.    He bie zy he keima mopakha pachana tla a cha.    Nochhi Cowboy

Comment lyh y a chhi kaw Written by Guest on 2008-11-14 12:15:12 Shillong liata Mara Hostel y awpa he KO HLUPI vaw hiapa acha ha. Ahlao tloh thei ma vei. Marasawzy pi he Apahnothaina,Khokheina eima hnei hlu tu ha, eima pahnothaina vata hmo pha tao awpa liata chhao ba 'vaw pahno thai ula, myla ha no ta(na 3 khai tawta tana acha)eima chapie khaw' tapa nata 'Siaha eitlo tita eivaw rei khaw, hiana cha vaw tao ula, thlakhata kahzie ta nama khi aw?' tapa lia tla achha. Chavata noh hlupi akhoh ha hi e.. Marasawzy chata pha awpa  eima rei awpa nata eima pacha hialiapa awpa cha Mara Hostel Shillong liata taopa chasala tapata tla-aw ta zatoh chhi thlachhana khei awpazy tao leipa pita, apa chai pata eima ra nopawsawnazy. Atako la tao hei sila Administration nata Management padohpa achhua ba sila tapa y leita anolei lata mania pakha lai lyma eichita, apei kaw. Chathaipa yna su acha, Election Model Code of Conduct he MSO nata pahno lei awpata pachana zy nama vaw hnei tlyma, rah nopawzyta 'ata hma kaw tao mu vy' tapa green signal eima hmopa vata nata CEM,EO,EM nata Officer hropa zy MSO Exe. members na thopi dohna hneipata apa kyna liata reika eima dao tawta a cha! Eima rah ama tlo nata cha my awpata dah hneipa hawta mania chali sai typa ama cha, no ..ah achhi kaw. Chadei chalei pata awta eima khopa kaw rei pi 'MADC Sawkhana/Rah chhithanapy arao awpa ly kawta, atahma no la nama hiana he hlao tlo vei', atahma 'MLA Election' vata nama ta hei ei chita, apha kaw ta lyma te u. Sawkhana KO KHATA eikhazie ama thla, MADC chhithana a i awpa he ko khazie byuh hei aw, KO PA NGAW-5 YEARS? eima ha hei aw? Nai tak ani!Keimo dei cha mapi khi/State hropa MSO aduana su zyta chhao ama hia ty, chahawpazy deikua cha member ama hlu nazie reita zy chhao cha awta.Eima hiana chhapa he Marasawzy viavi lei naw pata acha tapa eima pahno chyuhta eipa ngiasa. Atona liata MADC hia leipaw sila ahy ma eima hia aw? Mawra sawkha ma eima haw aw?Mawna Hostel liata Mara sawzy atlo mapi, eima sitano nata eima nawtazy seat to aru kaw tapa he Shillong liata ypa nata eima pahno pasia.Mara sawzy he Chi hro pho hro ta mania moh/hmo ei! Marasaw kawta Tlaikao/Maw cha thei mapi, MARASAW na tla eima cha! Lakher-kher chhia mania ta typazy (eima thei typa) my kha su, ama kia liata ypa rei theipa cha mapi. Eima ria Reih alyu mapi, eima nie baw alyu hra vei,e.g. mawmyhna chhoh pita; keimo la siakathu, hmiakhu(Lakher anthur)nata apahniapa eima thla, alo za hmiapi, sa chawpa thlapa chho chhi la apa ha tu ha,  tlaikaona ama chhopa na nie ngai ma, vao-lao lyh alyu! Chavata ano eita eima hnei khiacha eima hmi nata sa, eima chy nata sia, cha chuna tao pha viata, chaliata chi hropana hlata hma siena liata amohpa tlah cha awpata hria kho su vy!    DKB Asst.  Shillong

MSO Hqrs Request to Sub Hqrs Shillong Written by Guest on 2008-11-14 12:56:04 3rd Executive Meeting, Resolution No. 2. Dated: 13.11.2008.noh liata bie pathlupa MSO Gen. Hqrs President nata Gen Secy ta Telephone ta bie eima chhona he achana dah hawta eivaw rei aw. "Ngiachhie ngasa pata nama hmo taopa he avaw chali chy ula MLA Election khaipa taw nata Action keimoh ta eima cha lapa aw", mania zata eita. Eima hmo taopa lia heta MSO Gen. Hqrs ta FULL support eima cha pie' mania zata. Ano deikua ama bie taipa hmopa acha leipa vata Hqrs request na he zachhi kawta eima hmo tita Bie Siapa eima pahnosa hei aw.MSO Sub Hqrs. Shillong Executive Meeting bie pathupa zawpi pahno awpa :"MADC ta date: 18.11.2008 noh daw 4 pm hlata eima hiana achhyna sia kawpa eima hmo hla leila pazao lyma awpa a cha.TOTAL HUNGER STRIKE hneipa acha aw." He bie he MSO Gen Hqrs 3rd Exe. Meeting ama hnei  hlata bie pathlupa a cha.Hqrs. tawta Cha/Fax eima hmo leipa vata eima HUNGER STrike he pazaopa acha.    Nama  thlachhana nata nama deichhyna liata eima cha ly hmeisei.Khazopa nata Rah chahta nama chakaolahpa,      K. DaviesPRESIDENTMSO Sub Hqrs.: Shillong.

