|
New Skylink Vision Siaha khola khih thokha lia connection pie aw |
|
|
|
Written by Maraland.NET News Network
|
|
Wednesday, 19 November 2008 |
|
SIAHA - Siaha District chhôh liata Local Cable TV alalua kawpa New
Skylink Vision (NSV) zyta tahmano he Siaha khihpi khotho lata khih
thokha zy liata Local Cable he pazao awpa ta hma amâ la nga haino a châ.
NSV Local Cable pazao awpa hma lana a sie nga haipa khih na zy cha Amobyu, Amobyu Khihthie (Zero Point) nata Kaochao East & West zy ama cha aw. Tahma no he Siaha tawhta Amobyu khih taihta Cable wire he pazao awpa ta rai ama hria lichih a châ.
He hawhna heta Cable Wire siekheina rai he hriah haipa a châ. Thosai khih nata Titlao chavah likaw he New Colony KTP zyta hria ei ta, Titlao Chavah tawhta Amobyu Khihthie (Zero Point) likaw he Zero KTP na zy ta hriah heih hra ei ta, Zero Point tawhta Amobyu khih likaw he Amobyu KTP na zyta ama hria hai hra.
Local Cable TV nazy he Media (Zawpi hluhpi hnota biechho theina hmo) eima tahpa chhôkhazy hry liata Zawpi zy hnota thâtih thiepa achhopachhuahna nata a hlapachhuahna chata chhaichhi eima hma pahnai chaipa cha ta, zawpi zy eima noto hro liata eima ngiah kawpa acha hleikhota tahmahla khizaw hmasie chatlie kawpa liata cha a leipata eima y thai khao leipa hmo a châ.
NSV na zy heta noto chheihta zawpi zyta ama kho dah hawhta ama mothei awpa TV Channel nano nanopa zy a piepapua hlei khota Demand Channel: Mara Gospel, Mizo Gospel nata Lai Gospel zy, Mara Va-iana hla zy nata hla hropa atly eih viapa pha kawpa zy chhao ama hnei hra.
Tari 31st Thlazoh(August), 2008, noh tawhna khata Local Cable TV Weekly Round up News ama Cable TV siepahliepa ta Mara reih nata Tlaikao reihta ama phua pathao ha bah hra. He hleikhopa heta Zawpi Ao tahpa Programme zy chhao ama hnei hra.
Maraland.NET Bie Baichhina:
NSV zy ta Siaha khih khotho lâ taihta ama Local Cable TV ama piepapua thei ha bâ awpa he aly achhi hmeiseihpa a châ. Mara râh chhôh liata Mara reih apatlaisa tuhpa cha aw ei ta, Thotlapa khih zy chhaota hmasiena lathlo dopa ama chhithei nawpa ta pahnona nata nova a pie thei tuhpa acha thei hra aw.
Hniahlum Vision na zy ta Siaha tawhta Bualpui khih kia lachhata khih thokhapa zy lata ama Local Cable TV he ama pazao ha hra.
Chakhei, Siata, Chhaolo nata Lobo khih zy la pa nazy deikua Siaha khih chhoh liata Local Cable TV na zy he pazao theipa cha mah leipa ei ta, DTH (Direct to Home) he ama hmah via chai. Hmasiena khochhi kawpa a cha.
NSV zyta Mara rah khih hropa la zy taihta ama Local Cable TV ama vaw piepapua thei lyma bâ awpa he aly achhi hmeiseih.
Related News:
|
a ly a chhi kawna
Written by Guest on 2008-11-19 08:57:29
NSV nama tao pha ngasa,nama hmo taopa heta mara rah hmasiena miahkha a palsa hra,
Eeee,eima khih mo cha local channel ama moh thei bah hrw chu,ei ly hmeiseina.
May God Bless NSV
Amobyu 'B' Satlia | burgerstud2005
Written by Guest on 2008-11-19 20:44:43
The service of Estelle Cable Network at Tuipang is also commendable.Three cheers to Tha Tha. | Written by Guest on 2008-11-20 01:28:00
NSV na he Mara rah chata ama hriapasa hmeiseih. Marasaw achapa zydua he NSV a pazao lyma suh vy.
Mara rah liata hmasiena nata lathlo dopa eima chhi thei nawpa ta lapi dopa maniah pahmo tuhpa cha eisala, Mara rah liata Mara reih apatlaisa tuhpa vaw cha maw ei syh.
Long Live Maraland & New Skylink Vision, Siaha
Tom | Hmasiena khochhih kawpa a cha.
Written by Guest on 2008-11-20 03:40:41
A ly a chhih hmeiseih.Eima ra hmasiena thabypa a cha. Ei ly kaw hmeiseihna sakha cha naw ! MARAH REIH HMAPSIE S'AWPATA CHANCE NAMA HNEI KAWPA TLAI HI !TIAMA MU VY> | emon_mara
Written by Guest on 2008-11-20 05:25:30
a lypa acha kaw na..su hro la chhao link pie thei lyma sala tapa ei kho kaw | Written by Guest on 2008-11-21 01:42:17
a ly a chhie hmei sei,TV Cable he rah, chi nata pho hmia apalasatupa chata,Chavata, Mararah khipi liata,reipahno leipata advertisment/information eima pie hlutu hi la,a phata kaw va na,official hmo a cha khia la,pei vei! | Written by Guest on 2008-11-24 03:25:00
NSV na o liata Laihsano kha achhielei kaw! tahma y khao sualua va ma... ama I (Dog)hneipa na hra a lai kaw sai chu e.
NSV Nama taopha dah la. Vaw tiama lyma mu vy.
Mara |
Powered by AkoComment 2.0!
|
|
Last Updated ( Wednesday, 19 November 2008 )
|
.jpg "Viarah liata Mara satlia amopa tlah achapa")
