Bengaluru, Thlazoh 20 (maraland.net) - Mara Students' Organisation (MSO), Sub-Headquarters: Bangalore chata Freshers-zy aly pangiana cha atanoh, Pachynoh, 20th Aug., 2011-pa ta Deva Residency Hall, Double Road, Shantinagar liata item nano nanopa - debate, miss nata mister atlyna, idol atlyna, fashion show, etc zy chhaota hlaotloh kawpa ta ama hmah.
 |
| (Zawpi hmiatlah lata atyuhpazy) |
He programme ahma n'awpa heta Puhpa S. Khipo, CEM, MADC ta phusa thy kha (Rs.10,000) bao ei ta, Bangalore MSO ta ama ly hmeiseih. Alyna bie chhao anoeih ta ama hla (Click here to read).
He daihti he session sanola ta pachhaihpa cha ta, sakhana liata President Z.C. Chozah ta pahnie kawpa ta chhitha ta;
 |
| Chairman - St. Z.C. Chozah, President MSO Sub-HQ: Bangalore |
 |
| (Zawpi stage chahchala tawhta ama la dah. Chaveila he fresher-zy ama tyuh) |
Daihti pathao n'awpa ta Bible reading and prayer cha St. Beireithai ta hnei ta,
 |
| St. K. Beireithai, daihti pathaotuhpa |
He khai tawhta St. T.K. Rona, Vice President ta welcome speech hnei ta, freshers nazy cha khichhai leipa ta ahneituhpa chapa ta ama chuna liata tiama papua awpa ta bie a ta ei.
 |
| Vice President St. TK. Rona, welcome speech hnei |
He khai tawhta Rev. Chatlai, MCF B'lore President nata Senior Advisor ta pasyuna bie reih ta, achuhaipazy cha mia thoh bietana hnei ta, chazy cha 1). Khazohpa china chota cha achu awpa 2). Eima chana (identity) - student cha pi ta, Marapa cha heih pita, cha thota Krizyhpa eima cha, chavata he eima identity zy pahlei leipa ta cha achu awpa, 3). Viarah liata khihpi phapa nata ziza phapa ta reipa Bangalore ta tyuvyuh phapa maniah apiepazy hma phahnai thai awpa tahpazy ta reih ta, he point 3 pazy he pha kawpa ta rei pakawhna a hnei.
 |
| Rev. Chatlai, MCF B'lore President biereina a hneinopa |
MSO ta Palyupalihna: MSO President hmiatua chaipa Puhpa Pawsa Lava atanoh taihta Bangalore liata a y ngahaipa nata Senior Advisor cha Ahneina pathaihpa ta Pihno Florence Nohro nata ku pathaihpa ama patuna liata alykheina certificate, frame chhaota tawh awpa ta a ma (ready) thlahpa cha present pa a cha.
 |
| (Pp. Pawsa Lava nata Pn. Florence Nohro zy Holy Wedding alykheina ama nawhta St. Beihmosia Lava ta a daonopa) |
Freshers nazy daihti a chana hawhta hmiapahnosana nata alypangiana hneipa ama cha. Freshers nazy he ama zydua ta 40 rachhoh pha ei ta, he noh liata a vaw hlao theipa deikua 12 ama cha. Tawhta, atanoh ta he programme ahmana liata a vaw pua theipa cha first session liata 83 (chapaw 49, chano 34) chata, second session liata 100 rachhoh ama pha. MSO maluh he 160 rachhoh a chapa ta pahnopa a cha.
 |
| (Freshers avawhlao theipazy) |
Short speech ei nona a reihtuhpa Puhpa Pawsa Lava, Senior Advisor nata MCF B'lore Secretary cha hnatla phatu leina vata ahlao thei lei vata session sanona liata short speech a reihtuhpa ta apahawhpa St. Samuel KC Zalua, senior member tawhta nathliepa; ano ta hlaotlohna hmeiseihpa cha degree chaleipa ta thaina peimawh ta, cha to awpa ta daihti hmathai byuhta, riahpha byuh ta, tiamana chota to theipa a cha tahpa ta a reih.
 |
| (Senior member St. Samuel Kc Zalua short speech a hneinopa) |
A lihkawh liata hla solo - Ls. C. Miriami, Ls. MC. Chiazi nata zy chhao nathliepa a cha.
 |
| (Secretary Report by St. K. Beikhotlua, Gen. Secy, MSO Sub-HQ: B'lore) |
Secretary report chhao St. K. Beikhotlua, General Secretary ta pie ta, Freshers nazy vyuhpa ta St. Thatingia ta biereina a hnei khai tawhta Ls. MC. Chiazi thlahchhana ta session sakhana pachhasapa a cha.
A lihkawh liata refreshment pahah kawpa niena hneipa a cha.
Session sanona he a hualua kawpa ta hosts - St. NC. Beichakao nata Ls. S. Melini zy ta pahnie kawpa nata zawpi paly uasa kawpa ta ama chhitha.
 |
| (Second session Hosts - St. NC. Beichakao nata Ls. S. Melini zy) |
MTP la ngia ngaitapa chhao lana hneipa a cha.