Written by Guest on 2008-11-14 13:26:31 Shillong Mara sawzy duasu he Shillong liata Mara saw a ypazy ta nama pahno chai aw. Suhrola ta a ypazy pachana ama vaw thyupa kha pachana nanopa hawhta pachapa chahrasala, namo duasu adopa nama vaw rei papua lyma vata aly achhih kaw. Nama duasu dopa nama hmopa nama reipa he achana dopa hawhta adua khei lyma ula thlahchha achabaopa suhrola tawh chhao eima hluh kaw pyly hra tahpa vaw mu khu vy.     Mara saw ahra pathao pita, hmasie eima khoh chyu - personally ta ei cha support ei. Vaw tiama hnolo mu vy.     - Viarah Satlia

Aly achhi Ngasa..... Written by Guest on 2008-11-15 04:27:42 He hawh pata idea thie pazy vo hnei thei ei, mara saw achu ngahai pazy chata nama hria pasana pa he aly achhi ngasa..tiamana cha hlao tloh na acha ama tahpa hawhta..tiama ngasa pata nama vaw tao lyma aw pata eicha pasyu hmeisei ei....nama demand ahlao tloh thei nawpa ta thlah chhana liata eima cha vaw bao lyma aw... BY Gospel Chozah Gen.Secretary MSO Jt-Hqrs  Delhi

Nam strike rei kawba na... Written by Guest on 2008-11-16 08:28:10 Ei khohna hlata namstriike pa he reivia bata, eimara no paw na he ngapa tla ama chalei kawpata nah ei pahno ba. Nama demand pa he a hloa tlo theima, theilei ma chha chaza chho haba eisala namo la chhao nama nuam via aw. Office liata hma y lei eita, campaign nala ama sie khai chhy cha a phalei kaw. Taotheipa hnei nasala, nama demand pahe hlaotthloh cheingei aw.  Tiama vaw papua via lyma tu u, hetawta hmo pahnai kaw awp chapa chata, namo cha ngala cha leita, mara zaw Shillong la sieta buana a tyh tita, a pangai theihrana su cha awpa a cha vata.  Omteii, Cultural Sec.M.S.O Chennai branch

eipa cha dah Written by Guest on 2008-11-17 10:17:27 SHILLONG MSO nama taopha kaw na. rah chata nama piena ei vaw hmo nata he he marahpa hro dopa tlai acha tahpa pahno nata eily hmeiseih.eima rah nopaw pazy he rah kyh ama vaw pacha hmeiseih na,he hawhta mara saw su to liata a ypa zy mo thei awpata nama vaw ropa eihmo natah heta marah saw eima hnaizie ala ta, nopawpa angahchha tlahpa ama y lei zie pahno pasia nata eipaloh chhao apasa hmeiseih. ama bierei dah deikua cha rah kyhpacha hmeiseih pa lo tyh eita,heta ma ama vaw cha tla i, rah luh atahpa avaw mohpa nama y khiatala marah saw suto liata ay pa zy he eima paloh apasa hmeisei na tahpa vaw pahno tyh u, heta he ma nama sawna he nama vaw tao, achu haipa zy nieleina taih ama y pa hmo thlah ha ei chita,nama sawnah bording phapa liata nama kho theipa vata mohropa nama papei mawh sa vei, krizyhpa na cha khiata la he he na pahno nata eipangiasa, BIBLE liata nama kyh na pacha pa hawhta na vaih zy kyh pacha hra tyh tahpa bie khaw! Rah kyh eipacha hmeiseih na natah khiatala natao awpa he tao para tyh, chata na khata na tah angai vei,nopaw pa sai cha eichita, chihro pho hropa miah vaw pahno maw eisala,keimo no za leipa awhta nama no lah tla za aw. achha chaina liata cha suto liata MARAH SAW a ypa zy heta nama chhyna na eima ha thla ha tahpa pahno tyh u, MARAH SAVAI nawh. ST. kepong, baru malaysia,.....

