|
Mizo Chano Pastor ta ordain pa a cha |
|
|
|
Written by Maraland.NET News Network
|
|
Sunday, 16 November 2008 |
Zoram Evangelical Fellowship (ZEF) missionary tuachaipa Laihsa J.
Romawii, Dar-Ul-Fazl Children's Home, Manali, Himachal Pradesh liata
Manager rai ahria ngahaipa cha Church of North India (CNI) Presbyter
(Pastor) cha ta Phiapi (Nov.) 2 pa my dawh 10 kha ta Manali CNI Achhyna
O liata Rt. Rev. PK Samanta Roy, Amritsar Diocese CNI Bishop cha ta a
chahnao (ordained) haw.
ZEF Executive Secretary Rev. Lal Rinawma ta he ordination apakhyna he hmakhei ta, ordination sermon a reih.
He he a ei 1-na chavei, ko 2005 kha ta ZEF missionary Lalhmunliani, Shanti Niketan Children's Home, Subathu liata Manager cha CNI Pastor chata ordained hapa avaw cha hra.
He hawhta ZEF missionary zy CNI Bishop ta Pastor chata avaw chahnaopa ei cha India rah liata ZEF chakaona chhaota thata ahmasie khei ta, chyhsazy ta missionary nawzy avaw pyhthei via hra ei ta, aly achhih kaw.
Mizoram chhoh liata Awhnanopazy ta Pastor chata no nata chanonawzy ama ordain thei mah lei no ta India rah liata Awhnanopa pipaw viapa Church of North India (CNI) ta ZEF missionary chanonawzy ama vaw ordain pa he hmo ngiatlah acha kawpa a cha.
CNI he Mizoram Presbyterian Church nata Baptist Church of Mizoram zy ta chakaona sakha liata hriakhohpa ta apazaona pha kawpa ahneipa ama cha. (Source: Buannel.com )
Eima rah liata a duasu:
Eima rah lia chhao Nochhi la Mara Evangelial Church (MEC) ta cha Pastor ordination he ama pie thlah hra. Rev. Maiki - Chhituhno he apakhana a cha. Notla la deikua cha Mizoram liata Awhnanopa hropazy hawhta athei mah hra vei. BD Serampore tawh chhaota apatlopa he eima hnei holo ba hrapa a cha.
|
Eima rah lita la!!!!
Written by Guest on 2008-11-16 08:15:37
Keimo eima rah liata la, eima laisa heipa nazy khazohpa bie thatha a chu eita, mohchhiena la chhao chapaw hlata ama moh a chhie leivia tyh pata eipahno. Anodeikua cha, marapa rah zawpi heta a py theileipi ta,he he hmophapa a chama? Rairuna chota a chu eita, achha na ;liata pastor chata ordain thei pyly leipa eita, ama chuna zydua cha hmatla vawcha khao tyhvei.
Keimo rah liata chapaw pasana nasa kawpa he eima hro chata pahnai hmeisei vei, hmo hmeiseipa liata chano hmatla ama chaviatyh. | Eima chano nah chhao ordination ....
Written by Guest on 2008-11-17 06:09:43
Eima chano nah BD,M.Th, Degree a hneipazy he..ordain hra awpa a peimawh kaw hra ba....Chano eima ordain nga ma leipa he, eima paloh a nai zie a palasa kaw. Awnano ta phusa varo hropata Bible pachusa ei ta, ama thaina hawhta hma theipa ama cha leipa he a pei ngasa...Macha awpata chano eima rao nga ma leipa chhao he...pacha pasia awpa a byu kaw ba.....Mr. Mara | Written by Guest on 2008-11-17 21:25:14
He ky lia hela Tlaikao peina kyh he tla eima la hrapa a cha nata pahno nata, why cant we be the trend setter in ordaining female pastors? or do we have to wait for the Tlaikao to do it first and still learn to ignore the socially handicapped females? We all are His creation! | Ei pachana dah
Written by Guest on 2008-11-18 01:16:52
ECM,CCIM & MPC zy heta Chano Pastor Ordination he pie thei ma to vei! Anano eita kaw. Abeipa chakaona ky liata Chano nata Chapaw he anano kawna y hlei ma? Abeipa hmiako liacha alyu khai thlah ha tlo aw pita,Ano taopa, akypacha ngaitapa zy eima cha pa tlai!
ECM Awnanopa he vaw palasa via chai thlah haw sala.Mizoram Presbytarian Church nata Baptist Church of Mizoram na zy ha ama la via chaipa cha ngyu he maw. MEC zyta cha Chano Pastor Ordination ama pie thei thlah ha. Apha chhao eita kaw. Eingianary na zie cha kaw hra.
ECM Awnanopa liata Chano Kichho Macha (K/M) chana ama pie thei hla heih tlo tawhta cha Chano Pastor Ordination he pie thei ba hra eisala apha kawpa ta eipahno.
Mara Laihsa cha thaipa, Abeipa chakao awpa ta sietuapa zy tahma taihta Theology ama chuna zy cha Office lia zy ngala ta hma thei eita, Awnanopa tlapipa chakaona i.e. Sermon nata Preaching zy hawpa ama hnei thei ma to vei bao. Apei eita hmeiseih. Evarage ta taopa ta Mara Chapaw B.D. Patlopa thokha zy hlata Mara Laihsa B.D. akaw chu patlopa zy cha ama thaina asah via syulyu ta, ama pahnona chhao a kawh kaw.
Post-Modern World liata Awnanopa nata a sahlao zy chhithana ky liata Chhituhpa nata a eih viapa ta eima Pastor na zy ama peimawh n he a sah hmeiseihpa a cha. Cha thaipa vaw pua hlu via eita, mass communication chinano nanopa zy vata khizaw moleina chhao a sah via lyma aw. He hawpa duahmo liata a achareipa eima cha hapa vata Awnanopa chhituhpa nata mohoh tuhpa zy ama mopasia kawpa a byu ta, deep studies zy chhao ama hnei hlu via lyma pa a byuhpa a cha. Rei awpa hlupi y thei aw. Nama pachana zy vaw thyu via hra tua u. He hmo he Hmo peimawh kawpa chata, zawpi zy chhaota eima reipahmao awpa peimawh kawpa a cha.
-Cowboy- |
Powered by AkoComment 2.0!
|
.jpg "Viarah liata Mara satlia amopa tlah achapa")