DEBATE:
He daihti liana heta student-zy chata py liata chana patupa phazie nata a pha leizie zy cha debate hneipa cha ta, debate tuhpazy ama thai kaw sai.Atlahpakhy n'awpa ta Rev. Chatlai hruapa cha ta, ano ta he hmo he 'balance' thai a byuh kawpa hmo a cha, tahpa ta tlah a paky.
 |
| (Debate hneinopa: Chavei nata chachah lata atyuhpazy he ama debate) |
Miss & Mister Freshers zy cha Ls. Elsie Deilisia nata Ls. Lonny Solo, judge-zy ta conduct ei ta, Miss Fresher chata Ls. Jessielyn Byhnapaw atlypa cha ta, Mister Fresher chata St. Beilyma Solo atlypatlohpa a cha.
 |
| Miss Fresher Ls. Jessielyn Byhnapaw nata Mister Fresher St. Beilyma Solo zy |
Fashion show chhao apatohpatiatuhpa leader chata raopa Ls. Ng. Beinongia ta pahnie kawpa ta MSO top model zy hmapa ta Mara traditional fashion show ama hneipa chata zawpizy a palysa hmeiseih ei.
 |
| (Fashion show organised by Ls. Ng. Beinongia team) |
St. Andrew Nohro (JK) tawhta vote of thanks nathliepa nathliepa cha ta,
 |
| (B'lore MSO Sub-HQ Asst. Secy. St. Andrew Nohro (JK) ta vote of thanks a hneinopa) |
Cha khai tawhta Abei thlahchhana ta daihti pachhasapa cha ta, zapati (dinner) pahah kawpa niena hneipa a cha.
Nothlah hluhvia ary liata slideshow ta sopa a cha: Nothlah lai viapa na mo khoh khiah slideshow he click la, picasa web album liata na moh thei aw.
-
|2011-08-21 04:10:17 AnonymousM S O laita chapawnawhe amasadai vawpasikaw keima eihawtinata India rala eikawtlonata eiveisa nawta burmar mo nasadai pasikaw nahrutu amatate
-
|2011-08-21 07:22:21 AnonymousB'lore MSO y amo pa tlah nama cha hmeiseih, nama freshers zy chhao ama chhielei ngasa hra....
anodeila khazia St. NC. Beichakao khi atha avaw chhiekaw tly?
-
|2011-08-21 13:18:11 SahlaoSt. NC. Beichakao he a tha chhie tiarah vei. Ano he he hawhpa chhithana lachhah he a talent cha ta, zako viala tawhta eima hma pazao ngathlahpa a cha. Nothlah liata ala pasu lei vata a tha chhiepa hawhta na pachapa a cha thei aw. Ls. S. Melini nata pahnie kawpa ta he daihti he ama chhitha...
-
|2011-08-21 10:10:08 AnonymousHAHAHA,,India liata na viasa na ta burma mo nama sa de pasi kaw ama cha tah na chha pa la nama PUA(dirty) tu kha maw..nama pathai khia laa nama ngia via aw,,Pua pa sa seih pa tahpa la angia thai vei kha mw,,nama hmi a sia kaw pa chhaota nama chhie khai ha kha maww,,,
-
|2011-08-21 10:19:13 kt,azlBangalore MSO freshers meet na ma hnei thei heihpa vata ei cha ly khei hmeisei ei..na ma hall hma pa chhao a sosah kaw,,a chysa a ypa zy nata chhaota avw hmie kawna..satlia Beilyma solo congrats,,keep it up...
-
|2011-08-21 10:48:49 emon_maraBangalore MSO,cha Freshers' social ama hma khai hei ba na... Ei viasa lokhyzy hmia ei vaw hmo nata la, ei palo avaw lie kaw na.. Bangalore MSO hmiala to via lyma sy!
# Frheshers deikua nama hnei chyh hmi kaw, ama vaw pua tla lei pa va ma a cha ma ..
-
|2011-08-21 18:09:10 AnonymousZako hlata bahta eima hluh via awpa hawhta eima hisadah a cha. Theology students nazy he pua thei leipa ei ta, chavata achyhpa eima lyupa a cha. Eima hluh kaw thlah ha.
-
|2011-08-22 06:38:03 edmundnama hma pha hmi kaw na.atly pahlao daihti zy chhao
avaw pahie tlama heipa awpata pangia sa
-
|2011-08-22 06:38:58 edmund - re:edmund wrote:nama hma pha hmi kaw na.atly pahlao daihti zy chhao
avaw pahie tlama heipa pangia sa
-
|2011-08-22 13:18:57 Hmotu - Mo avawpha kawMo avawpha kaw.anodeikuala Mara mopi he bata eima chuvia chypa abyu chy.
-
|2011-08-22 13:26:51 B'lore MaraSakhana liata: Mo a pha awpa ta taopa chaleipa ta, abyuhpa vata he programme he taopa nata ahmahpa a cha.
...
Sanona liata: Eima chu via awpa abyuhpa a y khiahta cha bah vaw reih la, achu aw pita, athohkhei aw pita, a pha kaw aw. Chaleipa ta achu awpa eima hnei tahpa deita cha na comment he a phahnai nawpa hawhta phahnai khai thei vei. Bah vaw comment via ma y. Rei awpa pha kawpa na hnei cheingei na ta ei pangiasa.
.
.
. 