Written by lakher on 2008-11-19 09:43:45 marasawzy ngiachhi eima chi,eima rah politician na mia pacha vei ei.khazia phusa vata vote eima pathla ty chysa adopa nata rah kypachapa atly ba ei su vyh

Written by Guest on 2008-11-21 02:51:24 A do hmeiseih phusa nakho tu vata riethei na tao khaw. khatawtala pahno thai achhua ba ma y. ama bie reipa zakha liata zero hmata ado vei tahpa pahno pasia ba ei suh u. savai ama lo kawpata eipa hno reithai kaw tlo ei ama taopa y tlova. eima rah lupa nawh he student nah chata la aphahnaina pahno khao vana. eina daih kaw ba ei, Ei voye atanoh tawta ei thiepa ha. savai zy saih uuu.

Written by Guest on 2008-11-21 02:57:17

Rebecki Written by Guest on 2008-11-22 22:26:43 Nama hunger strike photo liata khi laisa Rebecki a chhielei kawna...

Rebeki kha anodi kaw bana.......... Written by Guest on 2008-11-23 21:50:38 college vaih laisa rebeki kha khazia khata a y'ngkaw...pasai mapi eima ngia a chhie kaw...    Mara students'  Aizawl Theological college  aizawl. mizoram

A chali chypa a cha Written by Guest on 2008-11-25 06:53:30 MSO Hqrs Siaha, bie daona hawta Hunger strike he acha li sapa a cha chy. MSO Hqrs. Siaha eima no-paw nata keimo ta 'Shillong liata Mara Hostel a y hla hlei tala achha na taita eima cha tlo khei aw, he he Executive Meeeting ei 3na Resolution sa 2 na a cha' tapa bie eima dao pa vata a cha.       Hunger Strike he pazao lyma awpa eima ma thla ha. Eima Mara No pawna ta rah nata chi nata pho pabo sana deih chalei ta achuna kyh liata ryu ama rei da nata kyh mania pacha dah chhao eima pahno pasia via lyma aw, avaw la pasia kaw ba ta eima pahno.    Tha chha leita, hria lyma su vy.    Nama Thlachhana nata nama bie pasyuna eima vaw hmo nata eima tha atlo via hei ty.    Rah chahta nama hrialahpa,    K. Davies   President   MSO Sub Hqrs Shillong

LOl Written by Guest on 2008-12-06 00:14:19 Hunger strike picture he laba bao u......ama pachhasa vei ma?

Picture la awpa cha vei Written by Guest on 2008-12-08 06:24:34 Hunger strike picture he la ha ei sala kheita e ama strike tlai tahpa eima pahno thei aw? Picture he media tha apatlo tuhpa cha ta, News zy chhao TV liata Picture a y vata a mo phapa a cha, Radio ngalah ta a daih khao vei.    Chavata he picture he la (delete)rai lei awpata Maraland.NET staff zy hnota ei request khoh hra.

Picture la nawpa chha Written by Guest on 2008-12-13 07:15:43 Hmocha a daihti nata daihti lei a y..ama strike noh chala chysala ama la leipa chhaota a awm thla ha...anoh deikua cha tahma cha Strike he pachhasa ha eita.....khahmata pahnai khaovei. Media liana heta 'REVIEWABILITY' tahpa word y ta, cha2 a daihti liata media reciever na ama satisfy thei nawpa ta ama repeat hei tyh. Chava na chata he picture continous ta ama sohpa he pahnai khai hleivei tahpa vaw pahno ma y.

Written by Guest on 2008-12-14 08:32:59 Khai aw........Picture zy y hla chy sala a pha thlah ha he maw! Tawhta Strike he a chali tarawh ei ta, ama strike-na chhah chaipa kha hlao patloan y mah lei vata a pazao lyma heih awpa ama cha Shillong MSO nazy he!Chavata, Strike cha keima tah eipachana dah ta cha On going hawhta eipa cha.    Piture hela Maraland.Net Adm zyta a ryh ama tah khiala soh thla hra chy eisala pha ei ta kaw hla chy.    Tawhta, Marasawzy eiam sosah kaw ba taraw pata chi hropa nata pho hropa zyta ama taona dah hawhta zy khai thai a cha ah leina zy a y thei hra aw. He ama Strike na chhapa he Eima rah la thokha zyta la pahno hlei veih ei. Website a tly tyhpa thokha zy chhao a pahnoleipa hlupi ama y hla chy thei hra. Shillong MSO zy hmo hiapa Marasawzy eima ngiah kawpa cha tlo ta, Chavata, Marasawzy chhaopi Support eima pie tly ma, a chakhiana zieta eima reih kho tlyma a chapa chhaota,,, website atly tuhpa zyta eima reipahmao viana thaina a cha thei nawpa ta tahma ta Maraland.net admin zyta news ama sohna suh he apha eita kaw chy.    BIechakhiatuhpa

walk on Written by Guest on 2008-12-19 05:27:48 walk on ur demand is good we pray 4 u guy's.kenji solo@mysore

Write Comment
Name:	Guest
Title:
Comment:
Code:*

Powered by AkoComment 2.0!