Maraland.NET - Beyond Mara Centennial

You are here: Home

Articles

Articles(Mara)

Beyond Mara Centennial

Written by Ngo Cho Le

Friday, 15 September 2006

India Mara, Burma Mara y vei. Mara sakha ngala a y. East, West, South, and North tapa cha identification purpose ngala acha. Achhapacha, India nata Burma boundary amatao hlata, Marasaw he Marara liata eima y haw. Chavata, Mara sawzydua palo liata, India nata Burma Mara tapa palo eima pahlei awpa abyu.
Mara Centennial eimahma nota, Mara sawzyta eima pacha awpa abyungaita pata pachapa zy cha:

1) India Mara, Burma Mara y vei. Mara sakha ngala a y. East, West, South, and North tapa cha identification purpose ngala acha. Achhapacha, India nata Burma boundary amatao hlata, Marasaw he Marara liata eima y haw. Chavata, Mara sawzydua palo liata, India nata Burma Mara tapa palo eima pahlei awpa abyu.

2) Marasaw zydua, Krizy pachhao, Buddhist pachhao, Lawki pachhao, ahropa achhyna ahmapachhao, Mara eima cha. Eima denomination vata Marapa eima chana mia pachhai kha seh. Krizypa eima chahlata, Marapa eima y haw. Lawki paeima cha no hmata, Marasaw pokha eima cha khia, Kri eimazy tawta eima pokha via awpa cha vei ma? Kri eimazy tawta eima pokhalei khia la, Kri eimazyna he pacha pasia awpa abyu. Athona vata Krizypa cha awpa hlata la, Lawkipa chata, Marasaw pathluapathlana ahneileipa cha eima kho via awpa abyu.

3) Marasaw Rahrolata si pahe pei vei. Anodeikua, Marapa chana asia leipata, Rahrola eima si pa apei ngaita. Eimara sawkha apathlai sala, US liata no kha chhao y kho va na. Marara liata alopa tizy do pa kho nata, Marara liata apatheipa thotheizy nie kho nata, Marara liata aviapa Pati zy einie kho. Achhapacha, Marara eipuasai pa he, keima pokha athona vata chavei. Marasaw nata Chin chysa, Burma chysa zy chata phana sakhachha tao khona paluru pata ei pua pa acha. Chavata, pokha athona palo ahneileipa Rahrola pua pacha, Phaosa taka amatlua pachhaoata, Marasaw phana chata, Thaina sona amatluapa chhaota, Marasaw phana acha. Chavata, pokha athona atlualeipa zy rahrola puapa apha tapa palo phao su vei.

4) Achuna liata tiama papua ei si. Thaina sona he ta, ra nata mopho apadua. Phaosa taka ta ra nata mopho padua vei. Chavata, Marasaw, nochhi, notla, maw nata chho liata a y pa zydua, eima chuna liata palo tlokhu pahnei pata, eima chu awpa abyu. Ei ma chu pa he eima thai awpa abuy ta, eima thai pahe eima chu pa acha awpa abyu ta, eima pahapa
subject he eima chu awpa abyu ta, eima chupa subject liata eima paha awpa abuy.

4) A Research of Century is Common Sense of the Next - tapa palo hnei achhua ei si. Atano ta Cancer thohna hmo thei naw pata ama tlua ngala pa zy he, atano tawta, ko 100 liata cha, open market liata Cancer thohna he chalei theipa acha hla awtapa pachana hnei ei si. Chaleipata eima pachana he, nokha, thlakha, kokha chata acha khia la, chi achhi ngaita.

5) Know Thy Self. Saya Jeru (my greatest teacher in my life) ta, Matupi liata Match eina chho nota areipa atano taita, eipalo liata eivei pacha, "Know Thy Self" tapa he acha. Khaheipa chysa ma eicha? tapa asiapata apahno abuy. Politician ma? Scholar ma? Businessman ma? Theologian ma? Clergy ma? Nurse ma? Activist ma? Practitioner ma? eima chana apahno si la, eima chana hawta hmotao sila, rei sila, hro ei si. Eima chana hmeiseipa eima pahno lei khia la, Marara nata Marasaw chata, "Chamai" eimacha pathlei aw.

6) Achhana liata eirei kho pacha, Marasaw Refugees asaopa nata, Refugee status ahmopa zydua, rahrolata sitheina chance nama hmo khia la, chara, khara, tapa palo hnei kha u. Malaysia nata India hnata aphaviapa ra zydua si u la, nama tlona raliata opportunities nama hneipa hma ula, Marara nata Marasaw chata, phana tao achhua te u. Norway zy, Denmark zy, Australiazy, Canada zy hawpa, khizaw liata, Social Warfare system aphachaina razy he si achhua u la, Marara nata Marasaw chata phana sakhachha tao achhua kala mu vei.

Samaw hlana chota,

Ngo Cho Le

Comments

Apha kaw
Written by Guest on 2006-09-15 05:36:06

Internet hmapata khizaw kaoki liata Mara saw a y pa zy eima rah thapasana nata eima rah pha nawpa pacha pata nama pachana pha kawpa nata daihti so kawpazy hmapata nama lokho bie maniah nama vaw hla tyhpa he eima ly hmeisei.

Vaw tiama via lyma bei ula.Athei khiala eima rah chata pha awpa 'TOPIC' taopata Mara saw khizaw kaoki liata ay pazy eima pachana chyu rei pahmao thei sila kho achhi kaw.

Mama Chozah
Delhi

HIndustani Mara y ta,Burmese a y hra....
Written by Guest on 2006-09-16 07:30:26

A cho liatapa he vaw reih nata, apha ngasa pata eipahno.He hawpa paloh hneipa liahmahripa eima vaw thao papua pa he hmo pha kawpa a cha pata eipahno hra.
Anodeikua areita eima rei nga haino heta..Vaw cha ha sala...tahpa ta athlie tua su.Tawhta Democracy liata a y pa nata a y leipa eima palo chi a rie na dah liata a lyu thai khao vei tahpa pano pa si.Khizaw liata Rah chhiechaipa liata a y nga hai pazy chata paloh a buah khoh kaw.Cha nota khizaw pha chaipa rah liata a y pacha tacha khizaw he eima hnei thei aw tahpa taih ta confidence ama hnei thei nota,Apahnothai leipa nata Dychhiepa 33/100 percentage eima cha pa pahno pa si.
He TOPIC heta hmo a reih pasi kaw aw.chasala tahmahlata thyutlia paloh apahnie vama..!!
Cho khazoh ryurao zieta Hindustani Mara vaw y ta,Burmese Mara a vaw y hrata USA mara zy vaw y eita singapore mara zy Malaysia mara zy Korea mara zy vaw y laih eita Armania mara zy nata Germany mara taihta eima vaw y lyma aw...ko 100 khola taih la Khazoh hmotaotheipa ta a ry atah khiah tala khizaw zydua liata y mapi tah thei a chhih vei......He la he ta keila eipacha dah a sie kaw....

Global Mara Satlia
camp : Hindustani

Written by Guest on 2007-03-07 03:09:51

He article he a pha kawna. Hundred Years of Maraland history mopa heta, Marah sawzy ei dahphipa pai vei. Chavata, Beyond Mara Hundred Years lia chha ta cha...Marah sawzy chata'Khaihna Ronahpa' vaw tlo theisala tahpa ei saduthlie tyh.
- Dr. John, B'lore.